ជំនាញការិយាល័យជួរមុខ ជួយ​ទាក់ទាញភ្ញៀវទេសចរតាមរយៈការផ្ដល់សេវាកម្មប្រកបដោយវិជ្ជាជីវៈ

ការផ្ដល់សេវាកម្មទទួលបដិសណ្ឋារកិច្ចនៅតាមបណ្ដាសណ្ឋាគារ កន្លែងស្នាក់នៅ ប្រកបដោយវិជ្ជាជីវៈ គឺជាចំណែកមួយក្នុងការទាក់ទាញភ្ញៀវទេសចរជាតិ អន្តរជាតិ ក៏​ដូចជាជួយ​លើកស្ទួយសេដ្ឋកិច្ច។ នេះជាការយល់ឃើញរបស់យុវតី វឿយ ស្រីម៉ៅ បច្ចុប្បន្ន​ជាអ្នកធ្វើ​បដិសណ្ឋារកិច្ចនៅ Confirel Showroom ក្នុងក្រុងសៀមរាប។

យុវតី វឿយ ស្រីម៉ៅ គឺជាអតីតសិស្សរៀនជំនាញការិយាល័យជួរមុខ នៅសមាគមន៍ក្លឹបទេសចរណ៍សៀមរាប (Siem Reap Tourism Club Association-STC), ស្រីម៉ៅ ឱ្យដឹងថា ជំនាញការិយាល័យជួរមុខ ជាជំនាញដែលសិក្សាពីការផ្ដល់សេវាកម្មនៅក្នុងសណ្ឋាគារ សេវាស្នាក់នៅ ការធ្វើបដិសណ្ឋារកិច្ច របៀបនៃការទទួលភ្ញៀវប្រកបដោយវិជ្ជាជីវៈក្នុងការងារ និងរៀនអំពីរបៀប នៃការដោះស្រាយបញ្ហាដែលភ្ញៀវបានជួបនៅក្នុងករណីផ្សេងៗគ្នាផងដែរ។ ស្រីម៉ៅ បន្តថា នាងបានសិក្សាជំនាញការិយាល័យជួរមុខរយៈពេល៨ខែ ដោយសិក្សាលើថ្នាក់ទ្រឹស្ដីចំនួន៤ខែ និងអនុវត្តផ្ទាល់រយៈពេល៤ខែ។

កំឡុងពេលសិក្សាទាំងម៉ោងទ្រឹស្ដី និងម៉ោងអនុវត្ត ជំនាញការិយាល័យជួរមុខនេះ បានធ្វើឱ្យ ស្រីម៉ៅ មានភាពក្លាហានជាងមុនក្នុងការជួបនិយាយជាមួយភ្ញៀវជាតិ និងអន្តរជាតិ, បានស្គាល់ព័ត៌មានជាច្រើនពីកន្លែងទេសចរណ៍នានាក្នុងប្រទេស, បានស្គាល់ និងចេះពីរបៀបនៃការទទួលស្វាគមន៍ភ្ញៀវដោយផ្សារភ្ជាប់ជាមួយស្នាមញញឹម និងវិជ្ជាជីវៈ និងចេះពីជំនាញទន់នៃការងារដូចជា ការស្វែងរកដំណោះស្រាយក្នុងកំឡុងពេលការងារជាមួយក្រុមការងារ ឬជាមួយភ្ញៀវ។ មុននឹងអាចមានបទពិសោធន៍ការងារបែបនេះ ស្រីម៉ៅ ខិតខំយកចិត្តទុកដាក់ក្នុងរៀនសូត្រ និងចុះកម្មសិក្សា ត្បិតមើលឃើញពីសារសំខាន់នៃការចេះជំនាញការិយាល័យជួរមុខ ក្នុងវិស័យទេសចរណ៍ និងចង់មានជំនាញមួយច្បាស់លាស់ដើម្បីអាចស្វែងរកការងារ និងអាចជួយផ្គត់ផ្គង់គ្រួសារ។

“បញ្ហាចំបងដែលខ្ញុំជួបនៅពេលរៀនគឺ ភាសាអង់គ្លេស ដែលជាឧបសគ្គធំរារាំងឱ្យខ្ញុំពិបាកក្នុងការទំនាក់ទំនងជាមួយភ្ញៀវបរទេស”

