ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
បច្ចុប្បន្នមនុស្សស្ទើរតែគ្រប់គ្នាប្រើប្រាស់អ៊ីនធឺណេតសម្រាប់តាមដានព័ត៌មាន កម្សាន្ត ស្រាវជ្រាវ ទិញ-លក់ សិក្សា ក៏ដូចជាការអនុវត្តភារកិច្ចប្រចាំថ្ងៃជាច្រើនទៀត។ តើធ្វើយ៉ាងដូចម្តេចដើម្បីឱ្យការប្រើប្រាស់អ៊ីនធឺណេតរបស់អ្នកមានសុវត្ថិភាព ហើយជាមួយគ្នានេះ តើត្រូវភ្ជាប់ទំនាក់ទំនងជាមួយមិត្តភក្តិ ក្រុមគ្រួសារ យ៉ាងដូចម្តេច?
នៅក្នុងអត្ថបទនេះ យើងនឹងចែករំលែកនូវគន្លឹះចំនួន៥ ដែលណែនាំដោយអង្គការយូណេសេហ្វ ក្នុងការប្រើប្រាស់អ៊ីនធឺណេតប្រកបដោយសុវត្ថិភាព ផ្សារភញជាប់ទំនាក់ទំនង និងមានភាពច្នៃប្រឌិត៖
គន្លឹះទី១ ៖ មិនថាអ្នកលេងហ្គេម ឬបណ្តាញសង្គមនោះទេ ត្រូវមានការប្រុងប្រយ័ត្ន នៅពេលអ្នកភ្ជាប់ទំនាក់ទំនងជាមួយនរណាម្នាក់នៅលើប្រព័ន្ធអនឡាញ។ តើអ្នកបានយល់ដឹងអំពីការកំណត់ឯកជនភាព និងសុវត្ថិភាពបានកម្រិតណា? សូមស្វែងយល់ពីរបៀបប្លុក ឬរាយការណ៍មាតិកា ឬនរណាម្នាក់ដែលធ្វើឱ្យអ្នកមានអារម្មណ៍មិនល្អ។
គន្លឹះទី២ ៖ រក្សាមិត្តភាពរបស់អ្នកទាំងក្នុង និងក្រៅប្រព័ន្ធឌីជីថល។ គិតអំពីរបៀបរក្សាទំនាក់ទំនងដ៏មានន័យ និងចែករំលែកពេលវេលា ដែលមានគុណភាពជាមួយមិត្តភក្តិ និងក្រុមគ្រួសារ។ សួរខ្លួនអ្នកថា តើថ្ងៃនេះ អ្នកបានឆ្លៀតពេលបានសួរសុខទុក្ខមនុស្សជាទីស្រឡាញ់ដែរ ឬទេ?
គន្លឹះទី៣ ៖ ប្រើប្រាស់ពេលវេលាដែលអ្នកចំណាយពេលអនឡាញដោយមានស្មារតី ឬពេលប្រើប្រាស់ឧបករណ៍អេឡិចត្រូនិចរបស់អ្នក។ អ្នកអាចកំណត់ពេលវេលាទៀងទាត់ណាមួយ ធ្វើសកម្មភាពដែលអ្នកចូលចិត្ត ឬជួបជុំក្រៅ ប្រព័ន្ធអ៊ីនធឺណេត។ តើការកំណត់ពេលវេលាច្បាស់លាស់បានជួយដល់ការគ្រប់គ្រងពេលវេលាអនឡាញរបស់អ្នកដែរ ឬទេ?
គន្លឹះទី៤ ៖ សូមចងចាំថា មិនមែនគ្រប់យ៉ាងដែលអ្នកឃើញនៅលើបណ្តាញសង្គមសុទ្ធតែជាការពិតនោះទេ ហើយព្យាយាមកុំកំណត់ការរំពឹងទុកដែលមិនពិតប្រាកដសម្រាប់ខ្លួនអ្នក។ តើមាតិកាបែបណាដែលអ្នកយល់ថា គួរឱ្យចាប់អារម្មណ៍ មានប្រយោជន៍ ឬផ្តល់ក្តីសង្ឃឹមដល់អ្នក?
គន្លឹះទី៥ ៖ ពិចារណាពីបទពិសោធន៍ប្រើប្រាស់ប្រព័ន្ធអ៊ីនធឺណេតដែលជួយគាំទ្រសិទ្ធ ក្នុងការបង្ហាញពីភាពជាខ្លួនអ្នក និងមាតិកាដែលអ្នកចូលចិត្ត។ តើអ្នកបង្កើតមាតិកា ឬសហគមន៍បែបណាដែលជំរុញចិត្តអ្នក?៕
