ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អង្គការ Education First Cambodia ឬហៅកាត់ថា EFC សហការណ៍ជាមួយសាកលវិទ្យាល័យមួយចំនួននៅរាជធានីភ្នំពេញផ្ដល់អាហារូបករណ៍សាច់ប្រាក់ដល់និស្សិតនារីសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូននូវការគាំពារផ្នែកហិរញ្ញវត្ថុ ការសិក្សាភាសាអង់គ្លេស ការបណ្ដុះបណ្ដាលភាពជាអ្នកដឹកនាំ ថ្នាក់រៀនកុំព្យូទ័រ និងការបណ្ដុះបណ្ដាលផ្សេងៗទៀតរយៈពេល៣ឆ្នាំ ។
លក្ខខណ្ខដែលបេក្ខជនអាចទទួលបាន ត្រូវជានិស្សិតស្រីកំពុងសិក្សាឆ្នាំទី២ នៃឆ្នាំសិក្សា២០២៤/២០២៥ នៅសាកលវិទ្យាល័យភូមិន្ទភ្នំពេញ(គ្រប់ជំនាញ) ឬកំពុងសិក្សានៅសាកលវិទ្យាល័យនីតិសាស្ត្រសេដ្ឋកិច្ច(គ្រប់ជំនាញ) កំពុងសិក្សានៅសាកលវិទ្យាល័យភូមិន្ទកសិកម្ម(គ្រប់ជំនាញ) កំពុងសិក្សានៅសាកលវិទ្យាល័យវិទ្យាសាស្ត្រសុខាភិបាល(គ្រប់ជំនាញ) និងកំពុងសិក្សានៅសាកលវិទ្យាល័យបច្ចេកវិទ្យាកម្ពុជា ពីមហាវិទ្យាល័យគីមីចំណីអាហា។
ជាមួយគ្នានេះ និស្សិតគួរមាន ពិន្ទុ GPA យ៉ាងតិច ៣.០០ នៅក្នុងព្រិត្តិបត្រពិន្ទុឆមាសទី១ នៃឆ្នាំសិក្សាទី១ ជាបេក្ខជនដែលមកពីជនបទ និងមកពីគ្រួសារក្រីក្រ ។ និស្សិតដែលមិនមានគ្រប់លក្ខខណ្ឌជ្រើសរើសខាងលើនឹងមិនត្រូវបានពិចារណាពាក្យស្នើសុំអាហារូបករណ៍ឡើយ។
ដើម្បីធ្វើការដាក់ពាក្យបេក្ខជនអាចបំពេញពាក្យតាមរយៈ https://docs.google.com/forms/d/e/1FAIpQLSflenr25rH41WKYuUN-zVB6A7V2D06YdjbL9WkiVVq_eBAmMA/viewform ។ ជំហានបន្ទាប់ត្រូវផ្ញើរឯកសារពាក់ព័ន្ធដែលតម្រូវទៅកាន់ Email: Application@educationfirstcambodia.org ។ គួរបញ្ជាក់ថា បេក្ខនារីអាចធ្វើការដាក់ពាក្យជាភាសាខ្មែរ ឬភាសាអង់គ្លេស សម្រាប់ព័ត៌មានបន្ថែមអាចចូលទៅកាន់គេហទំព័រ www.educationfirstcambodia.org ឬ Facebook Page: bit.ly/4aa1You ។
ឈប់ទទួលពាក្យថ្ងៃពុធ ទី២៥ ខែកក្កដា ឆ្នាំ២០២៤ ម៉ោង១១:៣០នាទីយប់៕
