ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានវីឌីស៊ី បានប្រកាសផ្តល់អាហារូបករណ៍ដល់សិស្សនិស្សិតចំនួន ១៥០កន្លែង សម្រាប់ការសិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ តាមរយៈកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ។
ជំនាញដែលនឹងត្រូវផ្តល់ជូនរួមមាន ៖ គ្រប់គ្រង, ទីផ្សារ, គណនេយ្យ និងហិរញ្ញវត្ថុ, គណនេយ្យ និងពន្ធដារ, ធនាគារ និងហិរញ្ញវត្ថុ, គណនេយ្យ និងសវនកម្ម, គ្រប់គ្រងសណ្ឋាគារ និងទេសចរណ៍, អក្សរសាស្រ្តអង់គ្លេស, ក្រាហ្វិកឌីហ្សាញ, វិទ្យាសាស្រ្តកុំព្យូទ័រ, បច្ចេកវិទ្យាបណ្តាញកុំព្យូទ័រ។
លក្ខខណ្ឌសម្រាប់សិស្ស-និស្សិតដាក់ពាក្យស្នើសុំ ៖ ផ្តល់ជូនសិស្សនិស្សិតទូទាំងប្រទេស, សិស្សនិស្សិតធ្លាប់បានចូលរួមសកម្មភាពការងារសង្គម ឬមានជីវភាពខ្វះខាត (ទទួលបានអាទិភាព), សិស្សនិស្សិតត្រូវបំពេញបែបបទនានាសម្រាប់ការដាក់ពាក្យស្នើសុំអាហារូបករណ៍តាមជំហាននីមួយៗក្នុង APP អាហារូបករណ៍អភិសន្តិបណ្ឌិត ស សុខា, សិស្សនិស្សិតត្រូវគោរពតាមខ្លឹមសារ នៃកិច្ចសន្យាខិតខំរៀនសូត្រដែលបានបញ្ជាក់ជូនក្នុង APP ដាក់ពាក្យស្នើសុំអាហារូបករណ៍។
លក្ខខណ្ឌជ្រើសរើសកម្រិតសិក្សា ៖ ថ្នាក់បរិញ្ញាបត្ររង ត្រូវមានសញ្ញាបត្រមធ្យមសិក្សាទុតិយភូមិ ឬប្រឡងធ្លាក់មធ្យមសិក្សាទុតិយភូមិ, ថ្នាក់បរិញ្ញាបត្រ ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រដែលមានតម្លៃសមមូល។
សិស្សនិស្សិតដែលមានចំណាប់អារម្មណ៍ អាចដាក់ពាក្យស្នើសុំអាហារូបករណ៍បានតាមរយៈ App Sar Sokha Scholarship ។
កាលបរិច្ឆេទទទួលពាក្យស្នើសុំអាហារូបករណ៍ គិតចាប់ពីថ្ងៃផ្សាយដំណឹងនេះ រហូតដល់ថ្ងៃទី១ ខែវិច្ឆិកា ឆ្នាំ២០២៥។ សម្រាប់ព័ត៌មានបន្ថែមអាចទំនាក់ទំនងទៅកាន់ទូរស័ព្ទលេខ ០៩៩ ៣៤៥ ៤៣២៕
