ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ ADB-JSP (Asian Development Bank-Japan Scholarship Program) ផ្ដល់អាហារូបករណ៍សិក្សាបរិញ្ញាបត្រជាន់ខ្ពស់នៅសាកលវិទ្យាល័យផ្សេងនៅក្នុងប្រទេសចំនួន១០ ដែលសិក្សា និងស្រាវជ្រាវលើជំនាញជាច្រើនដែលផ្តល់តាមសាកលវិទ្យាល័យផ្សេងគ្នា។
ប្រទេសដែលនិស្សិតមានឱកាសទៅបន្តការសិក្សាដោយអាហារូបករណ៍ ADB-JSP រួមមាន ហុងកុង ឥណ្ឌា ចិន ជប៉ុន ណូវែលហ្សេឡង់ ប៉ាគីស្ថាន ហ្វីលីពីន សឹង្ហបុរី ថៃ និង សហរដ្ឋអាមេរិក។ បេក្ខជនដែលស្នើពាក្យអាហារូបករណ៍ ជានិស្សិតអន្តរជាតិមកពីប្រទេសជាច្រើនដែលបានអនុញ្ញាត ក្នុងនោះក៏មានប្រទេសកម្ពុជាដែរ។
ជំនាញដែលអាហារូបករណ៍ផ្ដល់ជូនការសិក្សានៅ ប្រទេសចិន និង ហុងកុង រួមមាន ការធ្វើផែនការទីក្រុង (Urban Planning) និង ការរចនាទីក្រុង (Urban Design)។ ជំនាញសម្រាប់សិក្សានៅប្រទេសឥណ្ឌា គឺ បរិញ្ញាបត្រជាន់ខ្ពស់ផ្នែកវិទ្យាសាស្ត្រ និងបច្ចេកវិទ្យា។ ការសិក្សានៅ ប្រទេសណូវែលហ្សេឡង់ មាន ពាណិជ្ជកម្មអន្តរជាតិ, ការសិក្សាអភិវឌ្ឍន៍(សិល្បៈ) វិទ្យាសាស្ត្របរិស្ថាន, ផ្នែកវិស្វកម្ម, និងផ្នែកសុខភាពសាធារណៈ។ ការសិក្សានៅ ប្រទេសប៉ាគីស្ថាន លើជំនាញគ្រប់គ្រងពាណិជ្ជកម្ម ។
ការសិក្សានៅប្រទេស ហ្វីលីពីន លើជំនាញ គ្រប់គ្រងពាណិជ្ជកម្ម, ផ្នែកគ្រប់គ្រងការអភិវឌ្ឍន៍, ផ្នែកកសិកម្ម, ផ្នែកវិទ្យាសាស្ត្រ។ ការសិក្សានៅប្រទេសសឹង្ហបុរី មានជំនាញ គ្រប់គ្រងពាណិជ្ជកម្ម, គោលនយោបាយសាធារណៈ, វិទ្យាសាស្ត្រសង្គម (សេដ្ឋកិច្ចអនុវត្ត) និង គ្រប់គ្រងបរិស្ថាន។ ការសិក្សានៅ ប្រទេសថៃ លើជំនាញ វិទ្យាសាស្ត្រ ឬវិស្វកម្មនៅសាលាវិស្វកម្ម និងបច្ចេកវិទ្យា, សាលាបរិស្ថាន ធនធាន និងការអភិវឌ្ឍន៍(SERD), វគ្គសិក្សាអន្តរកម្មសិក្សាក្នុងបណ្ដុំសាលាគ្រប់គ្រង, ផ្នែកវិស្វកម្ម និងផ្នែកសេដ្ឋកិច្ច។
ការសិក្សានៅ សហរដ្ឋអាមេរិកលើជំនាញ ការគ្រប់គ្រងពាណិជ្ជកម្ម, សេដ្ឋកិច្ច ភូមិសាស្រ្ត, ការគ្រប់គ្រងពាណិជ្ជកម្ម, ការគ្រប់គ្រងធនធានធម្មជាតិ និងបរិស្ថាន, វិស្វកម្មមហាសមុទ្រ មហាសមុទ្រ និងធនធាន, ការសិក្សាអំពីកោះប៉ាស៉ីហ្វីក, រដ្ឋបាលសាធារណៈ, សង្គមវិទ្យា, វិទ្យាសាស្ត្ររុក្ខជាតិ និងដីត្រូពិក, ការធ្វើផែនការទីក្រុង និងតំបន់ និង ច្បាប់។ ការសិក្សានៅប្រទេសជប៉ុន លើជំនាញ កម្មវិធីគោលនយោបាយសាធារណៈអាស៊ី, ផ្នែកទំនាក់ទំនងអន្តរជាតិ, សិល្បៈក្នុងការអភិវឌ្ឍន៍អន្តរជាតិ, ផ្នែកសេដ្ឋកិច្ច, វិទ្យាសាស្ត្រនយោបាយ និងជំនាញជាច្រើនទៀត។
បេក្ខជនជ័យលាភីអាហារូបករណ៍ នឹងទទួលបានអត្ថប្រយោជន៍ពីការសិក្សាជាច្រើនដូចជា ថ្លៃសិក្សាពេញលេញ ប្រាក់ឧបត្ថម្ភធ្វើដំណើរ ប្រាក់ឧបត្ថម្ភប្រចាំខែ និងកន្លែងស្នាក់នៅ ធានារ៉ាប់រងផ្នែកវេជ្ជសាស្ត្រ និងអត្ថប្រយោជន៍ផ្សេងទៀត។ សម្រាប់ព័ត៌មានបន្ថែម អាចចូលទៅកាន់ https://www.adb.org/work-with-us/careers/japan-scholarship-program ឬ https://hotcampusnews.com/asian-development-bank-japan-scholarship-program/ ៕
