ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជីវិតជានិស្សិត ប្រហែលជាមានកិច្ចការរវល់ច្រើនជាមួយការសិក្សា ធ្វើសារ៉ាណាដែលគ្រូបានដាក់ឱ្យជាដើម, ហើយពេលខ្លះ ក៏ត្រូវចូលរួមសកម្មភាពក្រៅកម្មវិធីសិក្សា ធ្វើលំហាត់ប្រមាណ ធ្វើការងារក្រៅម៉ោង ចូលរួមសកម្មភាពសង្គម ក៏ដូចជាកម្មវិធីកម្សាន្តផ្សេងទៀតជាដើម។ បើកិច្ចការរវល់ច្រើនបែបនេះ តើក្នុងនាមជានិស្សិតត្រូវគ្រប់គ្រងពេលវេលាយ៉ាងដូចម្តេច ដើម្បីឱ្យពិន្ទុនៅក្នុងថ្នាក់ នៅតែល្អ ហើយនៅតែអាចមានពេលវេលាបំពេញការងារនៅខាងក្រៅថ្នាក់បានទៀត?
ហេតុនេះហើយទើបការគ្រប់គ្រងពេលវេលាមានសារៈសំខាន់សម្រាប់និស្សិតគ្រប់រូប។ វាជួយឱ្យពួគគេទទួលបានភាពជោគជ័យ ភាពសប្បាយរីករាយ និងរក្សារសណ្ដាប់ធ្នាប់។ ក្នុងអត្ថបទនេះ យើងនឹងបង្ហាញគន្លឹះ៥ ក្នុងការគ្រប់គ្រងពេលវេលាឱ្យបានត្រឹមត្រូវ ៖
១. មានកាលវិភាគច្បាស់លាស់ ៖ ការមានកាលវិភាគនឹងជួយធានាថា អ្នកមិនខកខានសកម្មភាពណាមួយឡើយ ហើយតែងតែអាចតាមដានសកម្មភាពរបស់អ្នកជានិច្ច។ អ្នកអាចប្រើ Planner, Google Calendar ឬកម្មវិធីដូចជា Notion, Trello ដើម្បីរៀបចំផែនការការងារ និងសកម្មភាពប្រចាំថ្ងៃ។
២. កំណត់គោលដៅច្បាស់លាស់ ៖ កំណត់គោលដៅសិក្សារបស់អ្នកនៅសប្ដាហ៍ ប្រចាំខែ ឬប្រចាំដើមឆ្នាំ។ គោលដៅដែលមានភាពច្បាស់លាស់អាចជួយអ្នកមានទិសដៅ និងចេះបែងចែកអាទិភាព។
៣. រៀននិយាយថាទេ ៖ និយាយថាទេចំពោះរឿងដែលមិនសំខាន់ ហើយនឹងស៊ីពេលវេលារបស់អ្នក។
៤. ធ្វើកិច្ចការសំខាន់បំផុតជាមុនសិន ៖ ការចាប់ផ្តើមជាមួយនឹងកិច្ចការសំខាន់បំផុតអាចធ្វើឱ្យការបំពេញកិច្ចការតូចតាចកាន់តែងាយស្រួល។
៥. ទុកពេលសម្រាក ៖ ដកដង្ហើមវែងៗ រត់ហាត់ប្រាណ ឬចំណាយពេលត្រៀមខ្លួនដើម្បីចាប់ផ្ដើមធ្វើកិច្ចការដោយមានផ្នត់គំនិតច្បាស់លាស់ និងផ្តោតអារម្មណ៍ជាងមុន។
៦. កំណត់ពេលវេលាជាក់លាក់សម្រាប់កិច្ចការណាមួយ ៖ ប្រសិនបើអ្នកមានគម្រោងសិក្សានៅម៉ោង ២ រសៀលដល់ម៉ោង ៥:៣០ អ្នកត្រូវតែគោរពតាមពេលវេលានោះ៕
