យុវសិស្ស គាវ សំណាង ៖ ចូលរួមប្រឡងសិស្សពូកែ ទទួលបានទាំងបទពិសោធន៍ថ្មីៗ ចំណេះដឹង និងរង្វាន់លើកទឹកចិត្ត

ភ្នំពេញ – ការប្រឡងសិស្សពូកែមានសារៈសំខាន់ណាស់សម្រាប់ឱ្យយើងយល់ដឹងនូវបទពិសោធន៍ថ្មីៗ ចំណេះដឹងថ្មីៗជាច្រើន ទោះបីជាយើងមិនទាន់បានប្រឡងជាប់ក៏ដោយ ប៉ុន្តែប្រសិនបើយើងប្រឡងជាប់គឺយើងអាចទទួលបានថវិកាលើកទឹកចិត្តជាច្រើន និងរង្វាន់ផ្សេងៗទៀតបន្ថែមលើបទពិសោធន៍ថ្មីៗ និងចំណេះដឹងច្រើនជាងសិស្សានុសិស្សផ្សេងទៀត។ នេះបើតាមការលើកឡើងរបស់ យុវសិស្ស គាវ សំណាង ម្ចាស់ជ័យលាភីលេខ២ ប្រឡងសិស្សពូកែទូទាំងប្រទេសផ្នែកគណិតវិទ្យាថ្នាក់ទី១២។

យុវសិស្ស គាវ សំណាង ជាសិស្សថ្នាក់ទី១២នៃវិទ្យាល័យព្រះនរោត្តមរណឬទ្ធិ និងជាម្ចាស់ជ័យលាភីប្រឡងសិស្សពូកែទូទាំងប្រទេសផ្នែកគណិតវិទ្យា បានលើកឡើងថា ការប្រឡងសិស្សពូកែ គឺមានលក្ខណៈពិបាកជាងការរៀននៅសាលា។ សំណាង បន្តថា នៅពេលអាចឆ្លងកាត់ការលំបាកនេះបាន វាប្រៀបដូចជាការលើកដុំដែកមួយ ព្រោះបើយើងធ្លាប់លើកដុំដែកទម្ងន់ដប់គីឡូបាន ហើយបែរមកលើកដុំដែកទម្ងន់៥គីឡូ គឺពិតជាមានភាពងាយស្រួលខ្លាំងក្នុងការលើកជាមិនខាន។

យុវសិស្ស គាវ សំណាង ម្ចាស់ជ័យលាភីប្រឡងសិស្សពូកែទូទាំងប្រទេសផ្នែកគណិតវិទ្យាថ្នាក់ទី១២

“ខ្ញុំលើកទឹកចិត្តសិស្សានុសិស្សចូលរួមប្រឡងសិស្សពូកែព្រោះឱកាសមានតែម្ដងប៉ុណ្ណោះក្នុងរយៈពេល១២ឆ្នាំគឺនៅថ្នាកើទី៩ និងថ្នាក់ទី១២”

យុវសិស្ស គាវ សំណាង បន្ថែមថា រូបគេបានត្រៀមខ្លួនខិតខំរៀនចាប់តាំងពីថ្នាក់ទី១១មក ដោយផ្ដើមមានចំណូលចិត្ត និងចង់ស្វែងយល់ពីមុខវិជ្ជាគណិតវិទ្យា។ ទន្ទឹមគ្នានេះ សំណាង ក៏បានទទួលការផ្គត់ផ្គង់ជាច្រើនពីលោកគ្រូ អ្នកគ្រូ និងគ្រួសារផ្ទាល់ ដោយលោកគ្រូ អ្នកគ្រូបានផ្ដល់នូវសៀវភៅជាច្រើន ដើម្បីយកមកស្វ័យសិក្សានៅផ្ទះដោយខ្លួនឯង ព្រមទាំងសិក្សាស្រាវជ្រាវបន្ថែមពីយូធូប ដើម្បីទទួលបានគន្លឹះនៅក្នុងការធ្វើលំហាត់ជាច្រើន ។