ក​ញ្ញា វឿយ ស្រីម៉ៅ

យុវតីវ័យ២០ឆ្នាំរូបនេះ បន្ថែមថា ត្បិតមានបញ្ហាភាសាក្នុងការទំនាក់ទំនង នាងបានខិតខំរៀនសូត្រ អាន កត់ត្រាពាក្យថ្មីៗដែលបានពីការសន្ទនា អនុវត្តជាមួយខ្លួនឯងនៅជាមួយកញ្ចក់ ឬពេលជិះកង់ និងពេលធ្វើការងារផ្ទះ ។ លើសពីនេះ ស្រីម៉ៅ តែងតែព្យាយាមអនុវត្តនិយាយជាមួយជនបរទេស និងស្ដាប់វីដេអូសន្ទនាក្នុង Youtube ជាដើម។

បើតាមយុវតី វឿយ ស្រីម៉ៅ ក្រោយរៀនចប់ សិស្សដែល​មានជំនាញការិយាល័យជួរមុខ អាចធ្វើការងារទៅតាមផ្នែកដែលខ្លួនស្រលាញ់ ដូចជា អ្នកទទួលភ្ញៀវ ជាប្រធានការិយាល័យជួរមុខ ឬជំនួការអ្នកគ្រប់គ្រង អ្នកគិតលុយ និងក្នុងផ្នែកផ្សេងៗជាច្រើនទៀតនៅតាមសណ្ឋាគារ ភោជនីយដ្ឋាន និងហាងអាហារផ្សេងៗ។​ សម្រាប់ ស្រីម៉ៅ ក្រោយបញ្ចប់ការសិក្សា និងកម្មសិក្សារយៈពេល៨ខែដោយជោគជ័យ បច្ចុប្បន្ន ស្រីម៉ៅ កំពុងបម្រើការងារក្នុងផ្នែកលក់ ដែលជាផ្នែកមួយនៅក្នុងជំនាញការិយាល័យជួរមុខ ដោយ កញ្ញា អាចប្រើប្រាស់ជំនាញពីការរៀនបានដូចជា ការទទួលស្វាគមន៍ ការរៀបចំខ្លួន ភាសានិយាយ ការផ្ដល់ព័ត៌មាន និងការផ្ដល់សេវាកម្មផ្សេងៗជាច្រើនទៅកាន់អតិថិជនប្រកបដោយវិជ្ជាជីវៈ និងទំនុកចិត្ត។

ស្រីម៉ៅ យល់ថា ជំនាញនេះពិតជាល្អមែនទែនក្នុងវិស័យទេសចរណ៍ ព្រោះវាជាចំណែកមួយជួយឱ្យសេដ្ឋកិច្ចរីកចម្រើន ដោយការផ្ដល់ស្នាមញញឹម និងការទទួលស្វាគមន៍យ៉ាងកក់ក្ដៅទៅកាន់ភ្ញៀវជាតិ និងអន្តរជាតិ ដែលអាចនាំឱ្យកម្ពុជាមានកេរ្តិ៍ឈ្មោះល្អផងដែរ។

យ៉ាងណាក៏ដោយសម្រាប់យុវជន យុវនារី ដែលចង់រៀន​ជំនាញការិយាល័យជួរមុខ គឺអាចទៅចុះឈ្មោះ​ចូលរៀន​បាន​តាមសាលា​បណ្តុះបណ្តាលជំនាញបច្ចេកទេស និងវិជ្ជាជីវៈ ដោយ​បច្ចុប្បន្ន​តាមរយៈកម្មវិធី TVET ១.៥លាននាក់ សិស្ស​អាចរៀនជំនាញ​ដោយមិនគិតថ្លៃ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងអប់រំជ្រើសរើសនិស្សិត ១២០នាក់ ទៅសិក្សាថ្នាក់ក្រោយឧត្តមសិក្សា និងបរិញ្ញាបត្រ នៅ​ប្រទេស​វៀតណាម ក្នុងឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/03/2024

យោង​ទៅ​លើ​អនុស្សរណៈ នៃ​កិច្ច​ព្រមព្រៀង​ស្តីពី​កិច្ច​សហប្រតិបត្តិការ​អប់រំ រវាង​ក្រសួងអប់រំ យុវជន និងកីឡា នៃព្រះរាជាណាចក្រ​កម្ពុជា និង​ក្រសួងអប់រំ បណ្តុះបណ្តាល នៃសាធារណរដ្ឋសង្គមនិយម​វៀតណាម...

