ការប្រើ​​​​​​ប្រាស់ ឬគ្រប់គ្រងពេលវេលា ក្លាយជាប្រធានបទដ៏ពេញនិយមមួយ ​​​​​​​​​​​​​​​​​​​​​​​​​​​​​​ដែលគេលើកយកម​​​​​​​​កជជែក​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ មិនថានៅកន្លែងសិក្សា ការងារ និងការប្រើប្រាស់ក្នុងជីវិតប្រចាំថ្ងៃនោះទេ ដោយហេតុថា វាជួយសម្រួលក្នុងការស់នៅ ថែមទាំងជំរុញផលិ​​​​​​​​​​​​​​​​​​​​​​​​​​​​​​​​​​​​​​​​​​​​​​តភាព និងសុខុមាលភាព ។ ពេលក្រឡេកមើលទៅម៉ោងម្តងៗ តើលោកអ្នកធ្លាប់ទទួលអារម្មណ៍ថា​​​​​​​​​រយៈពេលមួយថ្ងៃពេញនេះ ហាក់មិនគ្រប់គ្រាន់ទាល់តែសោះ ហើយនៅមានភារកិច្ចជាច្រើនទៀតដែលមិនទាន់ធ្វើ​ឱ្យកើតការនូវឡើយ? បើតាមគេហទំព័រ GOOD MEN PROJECT បានលើកយកគន្លឹះ១០ចំណុចដើម្បីបង្ហាញអំពីការគ្រប់គ្រង និងការប្រើប្រាស់ពេលឱ្យមានប្រសិទ្ធភាព។

១. រៀបចំគោលដៅនិងយុទ្ធសាស្រ្ត ៖ ចំពោះគោលដៅ និងយុទ្ធសាស្រ្ត គឺត្រូវតែច្បាស់អំពីគោលដៅក្នុងរយៈពេលវែង និងរយៈពេលខ្លី ។ ដោយសរសេរចំណុចទាំងនោះ ចូលទៅក្នុងក្រដាសសៀវភៅ។ ទន្ទឹមគ្នានោះក៏ត្រូវច្បាស់ផងដែរ អំពីអ្វីដែលអ្នកពិតជាមានចំណង់ក្នុងការសម្រេចកិច្ចការធុរៈទាំងនោះ។ ហើយតើមូលហេតុអ្វី បានជាអ្នកចង់ធ្វើកិច្ចការនោះឱ្យចេញជាសមិទ្ធផល ? កាលដែលធ្វើបែបនេះ គឺដើម្បីផ្តល់ភាពងាយស្រួល ក្នុងការធ្វើសេចក្ដីសម្រេចចិត្ត ថាអ្វីទៅដែលគួរតែសម្រេចឱ្យបាន ថែមទាំងបង្កភាពងាយស្រួលពេលធ្វើផែនការដើម្បីបញ្ចប់ភារកិច្ចនោះ។

២. ផ្តោតលើអ្វីដែលជាអទិភាពបំផុត ៖ ធ្វើសកម្មភាព ដែលឆ្លើយតបនឹងទំនួលខុសត្រូវ ហើយនឹងមហិច្ឆតា គឺពិតជាចាំបាច់ក្នុងការស្គាល់អ្វីទៅ គឺជារឿងដែលអទិភាពជាងគេក្នុងការពង្រីក អ្វីដែលលោកអ្នកកំពុងរំពឹងទុកដូចជា អាជីវកម្ម ការពង្រឹងសមត្ថភាព។ មួយវិញទៀត ការដឹងពីសកម្មភាពអទិភាព ប្រៀបដូចជា កំពុងកសាងមូលដ្ឋានគ្រឹះមួយ ដែលមានភាពរឹងមាំ។ តាមរយៈការចំណាយពេល និងថាមពល ឱ្យស្របទៅនឹងអ្វីដែលលោកអ្នកចង់បាន ដែលជាលទ្ធផលអាចនាំឱ្យលោកអ្នករីករាយជាមួយនឹងអ្វីដែលខ្លួនមាន និងជំរុញឱ្យមានលទ្ធភាព ឬផលិតភាពក្នុងរយៈពេលវែង រួមទាំងសេចក្ដីសម្រេចនានាផងដែរ។

