ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DREAM TOGETHER នៅប្រទេសកូរ៉េឆ្នាំសិក្សា២០២៤-២០២៥។ អាហារូបករណ៍ជាការផ្ដល់ជូនពីក្រសួងវប្បធម៌ កីឡា និងទេសចរណ៍កូរ៉េ (MCST) និងមូលនិធិលើកកម្ពស់កីឡាកូរ៉េ (KSPO)។

ជំនាញដែលអាហារូបករណ៍ផ្ដល់ជូនសិក្សា គឺ ផ្នែកគ្រប់គ្រងកីឡាសកល ដែលរៀបចំដោយសាកលវិទ្យាល័យជាតិសេអ៊ូលសម្រាប់បុគ្គលដែលមានក្ដីស្រមៃចង់បន្តការសិក្សាក្នុងផ្នែកកីឡានេះ ជាពិសេសសម្រាប់អ្នកគ្រប់គ្រងកីឡា អ្នកសារព័ត៌មានកីឡា អ្នកស្ម័គ្រចិត្ត អតីតអ្នកគ្រប់គ្រងកីឡា ឬអត្តពលិក  និងអ្នកចូលចិត្តកីឡា។

លក្ខខណ្ឌ នៃការដាក់ពាក្យ បេក្ខជនមិនមានសញ្ជាតិកូរ៉េ មានសញ្ញាបត្របរិញ្ញាបត្រ ឬខ្ពស់ជាងនេះ (ក្នុងជំនាញណាមួយ) មានចំណេះដឹងភាសាអង់គ្លេសជ្រៅជ្រះ មានចំណូលចិត្តផ្នែកកីឡា មានសុខភាពល្អទាំងផ្លូវកាយ និងផ្លូវចិត្ត និងមាន​ឆន្ទៈក្នុងការសិក្សារហូតដល់ចប់កម្មវិធីសិក្សា។

ជាមួយគ្នានេះ បេក្ខជនត្រូវភ្ជាប់ឯកសារចាំបាច់ដែលពាក់ព័ន្ធរួមមាន ពាក្យសុំអាហារូបករណ៍១ច្បាប់ សេចក្ដីថ្លែងការណ៍ផ្ទាល់ខ្លួន និងផែនការសិក្សា២ច្បាប់ លិខិតអនុសាសន៍ពីសាស្ត្រាចារ្យ ឬថ្នាក់ដឹកនាំចំនួន២ច្បាប់ សញ្ញាបត្របរិញ្ញាបត្រ (ផ្លូវការ) និងប្រតិចារិកជាភាសាអង់គ្លេស វិញ្ញាបនបត្របញ្ជាក់ការបញ្ចប់ថ្នាក់បរិញ្ញាបត្រ (ជាភាសាអង់គ្លេស) ច្បាប់ចម្លងលិខិតឆ្លងដែនរបស់បេក្ខជនដាក់ពាក្យ (ឬឯកសារផ្លូវការផ្សេងទៀតដែលបង្ហាញពីសញ្ជាតិរបស់អ្នកដាក់ពាក្យ) ច្បាប់ចម្លងលិខិតឆ្លងដែនរបស់ឪពុកម្តាយទាំងពីរ (ឬឯកសារផ្លូវការផ្សេងទៀតដែលបង្ហាញពីសញ្ជាតិរបស់ឪពុកម្តាយ) ច្បាប់ចម្លងសៀវភៅគ្រួសារ។ របាយការណ៍ពិន្ទុតេស្តភាសាអង់គ្លេស (TOEFL iBT 80, IELTS 6.0, TEPS 298 ឬខ្ពស់ជាងនេះ)។

អត្ថប្រយោជន៍ដែលបេក្ខជនទទួលបានពីអាហារូបករណ៍រួមមាន ថ្លៃសិក្សាពេញលេញ សំបុត្រយន្តហោះ ថ្លៃស្នាក់នៅ ការចំណាយលើការរស់នៅប្រចាំថ្ងៃ និងថ្លៃធានារ៉ាប់រងសុខភាព។

គួរបញ្ជាក់ដែរថា រាល់​ឯកសារទាំងអស់ដែលបេក្ខបញ្ជូនទៅស្នើពាក្យសុំអាហារូបករណ៍ ត្រូវធ្វើឡើង និងបកប្រែជាភាសាអង់គ្លេស។ 

សម្រាប់ព័ត៌មានបន្ថែមអាចចូលទៅកាន់តំណភ្ជាប់ Dream together scholarship – Sports scholarship to south korea ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី៣១ ខែមីនា ឆ្នាំ២០២៤៕