ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសម្រាប់មន្ត្រីរាជការ បុគ្គលិកអង្គការ និងនិស្សិតកម្ពុជា ដែលមានបំណងចង់ពង្រឹងសមត្ថភាពលើជំនាញគោលនយោបាយ និងការគ្រប់គ្រង ពេលនេះសាលាគោលនយោបាយសាធារណៈ និងការគ្រប់គ្រង KDI (KDI School) ដែលជាគ្រឹះស្ថានសិក្សាដ៏ល្បីល្បាញក្នុងប្រទេសកូរ៉េខាងត្បូង បានប្រកាសបើកទទួលពាក្យសុំអាហារូបករណ៍ ADB-KFP សម្រាប់ឆ្នាំ ២០២៦។
អាហារូបករណ៍នេះនឹងផ្តល់ជូនការសិក្សាថ្នាក់បរិញ្ញាបត្រជាន់ខ្ពស់ (Master’s Degree) រយៈពេល ១.៥ ឆ្នាំ លើជំនាញសំខាន់ៗចំនួន ៣ រួមមាន គោលនយោបាយសាធារណៈ (Master of Public Policy – MPP), គោលនយោបាយអភិវឌ្ឍន៍ (Master of Development Policy – MDP), ការគ្រប់គ្រងសាធារណៈ (Master of Public Management – MPM)។
បេក្ខជនដែលត្រូវបានជ្រើសរើសនឹងទទួលបានការឧបត្ថម្ភពេញលេញ រួមមាន៖ ការលើកលែងថ្លៃសិក្សា ១០០% (Full Tuition Waiver), ប្រាក់ឧបត្ថម្ភសម្រាប់ថ្លៃស្នាក់នៅ និងហូបចុកប្រចាំខែ (Monthly Stipend), សំបុត្រយន្តហោះទៅ-មក ប្រទេសកូរ៉េខាងត្បូង, ឱកាសចូលរួមកម្មវិធីសិក្សាក្រៅកម្មវិធីសិក្សា ការចុះកម្មសិក្សានៅតាមទីវាល និងការបង្កើតបណ្តាញទំនាក់ទំនងជាមួយនិស្សិតអន្តរជាតិមកពីជុំវិញពិភពលោក។
លក្ខខណ្ឌនៃការជ្រើសរើស ៖ ត្រូវតែជាជនជាតិ នៃប្រទេសសមាជិក របស់ធនាគារអភិវឌ្ឍន៍អាស៊ី (ADB) ដែលក្នុងនោះរួមមានប្រទេសកម្ពុជា, ត្រូវមានប្រវត្តិសិក្សា និងលទ្ធផលសិក្សាល្អ (អាហារូបករណ៍មានលក្ខខណ្ឌបន្តផ្តល់ជូន អាស្រ័យលើលទ្ធផលសិក្សានៅសាលា KDI), មិនមានជាប់ពាក់ព័ន្ធនឹងកម្រិតនៃការខ្ចីប្រាក់ដែលកំណត់ដោយ ADB ឬរដ្ឋាភិបាលកូរ៉េ។
សម្រាប់បេក្ខជនដែលមានចំណាប់អារម្មណ៍ សូមរៀបចំឯកសារពាក់ព័ន្ធ និងតាមដានព័ត៌មានលម្អិតអំពីរបៀបដាក់ពាក្យតាមរយៈគេហទំព័រផ្លូវការរបស់សាលា KDI School ។
កាលបរិច្ឆេទឈប់ទទួលពាក្យត្រឹម ថ្ងៃទី ២៧ ខែកុម្ភៈ ឆ្នាំ ២០២៦៕
