ឱកាសសិក្សាអាហារូបករណ៍ពេញលេញថ្នាក់ឧត្ដមសិក្សានៅសាកលវិទ្យាល័យ LinColn នៃប្រទេសនូវែលសេឡង់ ឆ្នាំសិក្សា២០២៥ ដោយ​អាហារូបករណ៍ផ្ដល់ឱ្យនិស្សិតអន្តរជាតិជាច្រើនប្រទេស រួមទាំងនិស្សិតកម្ពុជាផង។

ជំនាញដែលអាហារូបករណ៍ផ្ដល់ការសិក្សារួមមាន ៖ ផ្នែកកសិកម្ម/សាវប្បកម្ម/​វប្បកម្ម, ផ្នែកអាជីវកម្ម និងហិរញ្ញវត្ថុ, ផ្នែកវិទ្យាសាស្ត្របរិស្ថាន និងការគ្រប់គ្រង, ផ្នែកទេសចរណ៍ និងការកំសាន្ត ផ្នែកវិទ្យាសាស្ត្រ និងបច្ចេកវិទ្យា។ ការសិក្សានឹងផ្ដល់លើថ្នាក់បរិញ្ញាបត្រជាន់ខ្ពស់ Precision Agriculture និង បរិញ្ញាបត្រជាន់ខ្ពស់ Wine and Viticulture បរិញ្ញាបត្រជាន់ខ្ពស់ពាណិជ្ជកម្ម-ហិរញ្ញវត្ថុ បរិញ្ញាបត្រជាន់ខ្ពស់គណនេយ្យ បរិញ្ញាបត្រជាន់ខ្ពស់ពាណិជ្ជកម្ម-ការគ្រប់គ្រងសកល និងទីផ្សារ បរិញ្ញាបត្រជាន់ខ្ពស់គ្រប់គ្រង និងគោលនយោបាយបរិស្ថាន បរិញ្ញាបត្រជាន់ខ្ពស់ហានិភ័យគ្រោះមហន្តរាយ និងភាពធន់ បរិញ្ញាបត្រជាន់ខ្ពស់គ្រប់គ្រងទេសចរណ៍ បរិញ្ញាបត្រជាន់ខ្ពស់ គ្រប់គ្រងកីឡា និងការកម្សាន្ត បរិញ្ញាបត្រជាន់ខ្ពស់វិទ្យាសាស្ត្រក្នុងការច្នៃប្រឌិតអាហារ និង បរិញ្ញាបត្រជាន់ខ្ពស់ផ្នែកកុំព្យូទ័រអនុវត្ត។

លក្ខខណ្ឌនៃបេក្ខជន ៖ ត្រូវបានបញ្ចប់ថ្នាក់បរិញ្ញាបត្រ ឬមានសញ្ញាបត្រមានតម្លៃស្មើនឹង GPA B+ មានប្រតិចារិកសិក្សា និងវិញ្ញាបនបត្របញ្ជាក់ការសិក្សា ត្រូវមានលិខិតបញ្ជាក់ភាសាអង់គ្លេស IELTS ៦.៥ឡើងទៅ និង TOEFL ៩០ពិន្ទុឡើងទៅ ជាបេក្ខជនដែលមានសក្តានុពលក្នុងការសិក្សា មានភាពជាអ្នកដឹកនាំ ចូលរួមក្នុងការងារសង្គម និងមានប្រវត្តិការសិក្សាល្អ។​ ជាមួយគ្នានេះ បេក្ខជនត្រូវស្នើពាក្យចូលសិក្សានៅសាកលវិទ្យាល័យ Lincoln ឆ្នាំសិក្សា២០២៥ និងភ្ជាប់លិខិតបញ្ជាក់សម្រាប់អាហារូបករណ៍។

បេក្ខជន បេក្ខនារី ត្រូវភ្ជាប់ឯកសារចាំបាច់មួយចំនួនដូចជា ទម្រង់ពាក្យសុំបែបបទ(បំពេញរួចរាល់) ប្រតិចារិកសិក្សា និងវិញ្ញាបនបត្រ ពិន្ទុតេស្តភាសាអង់គ្លេស ប្រវត្តិរូបសង្ខេប សេចក្ដីថ្លែងការផ្ទាល់ខ្លួន លិខិតអនុសាសន៍ចំនួន២ច្បាប់ ចម្លងលិខិតឆ្លងដែន និងសំណើរស្រាវជ្រាវឯកសារ (បើមាន)។

បេក្ខជន ដែលមានចំណាប់អារម្មណ៍អាចធ្វើការដាក់ពាក្យតាមរយៈ https://www.lincoln.ac.nz/study/scholarships/international-scholarships/ ពីថ្ងៃផ្សាយដំណឹងរហូតដល់ថ្ងៃទី០១​ ខែតុលា ឆ្នាំ២០២៥។ សម្រាប់ព័ត៌មានបន្ថែមអាចចូលទៅកាន់ Lincoln University ៕