ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិធីសាស្រ្តដើម្បីប្រើប្រាស់ក្នុងការគ្រប់គ្រងពេល និងសិល្បៈប្រើប្រាស់ដែលមានប្រសិទ្ធភាពមានច្រើនចំណុច។ ដោយសារតែធាតុផ្សំចម្រុះបែបនេះ តើចំណុចមួយណាដែលគេត្រូវប្រើប្រាស់បានគ្រប់ដំណាក់កាល និងមិនអាចរំលងបាន? តាមរយៈ Ceylonfirst បានបង្ហាញធាតុសំខាន់ចំនួន ៣ ក្នុងការសម្គាល់ពីការគ្រប់គ្រងពេលវេលា គឺ ផែនការ ការកំណត់អាទិភាព និងអុនវត្ត។
១.ផែនការ ៖ ការកំណត់ពេល តាមរយៈការធ្វើផែនការ គេផ្តោតទៅលើភាពពាក់ព័ន្ធទៅនឹងការកំណត់គោលដៅ ការបែងចែកតួនាទី ឬភារកិច្ច និងបង្កើតផែនការសកម្មភាពទៅក្នុងផែនទី (ប្រើប្រាស់កម្មវិធីឌីជីថលជំនួយបាន) ។ បន្ថែមពីនោះ គឺត្រូវគិតអំពីការបំបែកគោលដៅធំៗឱ្យក្លាយទៅជាជំហានតូចៗ ដើម្បីផ្តល់ភាពងាយស្រួលក្នុងការធ្វើ សកម្មភាព រួមជាមួយនឹងការវាស់វែងអំពីធនធានមានស្រាប់ក៏ដូចជាលទ្ធភាព និងពេលវេលាសមគួរណាមួយ។
២.ការកំណត់អាទិភាព ៖ បន្ទាប់ពីការធ្វើផែនការ ឬក៏បំបែកផែនការទៅជារូបភាពតូចៗហើយ នោះការកំណត់អាទិភាពការងារ ឬកាតព្វកិច្ចជាចំណែកសំខាន់ ក្នុងការប្រើប្រាស់ពេលវេលាប្រកបដោយប្រសិទ្ធភាព។ ហើយការកំណត់អាទិភាពទៅតាមរបៀបវារៈ មិនត្រឹមតែចំណេញពេលប៉ុណ្ណោះទេ ប៉ុន្តែបានចំណេញទាំងកម្លាំងថាមពល ក៏ដូចជាការបង្ខិតខ្លួនទៅកាន់គោលដៅដែលបានរំពឹងទុក។
៣.អនុវត្តន៍ ៖ ការអនុវត្តនៅត្រង់ចំណុចនេះ គឺសំដៅលើការអនុវត្តជាក់ស្តែង រាល់ផែនការដែលបានបំបែកន្លងមក និងការរំឮកអំពីភាពសំខាន់ នៃការគ្រប់គ្រងពេលប្រចាំថ្ងៃ និងគុណតម្លៃនៃការធ្វើតាមផែនការ ។ ការរំឭក និងអនុវត្តន៍បានជាប្រចាំ បានរួមចំណែកដល់ការផ្តោតស្មារតី បញ្ចៀសពីការរំខាន និងភាពលូតលាស់នៃផែនការ។ គួរចងចាំថា ដើម្បីអនុវត្តន៍ឱ្យមានប្រសិទ្ធភាព គឺត្រូវមានវិន័យចំពោះខ្លួនឯង ស្គាល់ពីគុណតម្លៃនៃពេលវេលា និងមានភាពបត់បែនទៅនឹងបញ្ហាកើតមានដោយចៃដន្យ។ ការធ្វើផែនការ ការកំណត់អាទិភាព និងការអនុវត្តបានជាប្រចាំ ជាកត្តានាំឱ្យប្រសិទ្ធភាពការងារកើន សន្សំពេលវេលា បង្កើនផលិតភាព និងរក្សាតុល្យភាពការងារ និងការប្រើប្រាស់ជីវិតផ្ទាល់ខ្លួន៕
