ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រោយពីចូលរួមសកម្មភាពជាច្រើនអំឡុងពេលសិក្សាឆ្នាំចុងក្រោយ នៃកម្រិតវិទ្យាល័យ គឺនៅមានកត្តាបីចំណុចសំខាន់ៗបន្ថែមទៀត ដែលសិស្សគួរអនុវត្តន៍ដើម្បីរក្សាទំនាក់ទំនង និងការត្រួសត្រាយផ្លូវទៅកាន់ដំណើរសិក្សាថ្មីៗ និងការរក្សាសន្តិភាពផ្លូវចិត្ត។ តាមរយៈ University of WaterLoo បានបង្ហាញជូន៣ចំណុចខាងក្រោម ៖
១. ឆ្លុះបញ្ចាំងក្នុងនាមជាសិស្សវិទ្យាល័យ ៖ បន្ទាប់ពីយកចិត្តទុកដាក់ក្នុងនាមជាជីវិតសិស្សកម្រិតវិទ្យាល័យ ឬការផ្តោតអំពីមេរៀននៅក្នុងថ្នាក់ ភារកិច្ចបន្ទាប់គឺការចាប់ផ្តើមវិថីសិក្សាថ្មីនៅមហាវិទ្យាល័យ ឬក៏ការបន្តជំនាញនិងឯកទេសរៀងខ្លួន។ ជំនួសឱ្យការទន្ទឹងចាំមើលលទ្ធផល ក៏ការបញ្ចប់ការសិក្សាមកដល់ សិស្សគួរទុកចន្លោះខ្លះក្នុងការឆ្លុះបញ្ចាំងពីខ្លួនឯងបន្ថែមអំពីចំណូលចិត្តនៃការសិក្សា បញ្ហាប្រឈម និងដំណោះស្រាយ។ ហើយការឆ្លុះបញ្ចាំងទៀតសោតគួរធ្វើឱ្យបានមុនពេលថ្ងៃផុតកំណត់នៃការចុះឈ្មោះបន្តការសិក្សានៅជំហានបន្ទាប់ ក្នុងគោលបំណងជំរុញឱ្យការសម្រេចចិត្តឆ្លើយតបនឹងជាសក្តានុពលដែលខ្លួនមាន។
ដំណាក់កាលរៀននៅវិទ្យាល័យមិនសាមញ្ញពេកទេ ជានិច្ចកាលសិស្សអាចនឹងប្រទះអាការស្រ្តេស ជាពិសេសនៅពេលចុងឆ្នាំខិតជិតមកដល់ ដែលជាហេតុបង្ហាញឱ្យឃើញថា ការឆ្លៀតពេលសម្រាក ឬការទុកចន្លោះឱ្យខ្លួនឯងបានរួមចំណែកដល់ការបង្កើនផលិតភាពនៃការសិក្សា និងការសម្រេចចិត្ត ក៏ដូចជា ការកាត់ផ្តាច់ ពីផលរំខាននានា ដូចជាបណ្តាញសង្គមជាដើម។
២. ធ្វើសេចក្ដីដឹងគុណ ៖ ទោះបីជាមានការខិតខំប្រឹងប្រែងដោយផ្តើមចេញពីបុគ្គលខ្លួនឯងមានតម្លៃធំធេងយ៉ាងណាក្ដី សិស្សគួរតែមានការនឹករលឹកដឹងគុណទៅកាន់លោកគ្រូអ្នកគ្រូ អាណាព្យាបាល អ្នកប្រឹក្សា មិត្ត និងអ្នកពាក់ព័ន្ធដទៃទៀត តាមរយៈការទទួលស្គាល់នូវការជ្រោមជ្រែងពីមជ្ឈដ្ឋានខាងក្រៅ។ លើសពីការបង្ហាញសេចក្ដីដឹងគុណចំពោះមនុស្សជុំវិញខ្លួន ជាមួយគ្នានោះ គួររក្សាសកម្មភាពវិជ្ជមានជាមួយមនុស្សដែលរួមដំណើរនៃការសិក្សាកន្លងមក និងអរគុណជាពិសេសទៅកាន់ បុគ្គលដែលធ្វើឱ្យលោកអ្នកមានឱកាសសិក្សារៀនសូត្រ និងឱកាសក្នុងការបន្តជំហានបន្ទាប់។
៣. បន្សល់ទុកនូវអនុស្សាវរីយ៍ ៖ បន្ទាប់ពីបញ្ចប់ការសិក្សានៅកម្រិតវិទ្យាល័យ ជារឿងទូទៅមួយដែលគេមើលឃើញគឺ មិនមែនសិស្សទាំងអស់ដែលរៀនជុំគ្នាកន្លងមកសុទ្ធតែបន្តរៀនជំនាញដូចៗគ្នាទេ ជារួមគឺមិនប្រាកដថាមានឱកាសជួបគ្នានាពេលបន្ទាប់ ឬឆ្នាំបន្ទាប់ទេ ដូច្នេះព្យាយាមបង្កើតពេលក្នុងការជួបជុំតិចតួចដើម្បីថតរូបស្អាតៗ ឬរូបភាពដែលពិបាកនឹងត្រឡប់មកដូចពេលនេះម្តងទៀត។ បន្ថែមពីនោះ គឺការផ្លាស់ប្តូរវត្ថុអនុស្សាវរីយ៍គ្នា និងធ្វើដំណើរកម្សាន្តជុំគ្នា។ ដែលនេះ ក៏ជាសកម្មភាពមួយជួយឱ្យយុវវ័យ ហ៊ានសាកល្បងសកម្មភាពប្លែកៗ និងការរៀនដោះស្រាយបញ្ហាថ្មីៗ តួយ៉ាងការរៀបចំ និងការជជែកប្រមូលផ្តុំគ្នាជាដើម ព្រោះសកម្មភាពទាំងនេះ សុទ្ធសឹងតែត្រូវការជំនាញសម្របសម្រួល៕
