ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
កម្មវិធីអាហារូបករណ៍ Chulalongkorn University’s Graduate Scholarship Program ប្រកាសជ្រើសរើស និស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត។ អាហារូបករណ៍ផ្ដល់ជូនសម្រាប់បេក្ខជនដែលជាពលរដ្ឋមកពីប្រទេសក្នុងតំបន់អាស៊ាន និងមិនមែនអាស៊ាន។
កម្មវិធីសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតដែលអាហារូបករណ៍ផ្ដល់ជូនរួមមាន ៖ គោលនយោបាយ និងការអភិវឌ្ឍន៍ធនធានមនុស្ស, សុខភាពសាធារណៈ, វិទ្យាសាស្ត្រសុខាភិបាលសាធារណៈ, អាហារ និងអាហារូបត្ថម្ភ, Clinical Biochemistry and Molecular Medicine, Architectural Design, Urban Strategies, Thai as a Foreign Language, Information Studies, operative Dentistry, Oral Biology, Civil Engineering និង ជំនាញជាច្រើនទៀត។
លក្ខខណ្ឌនៃបេក្ខជន ៖ ជាសាធារណជនដែលមិនមែនសញ្ជាតិថៃ, ជាសាស្ត្រាចារ្យ អ្នកស្រាវជ្រាវ និងបុគ្គលិកសិក្សាដែលមានបំណងនឹងត្រឡប់ទៅបង្រៀនការងារនៅប្រទេសកំណើត បន្ទាប់ពីបញ្ចប់ការសិក្សាពីសាកលវិទ្យាល័យ Chulalongkorn ត្រូវបានលើកទឹកចិត្ត។ ជាមួយគ្នានេះ ជាបេក្ខជនបានបញ្ចប់ថ្នាក់បរិញ្ញាបត្រ ឬថ្នាក់បរិញ្ញាបត្រជាន់ខ្ពស់ ដែលមានពាក់ព័ន្ធក្នុងជំនាញខាងលើដែលបេក្ខជននឹងស្នើពាក្យ។ បេក្ខជនបេក្ខនារី មានអាយុមិនលើសពី៤០ឆ្នាំ មានប្រវត្តិការសិក្សាល្អ មានពិន្ទុភាសាអង់គ្លេស TOEFL ៥០០ពាក្យ ឬ IELTS ៥.០ឡើងទៅ និងមានសុខភាពល្អ។
បេក្ខជន បេក្ខនារី ដែលមានបំណងក្នុងការដាក់ពាក្យ សូមភ្ជាប់ ទម្រង់ពាក្យចុះឈ្មោះចូលរៀន (ដោយភ្ជាប់រូបថត) ប្រវត្តិរូបសង្ខេប សញ្ញាបត្របញ្ចាក់ការសិក្សា លិខិតចម្លងនៃលិខិតឆ្លងដែន លិខិតអនុសាសន៍ចំនួនពីរ និង លិខិតបញ្ជាក់សុខភាព។ ដើម្បីធ្វើការដាក់ពាក្យ បេក្ខជនអាចចូលទៅកាន់ https://grantgateway.research.chula.ac.th ក្នុងចន្លោះថ្ងៃទី១៥ ខែមីនា ឆ្នាំ២០២៥ រហូតដល់ថ្ងៃទី៨ ខែឧសភា ឆ្នាំ២០២៥។ សម្រាប់ព័ត៌មានបន្ថែម អាចចូលទៅកាន់ https://bit.ly/ChulaG ៕
