លោក ចេង រតនា ៖ “សំណេរអង្គរ” ពញ្ញាក់ស្មារតីប្រជាជនខ្មែរ​ ក្នុងការប្រើភាសាជាតិឱ្យបានត្រឹមត្រូវ

ក្រោយដំណើរការកម្មវិធីសរសេរតាមអានថ្នាក់ជាតិលើកទី១ «សំណេរអង្គរ» នៅស្ពានហាលប្រាសាទអង្គរវត្ត អស់ពេញមួយព្រឹកថ្ងៃទី ២១ ខែមករា ឆ្នាំ២០២៤ គេរកឃើញថា ម្ចាស់ជ័យលាភីលេខ១ ដោយ​បានទៅលើ លោក ចេង រតនា ជាបុគ្គលិកក្នុងក្រុមហ៊ុនឯកជនមួយ។

លោក ចេង រតនា បានប្រាប់ឱ្យដឹងថា លោកចូលរួមសរសេរតាមអានថ្នាក់ជាតិលើកទី១ «សំណេរអង្គរ» ក្នុងគោលបំណងចូលរួមលើកកម្ពស់វិស័យអក្សរសាស្ត្រជាតិ លើកស្ទួយវប្បធម៌ជាតិ ក៏ដូចជាវិស័យទេសចរណ៍ផងដែរ។ លោក រតនា បន្តថា លោកក៏ចង់សាកល្បងសមត្ថភាព នៃការសរសេររបស់ខ្លួនឯង អាចធ្វើបានដល់កម្រិតណា។ ទន្ទឹមគ្នា ដោយសារកម្មវិធីនេះជាការសរសេរតាមអានថ្នាក់ជាតិលើកដំបូង ហើយធ្វើឡើងនៅខេត្តសៀមរាបទៀត លោកក៏ចង់យកឱកាសនេះដើម្បីចូលរួមទុកជាបទពិសោធ ក៏ដូចជាបានមកដើរលេងលំហែនៅខេត្តសៀមរាបផង។

លោក ចេង រតនា ម្ចាស់ជ័យលាភីលេខ១ កម្មវិធីសរសេរតាមអានថ្នាក់ជាតិលើកទី១ «សំណេរអង្គរ»។

ម្ចាស់ជ័យលាភីលេខ១ សំណេរអង្គរ រូបនេះ បន្តថា ការចូលរួមប្រកួតសរសេរតាមអាននេះ លោកពុំរំពឹងទុកទាល់តែសោះថាអាចជាប់ជ័យលាភីនេះ ព្រោះបេក្ខជនដែលបានចូលរួមមានចំនួនច្រើន មកពីគ្រប់ទិសទីក្នុងព្រះរាជាណាចក្រកម្ពុជា។ លោកបន្តថា ភាគរយដែលអាចទទួលបានជ័យលាភីនោះ គឺនៅតិចតួចនៅឡើយ ណាមួយលោកក៏នៅមានកំហុសក្នុងការសរសេរតាមអាននេះដែរ ខណៈអ្នកចូលរួមដទៃទៀត ក៏សុទ្ធតែពូកែៗដូចគ្នា។

«ខ្ញុំមិនបានរំពឹងទុកទាល់តែសោះ ព្រោះបេក្ខជនដែលបានចូលរួមមានចំនួនច្រើន បើតាមដឹង អ្នកដែលបានចុះឈ្មោះគឺជាង៧០០ នាក់ ហើយមកពីគ្រប់ទិសទីក្នុងព្រះរាជាណាចក្រកម្ពុជា។»

លោក ចេង រតនា

យ៉ាងណាក៏ដោយ ម្ចាស់ជ័យលាភីលេខ១ រូបនេះ បញ្ជាក់បន្ថែមថា បើទោះជាការប្រឡងសរសេរតាម អាននេះ ធ្វើនៅខេត្តសៀមរាបក៏ដោយ បើនិយាយពីការលំបាកវិញសម្រាប់លោកគឺពុំមានច្រើននោះទេ ដោយសារលោកមានបទពិសោធធ្វើដំណើរផ្លូវឆ្ងាយស្រាប់។ លោកថា បើសម្រាប់ការប្រឡងវិញ គ្រប់យ៉ាងបានប្រព្រឹត្តទៅដោយរលូន ពុំមានអ្វីគួរឱ្យបារម្ភនោះទេ ផ្ទុយទៅវិញ វេទិកាមួយនេះបាននាំមកនូវភាពសប្បាយរីករាយ ព្រមទាំងអនុស្សាវរីយ៍ដែលមិនអាចបំភ្លេចបាន។

