ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានបច្ចេកវិទ្យាគិរីរម្យ បានប្រកាសពីការផ្ដល់ការឧបត្ថម្ភថ្លៃសិក្សាថ្នាក់បរិញ្ញាបត្រដល់សិស្សានុសិស្សដែលកំពុងសិក្សានៅថ្នាក់វិទ្យាល័យ ឬកំពុងសិក្សានៅសាកលវិទ្យាល័យចំនួន២០កន្លែងសម្រាប់ឆ្នាំសិក្សា២០២៣-២០២៤ ។ ជំនាញដែលអាហារូបករណ៍ផ្ដល់មានថ្នាក់បរិញ្ញាបត្រផ្នែកវិស្វកម្ម(Bachelor of Software Engineering)និងបរិញ្ញាបត្រគ្រប់គ្រងទេសចរណ៍(Bachelor of Tourism Management) សិក្សារយៈពេល៤ឆ្នាំ ។
ឯកសារចាំបាច់ដែលបេក្ខជនតម្រូវមានដូចជា សញ្ញាបត្រមធ្យមសិក្សាទុតិយភូមិ(សិស្សទី១២ក៏អាចដាក់ពាក្យបាន) កិច្ចព្រមព្រៀងចុះឈ្មោះចូលរៀន(Enrollment agreement) រូបថត៤x៦ ឬរូបថតលិខិតឆ្លងដែន និងកាតសិស្ស ឬកាតសម្គាល់និស្សិត ។
ដើម្បីទទួលបានឱកាសនេះ បេក្ខជនត្រូវដាក់ពាក្យ Online តាមរយៈ https://forms.gle/UruVfoM7zUyoLcTh6 បន្ទាប់មកត្រូវប្រឡងចូល ដោយការប្រឡងជាតេស្តសមត្ថភាពភាសាអង់គ្លេស (ប្រឡងដោយផ្ទាល់និងមានច្រើនដងសម្រាប់និស្សិតអាចជ្រើសរើសពេលបាន) ។ ក្រោយជាប់វគ្គប្រឡងចូល បេក្ខជន និងបេក្ខនារីត្រូវឆ្លងកាត់វគ្គសម្ភាសន៍២ដង ។
ការឧបត្ថម្ភនេះរួមបញ្ចូល កន្លែងស្នាក់នៅនិងទឹកភ្លើង អាហារ៣ពេល ធានារ៉ាប់រងសុខភាព កន្លែងលេងកីឡា សេវា Internet (WiFi) និងអត្ថប្រយោជន៍ផ្សេងទៀត ។ ជាមួយគ្នានេះ បេក្ខជននឹងមានឱកាសបានការងារធ្វើក្រោយបញ្ចប់ការសិក្សាផងដែរ ។
ការស្នើពាក្យសុំប្រឡងចាប់ពីថ្ងៃផ្សាយដំណឹងតទៅដោយការប្រឡងចូលមានបែងចែកជា៦ដង លើកទីមួយថ្ងៃទី០២ ខែកក្កដា ២០២៣ លើកទីពីរថ្ងៃទី៣០ ខែកញ្ញា ២០២៣ លើកទីបីថ្ងៃទី២៦ ខែវិច្ឆិកា២០២៣ លើកទីបួនថ្ងៃទី១៧ ខែធ្នូ២០២៣ លើកទីប្រាំថ្ងៃទី១៣ ខែមករា ២០២៤ និងលើកទីប្រាំមួយថ្ងៃទី ១៤ ខែមករា ២០២៤ ។
សម្រាប់ព័ត៌មានបន្ថែមតាមរយៈតេឡេក្រាម https://t.me/kitedumarketing ៕
