ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Samford ពីកម្មវិធីអាហារូបករណ៍ Crosland 2025 នៃសហរដ្ឋអាមេរិក។ អាហារូបករណ៍ ផ្ដល់ជូនថ្លៃសិក្សា ១០០% រយៈពេល ៤ឆ្នាំ ការស្នាក់នៅ និងការទំនុកបម្រុងផ្សេងៗ។
លក្ខខណ្ឌសម្រាប់ការជ្រើសរើស ៖ ជានិស្សិតអន្តរជាតិគ្រប់រូប ជាបេក្ខជនដែលបានស្នើលិខិត និងទទួលស្គាល់ផ្លូវការពីសាកលវិទ្យាល័យ Samford។ មានប្រវត្តិសិក្សាល្អ មានឆន្ទៈក្នុងការសិក្សា មានភាពអត់ធ្នត់ និងការប្ដេជ្ញាចិត្តសិក្សាដល់បញ្ចប់ការសិក្សា។ ជាមួយគ្នានេះ បេក្ខជនមានការប្តេជ្ញាចិត្តចំពោះភាពជាអ្នកដឹកនាំ ការងារស្ម័គ្រចិត្ត មានចំណេះដឹងភាសាអង់គ្លេសខ្ពស់ និងបានបញ្ចប់ការសិក្សាថ្នាក់ទុតិយភូមិ (ថ្នាក់ទី១២)។
សម្រាប់និស្សិតដែលត្រូវបានជ្រើសរើសនឹងទទួលបានឱកាសជាច្រើនពីកម្មវិធីអាហារូបករណ៍ដូចជា ការសិក្សាពេញលេញដែលមានតម្លៃអតិបរមា ១៧,៥០០ដុល្លារ ការទទួលស្គាល់ការសិក្សាពីកម្មវិធីអាហារូបករណ៍Crosland និងសាកលវិទ្យាល័យ Samford, ការសិក្សា និងស្រាវជ្រាវជាមួយនិស្សិតបរទេសជាច្រើន និងជាមួយអ្នកប្រាជ្ញជាច្រើនរូប។ លើសពីនេះ និស្សិតនឹងទទួលបានឱកាសសិក្សាពីសហគមន៍ និងការអនុវត្តន៍ផ្ទាល់ជាច្រើនដែលសិក្សានៅលើទឹកដីសហរដ្ឋអាមេរិកដោយផ្ទាល់។
បេក្ខជនដែលមានបំណងស្នើពាក្យអាហារូបករណ៍សូមភ្ជាប់ សញ្ញាបត្របញ្ជាក់ការសិក្សា (ថ្នាក់ទី១២ ឬបរិញ្ញាបត្របើមាន) លិខិតឆ្លងដែន និងទិដ្ឋាការ (ឯកសារផ្លូវការរបស់រដ្ឋាភិបាល) Bank Statement ប្រតិចារិក អត្ថបទផ្ទាល់ខ្លួន លិខិតអនុសាសន៍ ពិន្ទុ SAT/ACT ពិន្ទុ TOEFL / TOEFL iBT ពិន្ទុIELTS ៦.៥ឡើង និង ពិន្ទុ Duolingo ១២០ឡើងទៅ។ ជាមួយគ្នានេះ បេក្ខជនត្រូវចំណាយ៤០ដុល្លារសម្រាប់ពាក្យស្នើសុំអាហារូបករណ៍។
សម្រាប់ព័ត៌មានបន្ថែមអាចចូលទៅកាន់ https://www.samford.edu/admission/scholarships និងការស្នើពាក្យអាហារូបករណ៍តាមរយៈ Crosland Scholarship ។
ផុតកំណត់ទទួលពាក្យថ្ងៃទី១ ខែធ្នូ ឆ្នាំ២០២៤៕
