ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវជនភាគច្រើនតែងមានក្ដីស្រមៃ និងគោលបំណងចង់ធ្វើអ្វីមួយនៅថ្ងៃអនាគត ប៉ុន្តែពួកគេមិនដឹងថា ត្រូវធ្វើដោយរបៀបណា។ ទន្ទឹមគ្នានេះ ដើម្បីអាចសម្រេចគោលដៅជីវិតបានក៏មិនមែនជារឿងលំបាករហូតមិនអាចធ្វើបានឡើយ ឱ្យតែយុវជនមានឆន្ទៈពិតប្រាកដ។ យុវជន ហាវ ហ៊ាង ជាសិស្សថ្នាក់ទី១២ និងជាអ្នកបង្កើតមាតិកាដ៏មានប្រជាប្រិយភាពមួយរូបនៅលើបណ្តាញសង្គម បានចែករំលែកគន្លឹះមួយចំនួនដើម្បីជួយយុវជនជំនះឧបសគ្គដើម្បីសម្រចគោលដៅជីវិត។
ខាងក្រោមនេះ ជាគន្លឹះមួយចំនួនជួយយុវជនជំនះឧបសគ្គដើម្បីសម្រចគោលដៅជីវិត រួមមាន៖
១. ហ៊ានដាក់គោលដៅ ៖ ការដាក់គោលដៅពិតជាមានសារៈសំខាន់ខ្លាំងក្នុងជីវិត។ មុនពេលកំណត់គោដៅអ្វីមួយ យើងអាចកំណត់នៅក្នុងខួរក្បាលរួចជាស្រេច ហើយសង្ឃឹថា គោលដៅនោះនឹងសម្រេចជោគជ័យ។ នៅពេលដែលយើងគិតរឿងល្អៗ មានគោលដៅដែលអាចសម្រេចបាន នឹងនាំឱ្យយើងខំប្រឹងប្រែងធ្វើដោយមិនខ្លាចនឿយហត់។ ទន្ទឹមនឹងនេះ នៅពេលយើងមានគោលដៅចង់ធ្វើអ្វីមួយ មិនប្រាកដថាមានអ្នកគាំទ្រនោះឡើយ។ ផ្ទុយទៅវិញ បើទោះជាគ្មានអ្នកគាំទ្រ ហើយមិនមានការនិយាយលើកទឹកចិត្តពីមនុស្សជុំវិញខ្លួនក៏ដោយ យើងត្រូវតែហ៊ានធ្វើ បញ្ចេញសកម្មភាព ដើម្បីសម្រេចគោលដៅនោះ។
២. ហ៊ានធ្វើ ៖ ដើម្បីអាចសម្រេចគោលដៅដែលយើងចង់ធ្វើ ចាំបាច់ត្រូវតែហ៊ានធ្វើ ដោយមិនខ្វល់ខ្វាយអំពីពាក្យសម្ដីរបស់អ្នកនៅជុំវិញខ្លួន។ ទន្ទឹមគ្នានេះ នៅពេលយើងលះបង់ក្នុងការធ្វើអ្វីមួយបានទទួលលទ្ធផលល្អ នឹងនាំឱ្យយើងកាន់តែមានកម្លាំងចិត្តបន្តធ្វើទៅមុខ។ ជាពិសេស យើងអាចសម្រេចលទ្ធផលល្អបាន ក៏ចាំបាច់ត្រូវមានការចូលរួមពីមនុស្សជុំវិញខ្លួន។
«កាលពីរៀនថ្នាក់ទី៩ ខ្ញុំបានខ្ចីទូរស័ព្ទរបស់ម៉ាក់យកមករៀនថតវីដេអូ ហើយបានបង្ហោះវីដេអូដំបូងបំផុត វាធ្វើឱ្យខ្ញុំសប្បាយចិត្តខ្លាំងព្រោះអាចសម្រេចគោលដៅរបស់ខ្លួន។»
យុវជន ហាវ ហ៊ាង ជាសិស្សថ្នាក់ទី១២ និងជាអ្នកបង្កើតមាតិកា
៣. ហ៊ានសុំជំនួយ ៖ នៅពេលយើងហ៊ានធ្វើ និងចង់សម្រេចគោលដៅអ្វីមួយ គឺចាំបាច់ត្រូវហ៊ានសុំជំនួយផងដែរ ដោយសារយើងមិនអាចចេះធ្វើកិច្ចការទាំងអស់តែម្នាក់ឯងបានឡើយ។ ដូច្នេះ ប្រសិនជាស្ថិតក្នុងស្ថានមួយដែលខិតខំធ្វើអស់សមត្ថភាពហើយមិនទទួលបានផល គឺត្រូវតែក្លាហានសុំជំនួយពីគ្រួសារ មិត្តភក្ដិ និងមនុស្សជំវិញខ្លួន។
៤. ហ៊ានទទួលយក ៖ នៅពេលគោលដៅរបស់យើងអាចចម្រេចចេញជារូបរាងបាន វាក៏អាចជួបបញ្ហាប្រឈមជាច្រើនផងដែរ។ ដូច្នេះ យើងត្រូវតែហានទទួលយកថា គោលដៅដែលយើងចង់សម្រេចអាចជួបការលំបាកបែបនេះ។
ដូច្នេះសរុបជារួម ប្រសិនបើយុវជនចង់សម្រេចអ្វីមួយ ត្រូវកំណត់គោលដៅឱ្យបានច្បាស់លាស់ បន្ទាប់មក ត្រូវក្លាហានធ្វើដោយមិនខ្វល់ពីពាក្យសម្ដីរិះគន់របស់អ្នកដទៃ។ ត្រូវចេះសុំជំនួយពីមនុស្សជុំវិញខ្លួនពេលណាត្រូវការជំនួយចាំបាច់ និងចេះទទួលយកចំណុចខ្វះខាត និងកែប្រែឱ្យល្អឡើងវិញ៕
