ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ដើមចមនៃការជំរុញវិស័យអប់រំនៅកម្ពុជាឱ្យមានស្តង់ដាសាលារៀនគំរូ គឺដោយហេតុថា កន្លងមកសាលារៀនមានការអនុវត្តបែបចម្រុះភាព មិនហានក្នុងការប្រតិបត្តិចំពោះគំនិតបង្កើតថ្មីព្រោះមិនមានអ្វីជាតឹកតាងកំឡុងពេលអនុវត្តន៍។ មួយវិញទៀតការមើលឃើញ ពីភាពលំបាកក្នុងការបត់បែនកំឡុងពេលមានវិបត្តិសកល ដូច្នេះតម្រូវឱ្យសកម្មភាពសាលារៀនគំរូចាប់ផ្តើមអនុវត្តន៍ ដើម្បីឱ្យមានភាពគំរូ ឬក៏ភាពពេញលេញ ទៅតាមលទ្ធភាព ឬតម្រូវការ និងមានសេចក្ដីយោងជាក់លាក់។ នេះជាការលើកឡើងរបស់ ឯកឧត្តម អ៊ុង បូរាត រដ្ឋលេខាធិការក្រសួងអប់រំ យុវជន និងកីឡា ក្នុងពិធីបើកបវេសនកាលឆ្នាំសិក្សា ២០២៣-២០២៤ នៅវិទ្យាល័យឧដុង្គ ខេត្តកំពង់ស្ពឺ ។
បើតាម ឯកឧត្តម អ៊ុង បូរាត មានកត្តាចំនួន៣ ដែលជំរុញឱ្យមានការបង្កើតស្តង់ដារសាលារៀនគំរូនៅកម្ពុជា ៖
១. ការអនុវត្តមានភាពចម្រុះ ៖ សាលាគ្រប់កម្រិតទាំងអស់មានដូចជា មត្តេយ្យ បឋម និងមធ្យមសិក្សា មានការអនុវត្តមិនដូចគ្នានោះទេ។ ហើយការបំពេញភារកិច្ចមិនដូចគ្នា នោះលទ្ធផលទទួលបានក៏មិនដូចគ្នាដែរ។ ដែលជាបុព្វហេតុ មួយទាមទារឱ្យយើងមានជារូបភាពពេញលេញមួយ និងរបៀបរបបនៃការអនុវត្តមួយដូចគ្នា។
២. ត្រូវការសេចក្ដីយោង ៖ កន្លងមក ដោយមើលឃើញថា សាលាខ្លះមានភាពបត់បែន និងភាពច្នៃប្រតិដ្ឋដោយគណៈគ្រប់សាលាផ្ទាល់ ប៉ុន្តែទន្ទឹមគ្នានោះ ក៏មានបញ្ហាប្រឈមនៅក្នុងការតទល់ជាមួយនឹងគ្រូបង្រៀន សិស្ស រួមទាំងសហគមន៍ ដោយសារតែការអនុវត្តហាក់បង្កបាននូវរូបភាពប្រាសចាកពីការណែនាំ អំពីលំនាំរបស់ក្រសួង ដែលបណ្តាលឱ្យការអនុវត្តសកម្មភាពខ្លះគ្មានការចូលរួមបានពេញលេញពីបុគ្គលពាក់ព័ន្ធ។ ដែលជាហេតុធ្វើឱ្យដំណើរការអភិវឌ្ឍ របស់សាលារៀន មានភាពលឿនរហ័សទៅបានត្រូវមានការណែនាំពីក្រសួងអប់រំ ដែលអាចគ្របដណ្តប់បានទូលំទូលាយ។
៣. សាលាឆ្លងកាត់ភាពលំបាក ៖ ក្នុងរយៈពេលបីឆ្នាំកន្លះ កន្លងទៅនេះ ជាពិសេសការប្រយុទ្ធប្រឆាំងនឹងវិបត្តិជំងឺរាតត្បាតសកល(កូវីដ១៩) យើងមើលឃើញថា មានតែភាពច្នៃប្រតិដ្ឋ មានតែស្វ័យភាព ឬសេរីភាពនៃការគ្រប់គ្រង និងការចូលរួមនៅសាលារៀនផ្ទាល់ទេ ទើបអាចឱ្យសាលារៀនអាចដំណើរការបាន។ ការចូលរួមទាំងអស់គ្នា ទាំងភាពច្នៃប្រឌិដ្ឋ និងសមត្ថភាពគ្រប់គ្រងរបស់នាយក ឬគណគ្រប់គ្រងមានភាពរឹងមាំ មានគោលដៅច្បាស់លាល់ ដាក់ចេញនូវវិធានការណ៍ឆ្លើយតបភ្លាមៗ ទើបធ្វើឱ្យសាលារៀនមានភាពធន់ ហើយនឹងអាចដំណើរការបានប្រកបដោយប្រសិទ្ធភាព ដែលចំណុចទាំងនេះ ជាកត្តជំរុញដ៏ចាំបាច់ ក្នុងការរៀបចំការណែនាំមួយ ដែលលើកទឹកចិត្តដល់ស្វ័យភាពរបស់គណៈគ្រប់គ្រងសាលារៀនរបស់លោកនាយក និងធ្វើយ៉ាងម៉េចឱ្យមានការចូលរួមរបស់សហគមន៍ផងដែរ៕