យុវសិស្ស គាវ សំណាង បន្តថា ចំពោះគេផ្ទាល់ការធ្វើលំហាត់គឺយកគន្លឹះ មិនធ្វើយកតែចំនួននៃលំហាត់នោះទេ ព្រោះមិនប្រាកដថា ការធ្វើលំហាត់ច្រើនអាចចេះច្បាស់នោះទេ លុះត្រាតែចេះអំពីគន្លឹះនៅក្នុងការដោះស្រាយផងដែរ​ ។ ទន្ទឹមគ្នានេះ លំហាត់ខ្លះទាមទារឱ្យយើងចាំ ព្រោះវាពិបាកនៅក្នុងការយល់, ដូច្នេះហើយសិស្សពូកែត្រូវមានការចងចាំ និងយល់ឱ្យបានច្រើនតាមដែលអាចធ្វើទៅបាន។

យុវសិស្ស គាវ សំណាង ម្ចាស់ជ័យលាភីប្រឡងសិស្សពូកែទូទាំងប្រទេសផ្នែកគណិតវិទ្យាថ្នាក់ទី១២

“ខ្ញុំសូមអរគុណដល់លោកគ្រូ អ្នកគ្រូ ដែលបានជួយបង្ហាត់បង្រៀនខ្ញុំរហូតមកដល់ពេលដែលខ្ញុំទទួលបានជ័យលាភី”

ម្ចាស់ជ័យលាភីលេខ២ សិស្សពូកែទូទាំងប្រទេសផ្នែកគណិតវិទ្យារូបនេះ ក៏បានលើកទឹកចិត្តដល់សិស្សានុស្សដែលមានបំណងចង់ចូលប្រឡងសិស្សពូកែថ្នាក់ទី៩ គឺគួររៀនត្រៀមចាប់តាំងពីថ្នាក់ទី៧មក ហើយការប្រឡងសិស្សពូកែថ្នាក់ទី១២ សិស្សានុស្សគួរត្រៀមខ្លួនចាប់ពីថ្នាក់ទី១០ ឬទី១១មក ព្រោះការត្រៀមខ្លួនក្នុងរយៈពេលខ្លី មិនអាចប្រកួតប្រជែងជាមួយគេបាននោះទេ ប៉ុន្តែប្រសិនត្រៀមខ្លួនបានច្រើន យើងពិតជាមានឱកាសច្រើននៅក្នុងការជាប់ចំណាត់ថ្នាក់ជ័យលាភីទូទាំងខេត្ត ឬទូទាំងប្រទេស។

បើតាមយុវសិស្ស គាវ សំណាង នៅពេលបច្ចុប្បន្ននេះ មានការប្រកួតប្រជែងតាមអនឡាញជាច្រើន ដែលជាឱកាសឱ្យសិស្សានុសិស្សគួរចូលរួមប្រឡងប្រជែងតាមដែលអាចធ្វើបាន ដើម្បីទទួលបាននូវបទពិសោធន៍ថ្មី ជួបប្រទះលំហាត់ថ្មីៗជាច្រើន ព្រមទាំងទទួលបានមេដាយ ក៏ដូចជារង្វាន់ផ្សេងៗ ធ្វើឱ្យសាលាមានកិត្តិយស និងខ្លួនយើងផ្ទាល់កាន់តែរីកសុះសាយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងមហាផ្ទៃ ជ្រើសរើសនិស្សិត និងសិស្សនគរបាលអាហារូបករណ៍ប្រចាំឆ្នាំចំនួន៤០០នាក់

ព័ត៌មានអាហារូបករណ៍, ព្រឹត្តិការណ៍

• 14/01/2026

ក្រសួងមហាផ្ទៃ​កាលពីដើមសប្តាហ៍​នេះ បានប្រកាស​ពីការប្រឡងប្រជែងជ្រើសរើសនិស្សិតនិងសិស្សនគរបាលអាហារូបករណ៍ប្រចាំឆ្នាំ ឱ្យចូលសិក្សាថ្នាក់បរិញ្ញាបត្រវិទ្យាសាស្ត្រនគរបាល ថ្នាក់សញ្ញាបត្រមធ្យមឯកទេសនគរបាល...

អាហារូបករណ៍ Sophie Germain ឆ្នាំ២០២៦ សម្រាប់ការសិក្សាផ្នែកគណិតវិទ្យានៅប្រទេសបារាំង

ព័ត៌មានអាហារូបករណ៍, ព្រឹត្តិការណ៍

• 08/01/2026

មូលនិធិគណិតវិទ្យា Jacques Hadamard (FMJH) ប្រកាសបើកទទួលពាក្យសុំអាហារូបករណ៍ Sophie Germain សម្រាប់ឆ្នាំសិក្សា២០២៦។ នេះគឺជាកម្មវិធីអាហារូបករណ៍ដ៏មានកិត្យានុភាពបំផុតមួយ សម្រាប់និស្សិតអន្តរជាតិ...

