ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ Malaysia International Scholarship (MIS) ឆ្នាំ២០២៤-២០២៥។ អាហារូបករណ៍ផ្ដល់ជូនការសិក្សាសម្រាប់និស្សិតអន្តរជាតិជាច្រើនប្រទេសរួមទាំងបេក្ខជនពីប្រទេសកម្ពុជា។
មុខជំនាញដែលអាហារូបករណ៍ផ្ដល់ជូនរួមមាន សិល្បៈ និងមនុស្សសាស្ត្រ, វិទ្យាសាស្ត្រធម្មជាតិ, គណិតវិទ្យា និងស្ថិតិ, បច្ចេកវិទ្យាព័ត៌មាន និងទំនាក់ទំនង, វិស្វកម្ម ការផលិត និងសំណង់, ការអប់រំ, វិទ្យាសាស្ត្រសង្គម, សារព័ត៌មាន និងព័ត៌មាន, ពាណិជ្ជកម្ម រដ្ឋបាល និងច្បាប់, កសិកម្ម រុក្ខាប្រមាញ់ នេសាទ និងបសុពេទ្យ។
អាហារូបករណ៍នឹងផ្ដល់ការសិក្សានៅសាកលវិទ្យាល័យជាច្រើនក្នុងប្រទេសម៉ាឡេស៉ីដូចជា Universiti Teknologi Malaysia (UTM), Universiti Sains Malaysia (USM), Universiti Putra Malaysia (UPM), Universiti Malaya (UM), Universiti Teknologi Mara (UiTM) , Universiti Islam Antarabangsa Malaysia (UIAM/IIUM), Universiti Utara Malaysia (UUM), Universiti Kebangsaan Malaysia (UKM) និងសាកលវិទ្យាល័យផ្សេងៗ។
លក្ខខណ្ឌក្នុងការដាក់ពាក្យអាហារូបករណ៍ និស្សិតអន្តរជាតិទាំងអស់ត្រូវជាពលរដ្ឋដែលអាហារូបករណ៍ផ្ដល់ជូនរួមទាំងប្រជាជនកម្ពុជា មានអាយុ មិនលើស៤៥ឆ្នាំ មិនតម្រូវការលិខិតទទួលយកអាហារូបករណ៍(Acceptance Letter) និងមានកំណត់ត្រាប្រវត្តិការសិក្សាល្អ។ ជាមួយគ្នានេះ បេក្ខជនស្នើពាក្យថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្របរិញ្ញាបត្រ និងបេក្ខជនស្នើពាក្យថ្នាក់បណ្ឌិតត្រូវមានសញ្ញាបត្របរិញ្ញាបត្រជាន់ខ្ពស់។
ដើម្បីធ្វើការដាក់ពាក្យបេក្ខជនអាចចូលទៅកាន់ https://biasiswa.mohe.gov.my/INTER/index.php ។ សម្រាប់ព័ត៌មានបន្ថែមអាចចូលទៅកាន់តំណភ្ជាប់ https://ranatechdigitals.com/malaysia-international-scholarship-mis-2024-25-funded/ ។
ផុតកំណត់ទទួលពាក្យថ្ងៃទី៣០ ខែមិថុនា ឆ្នាំ២០២៤៕