ក្រសួងអប់រំ ជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំចំនួន៣២កន្លែង

ព័ត៌មានអាហារូបករណ៍, ព្រឹត្តិការណ៍

• 02/06/2023

ក្រសួងអប់រំ យុវជន និងកីឡា ប្រកាសជ្រើសរើសគ្រូប្រឹក្សាគរុកោសល្យថ្នាក់បរិញ្ញាបត្រជាន់ខ្ពស់អប់រំឯកទេសប្រឹក្សាគរុកោសល្យ ជំនាន់ទី៥ ឆ្នាំសិក្សា២០២៣-២០២៤ ។ ...

អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Hubei ប្រទេសចិន

ព័ត៌មានអាហារូបករណ៍, ព្រឹត្តិការណ៍

• 29/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍រដ្ឋាភិបាលចិននៅសាកលវិទ្យាល័យ Hubei ឆ្នាំសិក្សា២០២៤។ ...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Dalarna នៅប្រទេសស៊ុយអែត

ព័ត៌មានអាហារូបករណ៍, ព្រឹត្តិការណ៍

• 20/08/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Dalarna ពីកម្មវិធីអាហារូបករណ៍ Dalarna University Scholaship នៅ...

ឱកាស​សម្រាប់សិស្ស​ថ្នាក់ទី១២ ដែលចង់ចូលរៀន​នៅ​សាកលវិទ្យាល័យ, អង្គការ​កុមារ​មេគង្គ ប្រកាស​អាហារូបករណ៍​ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 24/12/2025

សម្រាប់ប្អូនៗសិស្សានុសិស្ស​ដែលកំពុង​រៀន​ថ្នាក់ទី១២ ក្នុង​ឆ្នាំសិក្សា​២០២៥-២០២៦, អង្គការ​កុមារ​មេគង្គបានប្រកាស​ជ្រើសរើស​និស្សិត​អាហារូបករណ៍

ក្រសួងអប់រំជ្រើសរើសបេក្ខជនជាង៣ពាន់នាក់ឱ្យ​ទទួល​អាហារូបករណ៍ថ្នាក់បរិញ្ញាបត្ររង និង​ថ្នាក់បរិញ្ញាបត្រ លើជំនាញបច្ចេកទេស និងវិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 27/10/2025

តាមរយៈកម្មវិធី Competency Based ក្រសួងអប់រំ យុវជន និងកីឡា បានប្រកាស​ជ្រើសរើស​សិស្សានុសិស្ស​ដែលបានប្រឡង​ជាប់សញ្ញាបត្រ​បច្ចេកទេស និង​វិជ្ជាជីវៈកម្រិត៣ ​សរុបចំនួន ៣ ០២៥កន្លែង...

កម្មវិធីផ្លាស់ប្តូរវប្បធម៌ Autumn Korean Culture Camp 2024 នៅប្រទេសកូរ៉េខាងត្បូង

ព័ត៌មានអាហារូបករណ៍, ព្រឹត្តិការណ៍

• 26/07/2024

ជាឱកាសសម្រាប់សិស្សានុសិស្សក្នុងការសិក្សាស្វែងយល់អំពីវប្បធម៌ដ៏សម្បូរបែប និងទទួលយកបទពិសោធថ្មីៗនៅក្នុងប្រទេសកូរ៉េខាងត្បូងរយៈពេល ៦ ថ្ងៃ គឺចាប់ពីថ្ងៃទី១៧-២២ ខែវិច្ឆិកា ឆ្នាំ២០២៤...

ឱកាសសិក្សាអាហារូបករណ៍ចំនួន១២០កន្លែងនៅវិទ្យាស្ថានបច្ចេកវិទ្យាកម្ពុជា សាខាខេត្តត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 18/10/2024

វិទ្យាស្ថានបច្ចេកវិទ្យាកម្ពុជាសាខាខេត្តត្បូងឃ្មុំ ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ ចំនួន១២០កន្លែង។ អាហារូបករណ៍ប្រឡងជ្រើសរើសសម្រាប់កម្រិតវិស្វករ សិក្សារយៈពេល៥ឆ្នាំក្នុងដេប៉ាតឺម៉ង់ចំនួនបួន។

អាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍ SHE-CAN ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 26/09/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសហរដ្ឋអាមេរិកពីកម្មវិធីអាហារូបករណ៍SHE-CAN សម្រាប់ឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់សិស្សស្រីដែលមានភាពជាអ្នកដឹកនាំ និងចង់បន្តការ.....