ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សាកលវិទ្យាល័យ Melburne នៅប្រទេសអូស្រ្តាលី បានប្រកាសផ្ដល់អាហារូបករណ៍ថ្នាក់បរិញ្ញាបត្រសម្រាប់និស្សិតអន្តរជាតិនៅឆ្នាំសិក្សា២០២៣នេះ ។ អាហារូបករណ៍ផ្ដល់ការគាំទ្រលើការចំណាយសិក្សា និងស្នាក់នៅពេញលេញសម្រាប់បេក្ខជនដែលទទួលបានអាហារូបករណ៍ ។
លក្ខខណ្ឌដែលបេក្ខជនអាចស្នើពាក្យអាហារូបករណ៍បានរួមមាន ជានិស្សិតគ្រប់ជាតិសាសន៍លើកលែងតែជនជាតិអូស្ត្រាលី និងជនជាតិណូវែលហ្សេឡង់ មានប្រវត្តិការសិក្សាល្អ បានជាប់ថ្នាក់មធ្យមសិក្សាទុតិយភូមិជាមួយលទ្ធផលល្អ និងមិនធ្លាប់សិក្សាថ្នាក់បរិញ្ញាបត្រពីមុនមក ។ ជាមួយគ្នានេះ បេក្ខជនស្នើពាក្យសុំអាហារូបករណ៍ក៏តម្រូវមានលិខិតទទួលអនុញ្ញាតពីសាកលវិទ្យាល័យ Melbourne ផងដែរ ។
បេក្ខជនដែលជាប់អាហារូបករណ៍នឹងទទួលបានអត្ថប្រយោជន៍ និងការគាំទ្រពីសាកលវិទ្យាល័យដូចជា ឱកាសសិក្សានៅសាកលវិទ្យាល័យល្បីបំផុតរបស់អូស្រ្តាលី ទទួលបានថ្លៃសិក្សា១០,០០០ដុល្លារជារៀងរាល់ឆ្នាំនឹងបន្តផ្ដល់សម្រាប់ការសិក្សា៣ឆ្នាំបន្ទាប់ប្រសិនបើបេក្ខជនអាចរក្សាបាននូវការសិក្សារបស់ខ្លួនជាមួយលទ្ធផលសិក្សាល្អ ។ ជាមួយគ្នានេះ ប្រសិនបើនិស្សិតមិនអាចរក្សាតុល្យភាពសិក្សាបានល្អនឹងទទួលបានការលើកលែងថ្លៃសេវាសិក្សាត្រឹមតែ៥០% ប៉ុណ្ណោះ ។
សម្រាប់ព័ត៌មានលម្អិតអាចចូលទៅកាន់តំណភ្ជាប់ https://b4unew.com/melbourne-undergraduate-scholarship-for-international-students-2023-in-australia/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣១ ខែឧសភា ឆ្នាំ២០២៣ ៕
