ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡាប្រកាសប្រឡងជ្រើសរើសសិស្ស-និស្សិតកម្ពុជាទៅសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន៦០កន្លែងទៅសិក្សាអាហារូបករណ៍រដ្ឋាភិបាលនៃសាធារណរដ្ឋប្រជាមានិតចិន (CSC) សម្រាប់ឆ្នាំសិក្សា២០២៤-២០២៥។
ជំនាញដែលអាហារូបករណ៍ផ្ដល់ជូនសិក្សារួមមាន វិទ្យាសាស្ត្រ វិស្វកម្ម សេដ្ឋកិច្ច ការគ្រប់គ្រងពាណិជ្ជកម្ម វេជ្ជសាស្ត្រ ព័ត៌មានវិទ្យា និងជំនាញជាច្រើនទៀត។
លក្ខខណ្ឌនៃការចុះឈ្មោះបេក្ខជនចូលរួមប្រឡងប្រជែងថ្នាក់បរិញ្ញាបត្រជាន់ខ្ពស់ បេក្ខជនទាំង២ភេទត្រូវមានសញ្ជាតិខ្មែរ មានសញ្ញាបត្រថ្នាក់បរិញ្ញាបត្រ មានអាយុតិចជាង៣៥ឆ្នាំ មានចំណេះដឹងភាសាអង់គ្លេសជ្រៅជ្រះ មានសុខភាពល្អបរិបូរណ៍ ទាំងកាយសម្បទា និងសតិបញ្ញា។ សម្រាប់បេក្ខជនប្រឡងប្រជែងថ្នាក់បរិញ្ញាបត្រ បេក្ខជនទាំងពីរភេទត្រូវមានសញ្ជាតិខ្មែរ មានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូល មានអាយុតិចជាង២៥ឆ្នាំ មានលិខិតបញ្ជាក់ពីកម្រិតចំណេះដឹងភាសាចិនHSK3 និងមានសុខភាពល្អបរិបូរណ៍ ទាំងកាយសម្បទា និងសតិបញ្ញា។
ការប្រឡងប្រជែងសម្រាប់ថ្នាក់បរិញ្ញាបត្រជាន់ខ្ពស់នឹងប្រព្រឹត្តទៅលើវិញ្ញាសាភាសាអង់គ្លេស រយៈពេល៩០នាទី និងវិញ្ញាសាវប្បធម៌ទូទៅ រយៈពេល៩០នាទី។ សម្រាប់ថ្នាក់បរិញ្ញាបត្រនិងប្រព្រឹត្តទៅលើវិញ្ញាសាគណិតវិទ្យា រយៈពេល៩០នាទី និងវិញ្ញាសាវប្បធម៌ទូទៅ រយៈពេល៩០នាទី។
បេក្ខជន បេក្ខនារីដែលមានចំណាប់អារម្មណ៍ក្នុងការដាក់ពាក្យត្រូវបំពេញពាក្យ និងភ្ជាប់ជាមួយសំណុំឯកសារមួយចំនួនដូចជា បង្កាន់ដៃទទួលពាក្យ០១ច្បាប់ ពាក្យសុំអាហារូបករណ៍០១ច្បាប់ ជីវប្រវត្តិសង្ខេប០១ច្បាប់ កិច្ចសន្យា០១ច្បាប់ (សំណុំឯកសារខាងមុខសុទ្ធតែមានគំរូ) រូបថត៤x៦ ចំនួន០៤សន្លឹក (ថតថ្មី ផ្ទៃក្រោយពណ៌ស) សញ្ញាបត្របរិញ្ញាបត្រ(ច្បាប់ចម្លង០១ច្បាប់)សម្រាប់ថ្នាក់បរិញ្ញាបត្រជាន់ខ្ពស់ និងសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃសមមូល(ច្បាប់ថតចម្លង០១ច្បាប់ និងភ្ជាប់សញ្ញាបត្រច្បាប់ដើមមកជាមួយដើម្បីផ្ទៀងផ្ទាត់)។ លើសពីនេះបេក្ខជនត្រូវភ្ជាប់ជាមួយលិខិតបញ្ជាក់ការសិក្សាពីគ្រឹះស្ថានសិក្សា/បណ្ណសម្គាល់និស្សិតចំពោះបេក្ខជនជានិស្សិតដែលកំពុងសិក្សានៅតាមគ្រឹះស្ថាននានា សេចក្ដីបញ្ជាក់ពីអង្គភាពចំពោះបេក្ខជនជាមន្ត្រីរាជការ និងវិញ្ញាបនបត្រពិនិត្យកាយសម្បទា ០២សន្លឹក ត្រូវបំពេញក្រោយពេលដែលសាមីជនត្រូវបានប្រឡងជ្រើសរើសរួច។
គួរបញ្ជាក់ដែរថា បេក្ខជនជ័យលាភីអាហារូបករណ៍នឹងទទួលបានការចំណាយផ្សេងៗដូចជា ការស្នាក់នៅ ការសិក្សា និងប្រាក់ឧបត្ថម្ភប្រចាំខែ ពីភាគីអាហារូបករណ៍ ប៉ុន្តែបេក្ខជនត្រូវចំណាយលើថ្លៃធ្វើដំណើរទៅមកកម្ពុជា-ចិន-កម្ពុជាដោយខ្លួនឯង។
សម្រាប់ព័ត៌មានបន្ថែមបេក្ខជនអាចទៅកាន់ការិយាល័យអាហារូបករណ៍ និងកម្មសិក្សានៃនាយកដ្ឋានទំនាក់ទំនងវប្បធម៌ និងអាហារូបករណ៍ដែលមានអាសយដ្ឋាន អគារលេខ២៣ ផ្លូវ៣៦០ សង្កាត់បឹងកេងកងទី១ ខណ្ឌបឹងកេងកង (ខាងកើតស្ថានីយ៍ទូរទស្សន៍អប្សារាចម្ងាយប្រហែល៥០ម៉ែត្រ) ឬអាចទំនាក់ទំនងទៅកាន់ ០៩៨ ៩៨ ៩៧ ៨៩ / ០៩៥ ៦២ ៤៨ ៩៥ រៀងរាល់ម៉ោងធ្វើការ។
ចាប់ទទួលពា្យពីថ្ងៃផ្សាយដំណឹងនេះរហូតដល់ថ្ងៃទី០៨ ខែមករា ឆ្នាំ២០២៤ ម៉ោង៤:០០រសៀល៕
