ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
របបអាហារល្អ ដូចជាការកម្រិតជាតិស្ករ អាហារសំបូរសារធាតុចិញ្ចឹមទៅកាន់រាងកាយមានភាពប្រទាក់ក្រឡាគ្នាទៅនឹងការជំរុញអារម្មណ៍ឱ្យមានភាពស្រស់បស់ ក៏ដូចជាការបង្កើនផលិតភាពចំពោះការសិក្សា និងការងារ។ តាមរយៈគេហទំព័រ Bestlife បានពន្យល់ហេតុផលមួយចំនួន ដែលបង្ហាញឱ្យឃើញថា របបអាហារមិនល្អមួយចំនួន ដែលប៉ះពាល់ដល់ការបង្កើតអារម្មណ៍ស្រស់ស្រាយ និងថាមពល។
១. អាហារមានជាតិស្ករក្នុងឈាមខ្ពស់ ៖ កាលដែលបរិភោគអាហារដែលបណ្តាលឱ្យមានកម្រិតជាតិស្ករក្នុងខ្លួនខ្ពស់ ប៉ះពាល់ដល់ សុខភាពបេះដូង និងហានិភ័យនៃជំងឺទឹកនោមផ្អែម ហើយចំណុចទាំងពីរនេះជាចំណែកពាក់ព័ន្ធនឹងអារម្មណ៍ ដូចជានាំឱ្យអារម្មណ៍ប្រែប្រួលចុះឡើង ឆាប់ខឹងនឹងរឿងសាមញ្ញៗ ហើយជារឿយៗឧស្សាហ៍ខ្សោះថាមពល។
២. អាហារមិនមានសារធាតុចិញ្ចឹម ៖ អាហារដែលមិនមានសារធាតុចិញ្ចឹមគ្រប់គ្រាន់ បង្កឱ្យមានជំងឺបាក់ទឹកចិត្ត និងអាការៈថប់បារម្ភ ដូច្នេះការបរិភោគគួរតែគិតឱ្យបានគ្រប់សព្វ ដោយមានបន្លែផ្លែឈើ ត្រីសាច់ គ្រាប់ធញ្ញជាតិ និងអាហារបំប៉នបន្ថែម។
៣. អាហារមិនល្អចំពោះសុខភាពពោះវៀន ៖ សុខភាពពោះវៀនដើរតួនាទីយ៉ាងសំខាន់ពង្រឹងទៅដល់សុខុមាលភាព មានន័យថា ពង្រឹងទាំងសុខភាពផ្លូវចិត្តនិងផ្លូវកាយ ដូច្នេះចាំបាច់ណាស់ដែលត្រូវជ្រើសរើសអាហារដែលនាំឱ្យសុខភាពពោះវៀនដំណើរការល្អ ដូចជា ផ្លែឈើ បន្លែ គ្រាប់ធញ្ញជាតិជាដើម ហើយការទទួលទានទឹកឱ្យបានគ្រប់គ្រាន់ជាកត្តាសំខាន់ជួយដល់សុខភាពពោះវៀនផងដែរ៕
