ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសអាហារូបករណ៍សិក្សាជំនាញវិជ្ជាជីវៈចំនួន៤២០កន្លែងនៅវិទ្យាស្ថានពហុបច្ចេកទេសខេត្តព្រៃវែង សម្រាប់ជំហានទី២។ វិទ្យាស្ថានផ្ដល់ជូនវគ្គសិក្សាដល់យុវជន យុវនារីដែលមកពីគ្រួសារក្រីក្រ គ្រួសារងាយរងហានិភ័យ សម្រាប់សិក្សាជំនាញឯកទេសចំនួន៧។
ជំនាញឯកទេសដែលអាហារូបករណ៍ផ្ដល់ជូនរួមមាន ជំនាញការដំឡើងបណ្ដាញអគ្គិសនីក្នុងអគារ ជំំនាញការថែទាំ និងជួសជុលរថយន្ត ជំនាញសេវាកម្មកុំព្យូទ័រ ជំនាញសេវាកម្មសម្អាងកាយ ជំនាញសេវាកម្មបរិក្ខាត្រជាក់ក្នុងគេហដ្ឋាន ជំនាញធ្វើម្ហូបខ្មែរ និងជំនាញកែច្នៃបន្លែ និងផ្លែឈើ ។ នៅក្នុងជំនាញទាំងអស់នឹងជ្រើសរើសសិស្សចំនួន៦០នាក់ (ក្នុងមួយវេន៣០នាក់) ដែលមានបែងចែកជា២វេនសិក្សា វេនចន្ទ-សុក្រ មានរយៈពេល៤ខែ និងវេនសៅរ៍-អាទិត្យ មានរយៈពេល១០ខែ។
លក្ខខណ្ឌចុះឈ្មោះសិក្សាសម្រាប់ក្រុមគោលដៅទី១ ជាយុវជន យុវនារីដែលមានអាយុចាប់ពី១៥ឆ្នាំឡើងទៅ មកពីគ្រួសារក្រីក្រ និងគ្រួសារងាយរងហានិភ័យទូទាំងប្រទេស ទទួលបានការសិក្សាឥតមិនបង់ថ្លៃ ទទួលបានប្រាក់ឧបត្ថម្ភចំនួន២៨ម៉ឺនរៀលក្នុងមួយខែដោយសិក្សាពេញម៉ោង និងទទួលបានសញ្ញាបត្របច្ចេកទេស និងវិជ្ជាជីវៈ១ ពីក្រសួងការងារ និងឱកាសបន្តការសិក្សា។
សម្រាប់ក្រុមគោលដៅទី២ ជាយុវជន យុវនារីដែលមានអាយុចាប់ពី១៥ឆ្នាំឡើងទៅ មានប័ណ្ណសម្គាល់ពិការភាព ប័ណ្ណមូលនិធិសមធម៌សុខាភិបាល និងយុវជនដែលឧទ្ទេសនាមដោយដោយរដ្ឋបាលរាជធានី ខេត្ត ក្រុង ស្រុក ខណ្ឌ ទទួលបានការសិក្សាដោយមិនបង់ថ្លៃ ទទួលបានសញ្ញាបត្របច្ចេកទេស និងវិជ្ជាជីវៈ១ ពីក្រសួងការងារ និងឱកាសបន្តការសិក្សា ប៉ុន្តែមិនទទួលបានប្រាក់ឧបតម្ភប្រចាំខែនោះទេ។
បេក្ខជន បេក្ខនារីដែលមានចំណាប់អារម្មណ៍ក្នុងការសិក្សាអាចចុះឈ្មោះតាមរយៈ https://scholarship.tvet.gov.kh/home ឬអាចទៅកាន់វិទ្យាល័យស្ថានពហុបច្ចេកទេសខេត្តព្រៃវែង ដែលមានអាសយដ្ឋាននៅខាងត្បូង មន្ទីរអប់រំ យុវជន និងកីឡាខេត្ត « អតីតសាលាបំពេញវិជ្ជារៀបរយខេត្ត» រៀងរាល់ម៉ោងធ្វើការ។ សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៧៧២ ០៣៧, ០៨៨ ៥៦០០ ៦០៦, ០៩៣ ៤១៦ ៣៤៣ ។
ទទួលពាក្យពីថ្ងៃផ្សាយដំណឹងរហូតដល់ថ្ងៃទី០១ ខែឧសភា ឆ្នាំ២០២៤៕