មានទីកន្លែងកំណើតនៅខេត្តបន្ទាយមានជ័យ ក្រោយមកបានទៅរស់នៅបាត់ដំបង ២០ឆ្នាំដោយបានរៀនសូត្រ និងធំធាត់នៅទីនោះ ហើយបច្ចុប្បន្នរស់នៅឯរាជធានីភ្នំពេញ លោក ចេង រតនា បន្ថែមថា អ្វីដែលលោករៀនបានពីកម្មវិធីមួយនេះ គឺបានរំឭកឱ្យលោកនឹកឃើញពីគ្រាដែលសរសេរតាមអានកាលនៅថ្នាក់បឋមសិក្សា។ លោកថា លោកគ្រូ អ្នកគ្រូ ពិតជាយកចិត្តទុកដាក់យ៉ាងពេញទំហឹង ធ្វើយ៉ាងណាឱ្យកូនសិស្សអាចសរសេរអក្សរខ្មែរ និងប្រកបពាក្យខ្មែរបានត្រឹមត្រូវ។ ដូច្នេះ អក្សរសាស្ត្រខ្មែរ គឺជារឿងដ៏សំខាន់ដែលកូនខ្មែរគ្រប់រូបមិនអាចមើលរំលង ព្រោះអក្សរសាស្ត្រ គឺជាផ្នែកមួយនៃវប្បធម៌ ហើយវប្បធម៌ក៏ជាដួងព្រលឹងរបស់ជាតិ។ ចំណុចមួយទៀត គឺតាមរយៈកំហុសក្នុងការសរសេរតាមអាននេះលោកបានចាត់ទុកជាមេរៀន។ លើសពីនេះ អត្ថបទសំណេរក្នុងការប្រកួតសរសេរតាមអានលើកដំបូងនេះ គឺបានរំលេចពី “អង្គរអាណាចក្រនៃអរិយធម៌ខ្មែរ” ដែលបានដាស់សតិលោក ក៏ដូចជាកូនខ្មែរគ្រប់រូបឱ្យស្គាល់ពីរមណីយដ្ឋានអង្គរកាន់តែច្បាស់។

សកម្មភាពប្រឡងសរសេរតាមអានក្នុង​ កម្មវិធីសរសេរតាមអានថ្នាក់ជាតិលើកទី១ «សំណេរអង្គរ»។

បើតាម លោក ចេង រតនា កម្មវិធី “សំណេរអង្គរ” ពិតជាមានប្រយោជន៍ខ្លាំង ព្រោះបានពញ្ញាក់ស្មារតីប្រជាជនខ្មែរជាច្រើនរូបឱ្យងាកមកចាប់អារម្មណ៍ប្រើប្រាស់ភាសាខ្មែរឱ្យបានត្រឹមត្រូវឡើងវិញ។ ការប្រកួតប្រជែងនេះ ក៏ជាវេទិកាមួយសម្រាប់ប្រជាជនខ្មែរគ្រប់រូបមានឱកាសបង្ហាញនូវសមត្ថភាពរបស់ពួកគេ។ លោក រតនា ក៏បានលើកទឹកចិត្តដល់យុវជនខ្មែរ ព្រមទាំងប្រជាជនខ្មែរទាំងអស់ សូមកុំភ្លេចអក្សរសាស្ត្រខ្មែរឱ្យសោះ ព្រោះវាជាមែកធាងមួយនៃវប្បធម៌ខ្មែរ ហើយក៏ជាដួងព្រលឹងរបស់ជាតិខ្មែរយើងដែរ។ បើវាបាត់បង់ គឺស្មើនឹងជាតិទាំងមូលរលាយ។ ហើយលោកក៏លើកទឹកចិត្តដល់ប្រជាជនខ្មែរទាំងអស់ឱ្យមានសេចក្ដីក្លាហាន ហ៊ានចូលរួមប្រកួតទាំងអស់គ្នា ដើម្បីវាស់ស្ទង់សមត្ថភាពខ្លួនឯងផង ក៏ដូចជាបានចូលរួមលើកស្ទួយអក្សរសាស្រ្តជាតិ និងវប្បធម៌របស់ជាតិយើងផងដែរ។

គួរជម្រាបជូន ព្រឹត្តិការណ៍សរសេរតាមអានថ្នាក់ជាតិលើកទី១ «សំណេរអង្គរ» បានរំលេចនូវទិដ្ឋភាពក្នុងការលើកកម្ពស់ និងជំរុញទឹកចិត្តឱ្យកូនខ្មែរ កាន់តែស្រឡាញ់អក្សរសាស្ត្រខ្មែរ ព្រមទាំងផ្សព្វផ្សាយបន្ថែម នូវរមណីយដ្ឋានដ៏មហស្ចារ្យក្នុងពិភពលោក ដែលផ្សារភ្ជាប់នឹងតថភាពវប្បធម៌ដ៏ល្អរបស់ព្រះរាជាណាចក្រកម្ពុជា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 14/03/2023

កម្មវិធីអាហារូបករណ៍  Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...

