ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ទម្លាប់ប្រចាំថ្ងៃក្នុងផ្ទះមួយចំនួនបានជួយឱ្យយើងមានសុខភាពល្អ និងជំរុញឱ្យអាយុវែងទៀតផង រួមជាមួយនឹងការបង្កើតបរិយាកាសក្នុងផ្ទះឱ្យពោរពេញទៅដោយផាសុកភាព។ សកម្មភាពប្រចាំថ្ងៃទាំងនោះ មានដូចជា កិច្ចការងារផ្ទះ និងថែទាំសួនច្បារជាដើម ដោយហេតុថាអត្ថប្រយោជន៍ ដែលទទួលបានពីការអនុវត្តន៍បែបនេះ ហាក់មានភាពស្រដៀងគ្នាទៅនឹងការធ្វើលំហាត់ប្រាណដូច្នោះដែរ ព្រោះអាចជួយកាត់បន្ថយហានិភ័យនៃជំងឺនានា បង្កើនថាមពល និងបង្កភាពរឹងមាំដល់រាងកាយ។
បើតាមគេហទំព័រ Insider មានគន្លឹះដ៏សាមញ្ញៗជាច្រើនដែលជួយលោកអ្នកឱ្យមានសុខភាពល្អ និងអាយុវែង ដូចជា ៖
កាត់បន្ថយសម្ភារៈក្នុងផ្ទះដែលបង្អាក់មនុស្សពីការធ្វើចលនា ៖ កាត់បន្ថយសម្ភារៈបង្កភាពងាយស្រួលសម្រាប់រាងកាយ ក៏ជាផ្នែកមួយជួយជំរុញឱ្យមនុស្សមានចលនាបានច្រើន។ ប៉ុន្តែបើសិនជាតម្រូវការត្រូវតែមានជាចាំបាច់ សូមព្យាយាមកាត់បន្ថយការចំណាយពេលច្រើនក្នុងការអង្គុយនៅលើកៅអី ឬក៏សាឡុង ជាពិសេសពេលនៅក្នុងផ្ទះ។ ដោយប្តូរមក អង្គុយផ្ទាល់នៅទីតាំងដែលមានសភាពរាបស្មើរ ប៉ុន្តែលោកអ្នកអាចប្រើប្រាស់កម្រាលដើម្បីកុំឱ្យប្រឡាក់សម្លៀកបំពាក់។ កាលដែលអង្គុយនៅទីតាំងរាបស្មើរ ជាវិធីសាស្រ្តជួយឱ្យរាងកាយមានចលនាបានច្រើន ឬមានភាពបត់បែននៃដងខ្លួនមានតុល្យភាពជាជាងអង្គុយលើសាឡុង។
បង្កើនអានាម័យដើម្បីផាសុកភាព ៖ ផ្ទះមានអនាម័យនឹងជំរុញឱ្យមានសុខុមាលភាពល្អដូចគ្នា កាលដែលធ្វើឱ្យផ្ទះមានសភាពល្អស្អាត មានអនាម័យ ឬមានបរិយាកាសជួបជុំសប្បាយៗ ក៏ដូចជាការរៀបចំម្ហូបអាហារឱ្យមានសោភ័ណ្ឌភាពបន្ថែមពីលើរស់ជាតិ គឺជាកត្តានាំឱ្យសុខភាពល្អ និងបង្កើនអាយុវែង។
បង្កើតឱ្យមានសួនច្បារនៅផ្ទះ ៖ វិធីសាស្រ្តមួយជំនួយឱ្យលំហាត់ប្រាណគឺ ការបង្កើតឱ្យមានសួនផ្កាឬបន្លែ ហើយមានសកម្មភាពថែទាំជាប្រចាំ ព្រោះជាសកម្មភាពមានលក្ខណៈកម្សាន្ត ថែមទាំងជំរុញឱ្យមានសកម្មភាពជាប្រចាំទៀតផង។ ជារួមមិនថាប្រើវិធីមួយណានោះទេ យ៉ាងហោចណាស់ត្រូវមានសកម្មភាពបែបចលនាក្នុងរយៈពេល ពីរម៉ោង ក្នុងមួយថ្ងៃ ដើម្បីឱ្យរាងកាយមានភាពសកម្ម និងជំរុញឱ្យអាយុវែង៕