៣. រៀបចំពេលវេលា ៖ ចំណែកសំខាន់ នៃការបង្កើនផលិតភាព គឺពេលវេលា វាជាចំណុចសំខាន់ក្នុងការជំរុញរបៀបវារៈនេះ ដូច្នេះការកំណត់ផែនការជាក់លាក់ ក៏ជាផ្នែកមួយជួយឱ្យការប្រើប្រាស់ពេលមានប្រសិទ្ធភាព ថែមទាំងកាត់បន្ថយភាពភ័យខ្លាចទាក់ទងនឹងការមិនបានបំពេញកិច្ចការមួយចំនួនដែលបានកំណត់ទុកពីមុនៗ ឬកាត់បន្ថយក្ដីបារម្ភអំពីការមិនមានពេលគ្រប់គ្រាន់សម្រាប់បំពេញបេសកកម្មជីវិត។

៤. ហ៊ានបដិសេធ ៖ មុនពេលដែលលោកអ្នក ចាប់កាន់ ឬទទួលភារកិច្ចថ្មី ឬការតាំងចិត្តសម្រេចអ្វីមួយចំពោះជំហានបន្ទាប់ លោកអ្នកគួរតែទុកចន្លោះខ្លះ ដើម្បីផ្ទៀងផ្ទាត់ជាមួយនឹងកាលវិភាគការងារដែលមានរួចស្រេចជាមុនសិន មុនទទួលការងារបន្ទាប់។ សូម កុំបណ្តោយឱ្យមហិច្ឆតា ឬកិច្ចការណា ដែលមិនចាំបាច់មានឱកាសឆកយកពេលដែលលោកអ្នកទុកសម្រាប់តែសម្រេចគោលដៅឱ្យសោះ។ ដូច្នេះការនិយាយថាទេ ចំពោះករណីដែលចាំបាច់ គឺមានន័យថា​ លោកអ្នកកំពុងតែការពារពេលវេលា ក៏ដូចជាថាមពល ហើយនឹងការផ្តោតផងដែរ។

៥. បង្កើនប្រព័ន្ធគាំទ្រ ៖ ចំណុចនេះ រួមបញ្ចូលទាំងការឆ្លើយតប ការគ្រប់គ្រងព័ត៌មាន និងការពង្រឹងទំនាក់ទំនងជាប្រព័ន្ធ ក្នុងការគាំទ្រគ្នាជាកម្លាំងចិត្ត និងធ្វើឱ្យមានអារម្មណ៍ថា មនុស្សក្នុងសហគមន៍ហាក់ផ្សារភ្ជាប់គ្នាដោយស្និតស្នាល ដើម្បីបង្កើននូវផលិតភាព និងរបៀប រៀបចំ ដំណើរការ ការងារ ក៏ដូចជាការរស់នៅប្រចាំថ្ងៃ។

៦. ត្រួតពិនិត្យឱ្យជាក់លាក់ ៖ ដាក់សំណួរមួយថា តើអ្វីដែលអ្នកកំពុងធ្វើបច្ចុប្បន្ន ពិតជានាំទៅរករឿងរ៉ាវដែលល្អមែនទេ ឬគ្រាន់តែ ដើម្បីគេចវេសពីអ្វីមួយ? សួរខ្លួនឯងនឹងសំណួរបែបនេះ គឺអាចជួយឱ្យលោកអ្នក ឈានទៅរកការសម្រេចគោលដៅ។ រៀងរាល់ មុនពេលចាប់ផ្តើមសកម្មភាពអ្វីមួយ សូ​មទុកពេលបន្តិចដើម្បីឆ្លុះបញ្ចាំងអំពីគោលបំណង ហើយនឹងពង្រឹងលើការសម្រួចគោលដៅ។

៧. ផ្ទេរភារកិច្ច ៖ កំឡុងពេលលោកអ្នកគិតថា អ្នកនៅតែអាចធ្វើសកម្មភាពដែលលឿន និងប្រសើរជាងមុន ដូច្នេះសូមបន្តធ្វើទៀតចុះ ប៉ុន្តែក៏គួរគិតអំពី ដំណើរការក្នុងរយៈពេលវែងដែរ ហើយការផ្ទេរកិច្ចការទៅកាន់អ្នកដទៃ វានឹងជួយឱ្យលោក​​​​​​​​​​​​​​​​​​​​​​​​​​​​​​​​​​​​​​​​​អ្ន​​​​​​​​​​​​​​​​​​​​​​​​​​​​​​​​​​​​​​​​​​​​​កចំណេញពេលវេលា និងបង្កើនការជំរុញចិត្ត ក៏ដូចជាធ្វើឱ្យក្រុមទាំងមូលកាន់តែប្រសើរផងដែរតាមរយៈកិច្ចសហការ។ ការប្រគល់កិច្ចការទៅកាន់អ្នកផ្សេង ជាមួយនឹងទំនួលខុសត្រូវ មួយដែលមានភាពជាក់លាក់ គឺដូចជាការជំរុញ និងលើកទឹកចិត្ត ថែមទាំងការបង្កើនទំនុកចិត្តទៅកាន់សមាជិកក្រុម។ ហើយថែមទាំងផ្តល់ឱកាសឱ្យសមាជិកក្រុមមានវិធីបន្ថែមដើម្បីដុសខាត់សមត្ថភាព ឬក៏ការពង្រឹងសមត្ថភាពនៃមនុស្សជុំវិញខ្លួន។

