ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ប្រតិភូកម្ពុជាចំនួន៥រូប មកពីវិទ្យាល័យផ្សេងគ្នា បានធ្វើដំណើរទៅកាន់ប្រទេសកូរ៉េ ដើម្បីចូលក្នុងកម្មវិធីបោះជំរុំយុវជនតំបន់អាស៊ី ឆ្នាំ២០២៥ (I-ASEAN Global Youth Camp 2025) ក្រោមមូលបទ “ក្តីស្រមៃយុវជនអាស៊ាននៃអនាគតប្រកបដោយចីរភាព និងសន្តិភាព – ASEAN Youth Dream of Sustainable and Peacful Future” ដែលប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែកក្កដា ឆ្នាំ២០២៥ នៅទីក្រុងអ៊ីនឈុន។
លោក ស៊ីវ ឧត្តម មន្ត្រីលេខាធិការដ្ឋានអគ្គនាយកដ្ឋានយុវជន មានប្រសាសន៍ថា កម្មវិធីបោះជំរុំយុវជនតំបន់អាស៊ី ឆ្នាំ២០២៥ ធ្វើឡើងក្នុងគោលបំណង រួមមាន ទី១. បង្កើតបណ្តាញកិច្ចសហប្រតិបត្តិការណ៍សម្រាប់ការផ្លាស់ប្តូរការសិក្សាសម្រាប់សាធារណៈរដ្ឋកូរ៉េ និងអាស៊ាន ទី២. ផ្តល់ឱកាសដល់យុវជន ដើម្បីស្វែងយល់ពីបញ្ហាប្រឈមដែលទាក់ទងទៅនឹងគោលដៅ អភិវឌ្ឍន៍ប្រកបដោយចីរភាព (SDGs) ក្នុងការឈានឆ្ពោះទៅរកពិភពលោកដែលប្រកប ដោយសន្តិភាព និងទី៣. លើកកម្ពស់ការយល់ដឹងក្នុងការផ្លាស់ប្តូរសង្គម និងវប្បធម៌ ដើម្បីពង្រឹងអត្តសញ្ញាណអាស៊ាន និងឯកភាពក្នុងតំបន់។
លោក ស៊ីវ ឧត្តម បញ្ជាក់ថា សម្រាប់ប្រតិភូកម្ពុជាចំនួន៥រូប ដែលបានចូលរួមក្នុងកម្មវិធីបោះជំរុំយុវជនតំបន់អាស៊ី ឆ្នាំ២០២៥ រួមមាន ១. កញ្ញា ឆៃហាក់ វិជ្ជាសារ មកពីវិទ្យាល័យ ប៊ែលធីអន្តរជាតិ, ២. កញ្ញា ហុក ច័ន្ទដារ័ត្ន មកពីសាលាអន្តរជាតិ អាមេរិកកាំងប៉ាស៊ីហ្វិក, ៣.កញ្ញា រដ្ឋា ម៉ាលីន មកពីវិទ្យាល័យព្រែកលៀប, ៤. កញ្ញា ហេង ធីតាអេណា មកពីវិទ្យាល័យព្រែកលៀប និង៥. លោក អាន គីមឡុង មកពីវិទ្យាល័យ ប៊ែលធីអន្តរជាតិ។
តាមរយៈការដឹកនាំប្រតិភូកម្ពុជាចូលរួមក្នុងកម្មវិធីបោះជំរុំយុវជនតំបន់អាស៊ី ឆ្នាំ២០២៥ លោក ស៊ីវ ឧត្តម រំពឹងទុកថា នឹងទទួលបាន ១. ពង្រឹងកិច្ចសហប្រតិបត្តិការក្នុងតំបន់ និងបណ្តាញអប់រំកាន់តែរឹងមាំរវាងអាស៊ាន និងកូរ៉េ ២. ការបង្កើនចំណេះដឹង និងជំនាញក្នុង SDGs និងភាពជាពលរដ្ឋសកល ជំរុញការអភិវឌ្ឍន៍ប្រកបដោយនិរន្តរភាព និងសន្តិភាពក្នុងតំបន់អាស៊ី ៣. ការយល់ដឹងអំពីសន្តិភាពក្នុងតំបន់អាស៊ី តាមរយៈការអភិវឌ្ឍន៍ប្រកបដោយចីរភាពក្នុងចំណោមយុវជន និងអ្នកអប់រំ ៤. ពង្រឹងបណ្តាញទំនាក់ទំនងសង្គម និងការយល់ដឹងអំពីវប្បធម៌ ពង្រឹងកិច្ចសហការរវាងបណ្តាប្រទេសក្នុងអាស៊ី ដើម្បីដោះស្រាយបញ្ហាប្រឈមជាសកល និង៥. ការលើកកម្ពស់វប្បធម៌សន្តិភាពនៅក្នុងតំបន់អាស៊ី តាមរយៈសកម្មភាពសន្តិភាពដែលបានអនុវត្តនៅក្នុងសហគមន៍រៀងៗខ្លួន។
គួរជំរាបជូនថា ប្រតិភូកម្ពុជា បានចូលរួមយ៉ាងសកម្មក្នុងការពិភាក្សា ក្រុម ការផ្តល់មតិយោបល់ផ្សេងៗដើម្បីធ្វើឱ្យការពិភាក្សាមានភាពរស់រវើក និងគួរជាទីមោទនៈ៕
