ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ផ្នែកកិច្ចការសាធារណៈ នៃស្ថានទូតសហរដ្ឋអាមេរិកប្រចាំនៅភ្នំពេញ បានប្រកាសបើកទទួលពាក្យសុំអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត) នៅសហរដ្ឋអាមេរិក សម្រាប់ឆ្នាំសិក្សា ២០២៧-២០២៨។
កម្មវិធី Fulbright ត្រូវបានបង្កើតឡើងតាំងពីឆ្នាំ១៩៤៦ ក្នុងគោលបំណងបង្កើនការយោគយល់គ្នាទៅវិញទៅមករវាងប្រជាជនសហរដ្ឋអាមេរិក និងប្រជាជននៃបណ្តាប្រទេសដទៃទៀតតាមរយៈការអប់រំ និងការផ្លាស់ប្តូរវប្បធម៌។
អត្ថប្រយោជន៍នៃអាហារូបករណ៍ ៖ សំបុត្រយន្តហោះទៅ-មក សហរដ្ឋអាមេរិក, ថ្លៃសិក្សា និងថ្លៃសាលាផ្សេងៗ, ប្រាក់ឧបត្ថម្ភសម្រាប់ការស្នាក់នៅ និងការហូបចុកប្រចាំថ្ងៃ។ បញ្ជាក់ អាហារូបករណ៍មិនផ្តល់ការគាំទ្រផ្នែកហិរញ្ញវត្ថុសម្រាប់សមាជិកគ្រួសារ ឬអ្នកបន្ទុកឡើយ។
លក្ខខណ្ឌជ្រើសរើស ៖ បេក្ខជនត្រូវមានលក្ខណៈសម្បត្តិដូចជា ៖ ជាពលរដ្ឋខ្មែរ, មានលទ្ធផលសិក្សាល្អប្រសើរ, ត្រូវមានសញ្ញាបត្របរិញ្ញាបត្រ (សម្រាប់អ្នកដាក់ពាក្យយកថ្នាក់អនុបណ្ឌិត) ឬមានសញ្ញាបត្រអនុបណ្ឌិត (សម្រាប់អ្នកដាក់ពាក្យយកថ្នាក់បណ្ឌិត) ពីសាកលវិទ្យាល័យដែលទទួលស្គាល់, មានពិន្ទុអប្បបរមា TOEFL ITP (570), TOEFL iBT (88) ឬ IELTS (7.0), មានសុខភាពល្អ និងមានសមត្ថភាពអាចរៀនសូត្រក្នុងកម្មវិធីសិក្សាដ៏តឹងរ៉ឹងបាន, មិនធ្លាប់មានបទពិសោធន៍រស់នៅ ឬសិក្សាច្រើននៅសហរដ្ឋអាមេរិក។
ឯកសារតម្រូវសម្រាប់ការដាក់ពាក្យ
បេក្ខជនត្រូវដាក់ពាក្យតាមរយៈប្រព័ន្ធអនឡាញ ដោយភ្ជាប់ជាមួយឯកសារដូចជា៖
-ទម្រង់ពាក្យសុំតាមអនឡាញដែលបំពេញរួចរាល់។
- អត្ថបទសរសេរ (Essays) ៖ គម្រោងសិក្សា (Study Objective) និងសេចក្តីថ្លែងការណ៍ផ្ទាល់ខ្លួន (Personal Statement) ដែលមានប្រវែងមិនលើសពី ៥០០ ពាក្យក្នុងមួយអត្ថបទ។
- សញ្ញាបត្រ និងព្រឹត្តិបត្រពិន្ទុ (Transcripts)។
- របាយការណ៍ពិន្ទុភាសាអង់គ្លេស (TOEFL/IELTS)។
- លិខិតបញ្ជាក់យោង (Letters of Reference) ចំនួន ៣ ច្បាប់។
- ប្រវត្តិរូបសង្ខេប (Resume) និងអត្តសញ្ញាណប័ណ្ណ ឬលិខិតឆ្លងដែន។
បើកទទួលពាក្យចាប់ពីថ្ងៃទី០១ ខែកុម្ភៈ និងឈប់ទទួលពាក្យនៅថ្ងៃទី៣០ ខែមេសា ឆ្នាំ២០២៦។
សម្រាប់ព័ត៌មានបន្ថែម សូមទាក់ទង ផ្នែកកិច្ចការសាធារណៈ តាមរយៈទូរស័ព្ទ ៖ 023-728-248, អ៊ីមែល ៖ PDExchanges@state.gov៕
