ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សារបស់ NHS បានបង្ហាញថា ការរៀនជំនាញថ្មី អាចផ្ដល់អត្ថប្រយោជន៍ជាច្រើនសម្រាប់សុខុមាលភាព និងផ្លូវចិត្តមនុស្ស។ ក្នុងនោះមានដូចជា បង្កើនទំនុកចិត្ត និងឱ្យតម្លៃខ្លួនឯងខ្ពស់, បង្កើនអារម្មណ៍រស់នៅដោយមានគោលដៅ និងងាយស្រួលទំនាក់ទំនងជាមួយអ្នកដទៃ។
មានវិធីសាស្ត្រជាច្រើន ដែលអ្នកអាចបង្កើតទម្លាប់រៀនសូត្រជាប្រចាំក្នុងជីវិតប្រចាំថ្ងៃ។ អ្នកអាចរៀនអំពីប្រធានបទថ្មីៗ រៀនជំនាញថ្មី ឬពង្រឹងចំណេះដឹងប និងជំនាញបច្ចុប្បន្នរបស់អ្នកឱ្យប្រសើរជាងមុន។
NHS inform បានបង្ហាញថា ដើម្បីរក្សាទម្លាប់រៀនសូត្រ ឬរៀនជំនាញថ្មីឱ្យបានជាប់ជាប្រចាំ អ្នកអាចជ្រើសរើស របៀបរៀន ដែលមានលក្ខណៈបត់បែន និងមិនមែនលក្ខណៈផ្លូវការពេក។ វិធីទាំងនោះ អាចមានដូចជា ៖
- រៀនធ្វើម្ហូប ដែលអ្នកចូលចិត្តញ៉ាំខ្លួនឯង
- ទៅទស្សនាវិចិត្រសាល ឬសារមន្ទីរ និងស្វែងយល់អំពីប្រធានបទ ដែលអ្នកចូលចិត្ត
- ទទួលយកការងារថ្មីៗនៅកន្លែងធ្វើការ ដូចជា ការណែនាំបុគ្គលិកថ្មី និងកិច្ចការណាមួយ ដែលអ្នកមិនធ្លាប់ធ្វើ
- សាកល្បងធ្វើរឿងថ្មីៗ ឬបង្កើតទម្លាប់ថ្មីឱ្យខ្លួនឯង ដូចជា សរសេរកំណត់ហេតុប្រចាំថ្ងៃ ឬគូសរូបជាដើម
- ធ្វើកិច្ចការ ដែលទាមទារគំនិតច្នៃប្រឌិត ដូចជា ដុតនំ ឌីហ្សាញអ្វីមួយ ឬថតរូប
- ស្ដាប់ផតខាសថ្មីៗ
- អានសៀវភៅថ្មីៗឱ្យបានច្រើនប្រភេទ អាចជាសៀវភៅចិត្តសាស្ត្រ ប្រលោមលោក ទស្សនវិជ្ជា ឬយុទ្ធសាស្ត្រអ្វីមួយ
ការកសាងទម្លាប់ ឬអនុវត្តសកម្មភាព ដែលធ្វើឱ្យអ្នកមានអារម្មណ៍រីករាយ ក្នុងទម្លាប់ប្រចាំថ្ងៃ នឹងជួយឱ្យស្ថានភាពផ្លូវចិត្ត និងសុខុមាលភាពរបស់អ្នកប្រសើរឡើង។
យ៉ាងណាក៏ដោយ ដើម្បីរៀនជំនាញថ្មី ប្រកបដោយប្រសិទ្ធភាព អ្នកអាចចាត់ទុកថា នេះមិនមែនជាការៀន ដើម្បីប្រឡងជាប់ ឬត្រូវតែចេះជាដាច់ខាតនោះទេ។ វិធីសាស្ត្រ ដ៏ល្អត្រូវស្វែងរកអ្វី ដែលអ្នកចូលចិត្តធ្វើបំផុត បន្ទាប់មកបញ្ចូលវាទៅក្នុងការរស់នៅប្រចាំថ្ងៃរបស់អ្នក ហើយធ្វើវា ដោយរីករាយបំផុត។
ប្រសិនបើអ្នកចាប់រៀនជំនាញថ្មី តាមររបៀបផ្លូវការ អ្នកអាចរៀនលើវគ្គសិក្សាអនឡាញ ដែលអាចបត់បែន ទៅតាមពេលវេលាជាក់ស្ដែងរបស់អ្នក ឬចូលរៀននៅក្នុងថ្នាក់រៀនផ្ទាល់នៅពេលយប់៕