៨. ឆ្លុះបញ្ចាំងពីប្រសិទ្ធភាពនៃវិស្សមកាល ៖ ការឈប់សម្រាកដែលមានប្រសិទ្ធភាពត្រង់ចំណុចនេះ គឺសំដៅលើ ថាតើវាជួយអ្នកឱ្យទទួលបានអារម្មណ៍កម្សាន្ត មានថាមពល និងជំរុញឱ្យអារម្មណ៍ស្រស់ស្រាយដើម្បីបន្តកិច្ចការវិញ។ រៀងរាល់ពេល ដែលទទួលបានវិស្សមកាល ត្រូវចាំផងដែរថា តើត្រូវប្រើរយៈពេលប៉ុន្មានក្នុងការបញ្ចប់ គឺត្រូវគិតឱ្យបានមុនពេលចេញទៅ។ ឬថាតើផែនការនិងចំណុចសំខាន់ៗអ្វីខ្លះ ដែលជួយឱ្យអ្នកកាន់តែមានប្រសិទ្ធភាព ពេលទទួលបានឱកាសសម្រាកម្តងៗ។

៩. មានតុល្យភាពជីវិត ៖ រៀបចំសកម្មភាពប្រចាំថ្ងៃដោយសរសេរដាក់ក្នុងកាលវិភាគ ដើម្បីបែងចែក ពេលសម្រាប់គ្រួសារ មិត្ត ឬពេលសម្រាប់ថែទាំសុខភាព និងការកម្សាន្តនានា។ កាលដែលធ្វើឱ្យជីវិតមានតុល្យភាព គឺអាចកាត់បន្ថយស្រ្តេស និងជួយឱ្យអ្នកមានថាមពលច្រើនជាងមុន។ ហើយការគ្រប់គ្រងពេលវេលា គឺពិតជាមានន័យណាស់សម្រាប់ជីវិតប្រចាំថ្ងៃទូទៅ។ ដើម្បីឱ្យដំណើរជីវិត មានបែបបទក្នុងការរស់នៅល្អ ក៏គួរចងចាំដែរថា ជីវិតគឺមានភារកិច្ចលើសអំពីការងារ និងផលិតភាព។ ដូច្នេះ ត្រូវទុកពេលខ្លះដើម្បីរៀបចំសកម្មភាពផ្ទាល់ខ្លួន ដើម្បីពន្លឿនភាពរស់រវើកទៅកាន់ខ្លួនឯង។ ហើយក៏ត្រូវរៀបពេលសម្រាប់មនុស្សជាទីស្រឡាញ់ផងដែរ​ តាមរយៈការរក្សាទំនាក់ទំនង និងឱ្យអទិភាពទៅលើសុខភាព រួមបញ្ចូលទាំងសកម្មភាពកម្សាន្តឯទៀត។

១០. បិទបញ្ចប់ថ្ងៃចាស់ ៖ ពេលព្រះអាទិត្យលិចទៅ ការប្រើប្រាស់សកម្មភាពនានា ក៏គួរតែបិទបញ្ចប់ដូចគ្នា! ដូច្នេះការប្រើប្រាស់ពេលខ្លះដើម្បីជម្រះសកម្មភាពចាស់ៗ ដែលមានដូចជា សម្អាតធូលីពីកន្លែងដែលប្រើប្រាស់ច្រើនជាងគេ ដូចជាបន្ទប់ ឬតុធ្វើការ រៀបចំវិធីក្នុងការបង្កើនសកម្មភាពឱ្យស្រស់ស្រាយសម្រាប់ពេលព្រឹក ឬរៀបសកម្មភាពដែលបន្សល់ថាមពលសម្រាប់ផ្តោតលើសកម្មភាពថ្ងៃថ្មី ដោយចាត់ចែងសកម្មភាពណាដែលសំខាន់ៗប៉ុណ្ណោះ។ កាលដែលអនុវត្តន៍សកម្មភាពបែបនេះបានខ្ជាប់ខ្ជួន នោះវានឹងអាចជួយឱ្យលោកអ្នក កាត់បន្ថយក្ដីបារម្ភនៅពេលយប់ ថែមទាំងមានការត្រៀមខ្លួនរួចរាល់ សម្រាប់ពេលព្រឹកថ្ងៃថ្មី៕