មជ្ឈមណ្ឌល​បណ្តុះបណ្តាលវិជ្ជាជីវៈ​ខេត្តកែប ផ្តល់​ការ​សិក្សា​ជំនាញពេញនិយមចំនួន១១​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 05/09/2024

ជា​ឱកាស​សម្រាប់​យុវជន ក៏​ដូចជា​បងប្អូនប្រជាពលរដ្ឋ​​រស់​នៅ​ខេត្តកែប ដែលមានបំណងចង់ទទួលបានជំនាញ​ពិតប្រាកដមួយ​សម្រាប់​ជីវិត ពេលនេះ​មជ្ឈមណ្ឌល​បណ្តុះបណ្តាល​វិជ្ជាជីវៈ​ខេត្តកែប ប្រកាស​ជ្រើសរើស​សិក្ខា​កាម​ឱ្យ​ចូលរៀន​ដោយ​ឥតគិតថ្លៃ ទៅលើជំនាញ​ចំនួន១១។

ឱកាសអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ SIIT ប្រទេសថៃ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 01/03/2023

វិទ្យាស្ថានបច្ចេកវិទ្យាអន្តរជាតិ Sirindhorn ឬហៅកាត់ថា SIIT បានប្រកាស​ផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតសម្រាប់ឆ្នាំសិក្សា២០២៣ ...

អន្តេវាសិកដ្ឋានតេជោសន្តិភាពជ្រើសរើសនិស្សិតក្រីក្រជាង៣០០នាក់ស្នាក់នៅ សម្រាប់ឆ្នាំសិក្សាថ្មី

ព័ត៌មានអាហារូបករណ៍, ព្រឹត្តិការណ៍

• 23/09/2026

អគារអន្តេវាសិកដ្ឋានតេជោសន្តិភាព នៃពុទ្ធិកសាកលវិទ្យាល័យព្រះសីហមុនីរាជា គ្រោងជ្រើសរើសនិស្សិតក្រីក្រជាង ៣០០នាក់

វិទ្យាស្ថានពហុបច្ចេកទេស​ខេត្តបន្ទាយមានជ័យ ផ្តល់អាហារូបករណ៍២៥០កន្លែង​សម្រាប់សិស្សធ្លាក់ ឬជាប់បាក់ឌុប

ព័ត៌មានអាហារូបករណ៍, ព្រឹត្តិការណ៍

• 10/12/2024

ជាឱកាស​សម្រាប់​សិស្សានុសិស្ស​ដែលទើបប្រឡង​បញ្ចប់សញ្ញាបត្រ​មធ្យមសិក្សា​ទុតិយភូមិ ឬបាក់ឌុប វិទ្យាស្ថាន​ពហុបច្ចេកទេស​ខេត្តបន្ទាយមានជ័យ​ ប្រកាស​ផ្តល់អាហារូបករណ៍​ចំនួន​២៥០កន្លែងសម្រាប់កម្រិត​សញ្ញាបត្រ​ជាន់ខ្ពស់​បច្ចេកទេស ឬបរិញ្ញាបត្ររង។

ឱកាសអាហារូបករណ៍ ពីសាកលវិទ្យាល័យភូមិន្ទភ្នំពេញ ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 11/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានសិក្សាអន្តរជាតិ និងគោលនយោបាយសាធារណៈ(វសនប) នៃសាកលវិទ្យាល័យភូមិន្ទភ្នំពេញពីកម្មវិធីអាហារូបករណ៍...

អាហារូបករណ៍ថ្នាក់​កុំព្យូទ័រ ១០០% សម្រាប់សិស្សថ្នាក់បឋមសិក្សា អនុវិទ្យាល័យ និងវិទ្យាល័យ

ព័ត៌មានអាហារូបករណ៍, ព្រឹត្តិការណ៍

• 11/02/2025

តាមរយៈក្រសួងអប់រំ យុវជន និងកីឡា សាលា អុី-ស្គូល (ខេមបូឌា) នឹងផ្តល់អាហារូបករណ៍ថ្នាក់កុំព្យូទ័រ ១០០% ជូនសិស្សានុសិស្សថ្នាក់បឋមសិក្សា អនុវិទ្យាល័យ និងវិទ្យាល័យ...