ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងឆ្នាំ២០២៦ខាងមុខនេះ រដ្ឋាភិបាលនៃសាធារណរដ្ឋគុយបា បានផ្តល់អាហារូបករណ៍ចំនួន ១កន្លែង ដល់និស្សិតកម្ពុជា ដើម្បីទៅបន្តការសិក្សាថ្នាក់វេជ្ជបណ្ឌិតវេជ្ជសាស្រ្ត (Doctor of Medicine) នៅសាធារណរដ្ឋគុយបា សម្រាប់ឆ្នាំសិក្សា២០២៦-២០២៧។
អាហារូបករណ៍នេះ រដ្ឋាភិបាលគុយបា នឹងរ៉ាប់រងថ្លៃសិក្សា ការស្នាក់នៅ ចំណែកសំបុត្រយន្តហោះទៅមកកម្ពុជា-គុយបា ជាបន្ទុករបស់សាមីជន។
លក្ខខណ្ឌនៃការចុះឈ្មោះ បេក្ខជនត្រូវមាន សញ្ជាតិខ្មែរ, អាយុក្រោម ២៥ឆ្នាំ, មានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល, មានសុខភាពល្អបរិបូណ៌ ទាំងកាយសម្បទា និងសតិបញ្ញា។
សំណុំឯកសារត្រូវបំពេញ ៖ បង្កាន់ដៃទទួលពាក្យប្រឡង ១ច្បាប់, ពាក្យសុំអាហារូបករណ៍ ១ច្បាប់, ជីវប្រវត្តិសង្ខេប ១ច្បាប់, រូបថត ៤ គុណ៦ ចំនួន ៤សន្លឹក (ផ្ទៃខាងក្រោយពណ៌ស ថតថ្មី), សញ្ញាបត្រមធ្យមសិក្សាទុតិយភូមិ (ច្បាប់ថតចម្លង) ១ច្បាប់ (សូមភ្ជាប់មកជាមួយនូវច្បាប់ដើម ដើម្បីពិនិត្យ និងផ្ទៀតផ្ទាត់), លិខិតបញ្ជាក់ពីគ្រឹះស្ថានសិក្សា/ប័ណ្ណសម្គាល់ខ្លួននិស្សិត (ថតចម្លង១ច្បាប់) ចំពោះបេក្ខជនជានិស្សិត, លិខិតបញ្ជាក់ពីអង្គភាព ចំពោះបេក្ខជនជាមន្រ្តីរាជការ, វិញ្ញាបនបត្រពិនិត្យកាយសម្បទា និងជំងឺអេដស៍ (បំពេញក្រោយពេលប្រឡងជាប់), លិខិតថ្កោលទោស (បំពេញក្រោយពេលប្រឡងជាប់)។
ការទទួលពាក្យនឹងប្រព្រឹត្តទៅចាប់ពីថ្ងៃផ្សាយដំណឹងនេះ រហូតដល់ថ្ងៃទី២០ ខែមេសា ឆ្នាំ២០២៦ នៅនាយកដ្ឋានសហប្រតិបត្តិការអន្តរជាតិ និងកិច្ចការអាស៊ាន ដែលមានអាសយដ្ឋានអគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ៕