លក្ខខណ្ឌ និងគន្លឹះសំខាន់ដែលអ្នកស្នើពាក្យអាហារូបករណ៍ Australia Awards គួរដឹង

ព័ត៌មានអាហារូបករណ៍, ព្រឹត្តិការណ៍

• 19/03/2025

កម្មវិធីអាហារូបករណ៍ Australia Awards ជាអាហារូបករណ៍ដែលផ្ដល់ដោយរដ្ឋាភិបាលអូស្ត្រាលី សម្រាប់ការសិក្សាថ្នាក់ឧត្ដមសិក្សា នៅសាកលវិទ្យាល័យជាច្រើនក្នុងប្រទេសអូស្ត្រាលី ហើយអាហារូបករណ៍តែងតែផ្ដល់ឱ្យជារៀងរាល់ឆ្នាំ។

ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 31/12/2025

ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...

ឱកាសសិក្សាអាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលអូទ្រីស ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 20/05/2025

កម្មវិធីអាហារូបករណ៍រដ្ឋាភិបាលអូទ្រីស ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត សម្រាប់និស្សិតអន្តរជាតិ ឆ្នាំសិក្សា២០២៦។ កម្មវិធីសិក្សាផ្ដល់អាហារូបករណ៍៣ប្រភេទសម្រាប់សិក្សា...

ឱកាសផ្លាស់ប្ដូរការសិក្សារដូវក្ដៅនៅប្រទេសជប៉ុនពីកម្មវិធី Sokendai KEK ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 25/02/2025

កម្មវិធី SOkendai KEK Summer Student Program 2025 នៃប្រទេសជប៉ុន ប្រកាសជ្រើសរើសនិស្សិតអន្តរជាតិទូទាំងពិភពលោក ចូលរួមកម្មវិធីផ្លាស់ប្ដូរការសិក្សាក្នុងវិស័យស្រាវជ្រាវរយៈពេល៨សប្ដាហ៍។

ឱកាសអាហារូបករណ៍ថ្នាក់បរិញ្ញាបត្ររង៤០កន្លែងនៅវិទ្យាស្ថាន N-Tech International ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 15/03/2023

វិទ្យស្ថាន N-Tech International ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្ររងចំនួន៤០កន្លែង នៅប្រទេសថៃឆ្នាំសិក្សា២០២៣-២០២៤ ។...

ឱកាសអាហារូបករណ៍រដ្ឋាភិបាលចិន នៅសាកលវិទ្យាល័យ Shanghai Jiao Tong

ព័ត៌មានអាហារូបករណ៍, ព្រឹត្តិការណ៍

• 04/02/2026

សាកលវិទ្យាល័យ Shanghai Jiao Tong University (SJTU) ដែលជាគ្រឹះស្ថានសិក្សាដ៏ល្បីល្បាញលំដាប់កំពូលនៅក្នុងទីក្រុងស៊ាងហៃ ប្រទេសចិន កំពុងប្រកាសជ្រើសរើសនិស្សិតអន្តរជាតិ ដើម្បីទទួលអាហារូបករណ៍រដ្ឋាភិបាលចិន (CSC Type B)

អាហារូបករណ៍ ទៅសិក្សានៅប្រទេសហុងគ្រី (HUNGARY) សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 17/12/2025

សម្រាប់ឆ្នាំសិក្សា​២០២៦-២០២៧ ក្រោម​កម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេស​ហុងគ្រី នឹង​ផ្តល់អាហារូបករណ៍ ចំនួន ៣០កន្លែង ដល់និស្សិត​កម្ពុជា ដើម្បី​ទៅបន្ត​ការ​សិក្សា...

វិទ្យាស្ថាន​ពហុបច្ចេកទេស​ភូមិភាគ​តេជោសែនតាកែវ ជ្រើសរើស​យុវជន​ចូលរៀនជំនាញបច្ចេកទេស និងវិជ្ជាជីវៈ១ ចំនួនជាង១ពាន់នាក់

ព័ត៌មានអាហារូបករណ៍, ព្រឹត្តិការណ៍

• 21/02/2025

វិទ្យាស្ថាន​ពហុបច្ចេកទេស​ភូមិ​ភាគ​តេជោ​សែនតាកែវ បានប្រកាស​ពីការជ្រើសរើស​យុវជន​ឱ្យ​ចូលរៀន​ជំនាញ​បច្ចេកទេស និង​វិជ្ជាជីវៈ១ ក្រោម​គ្រោង​កម្មវិធី ១,៥លាននាក់របស់រាជរដ្ឋាភិបាល រហូត​ដល់ទៅ​ចំនួន ១៦៨០នាក់ ក្នុងឆ្នាំ២០២៥នេះ។