ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា កាលពីពេលថ្មីៗនេះ បានប្រកាសជូនដំណឹងដល់បុគ្គលិកអប់រំ និងអ្នកស្រាវជ្រាវ ពីការជ្រើសរើសសំណើគម្រោង ដោយមជ្ឈមណ្ឌលស៊ីមេអូ SEPS សម្រាប់កម្មវិធីគម្រោងគាំទ្រការស្រាវជ្រាវទស្សនវិជ្ជាសេដ្ឋកិច្ចគ្រប់គ្រាន់ ក្នុងគោលបំណងដើម្បីសិក្សាស្រាវជ្រាវលើដំណោះស្រាយ ចំពោះបញ្ហាប្រឈម នៃការអភិវឌ្ឍការអភិវឌ្ឋប្រកបដោយចីរភាព ក្នុងតំបន់អាស៊ីអាគ្នេយ៍។
សំណើគម្រោងដែលជាប់ជ័យលាភី នឹងទទួលបានប្រាក់រង្វាន់ឧបត្ថម្ភចំនួនបួនពាន់ដុល្លារអាមេរិក។
លក្ខខណ្ឌនៃការជ្រើសរើស ៖ មានសញ្ជាតិរបស់ប្រទេសសមាជិកស៊ីមេអូ, មានអាយុពី ១៨ ដល់៥៥ឆ្នាំ, មិនធ្លាប់ទទួលបានរង្វាន់ពីមជ្ឈមណ្ឌលស៊ីមេអូណាមួយ ក្នុងរយៈពេល ៣ឆ្នាំកន្លងមក។
បេក្ខជនដែលមានចំណាប់អារម្មណ៍ សូមចុចលើដំណរភ្ជាប់នេះ ដើម្បីទាញយកសំណើសុំដាក់ពាក្យ និងទទួលបានព័ត៌មានលម្អិតបន្ថែម។ បេក្ខជនត្រូវបញ្ជូនសំណើសុំដាក់ពាក្យរបស់ខ្លួនទៅកាន់អ៊ីមែល research@seameoseps.org ឱ្យបានត្រឹមថ្ងៃទី២៨ ខែកុម្ភៈ ឆ្នាំ២០២៥។
សូមជំរាបជូនថា មជ្ឈមណ្ឌលស៊ីមេអូ SEPS គឺជាមជ្ឈមណ្ឌលមួយក្នុងចំណោម ២៦មជ្ឈមណ្ឌលក្នុងតំបន់ នៃអង្គការរដ្ឋមន្រ្តីអប់រំអាស៊ីអាគ្នេយ៍ (SeAMEO)។ មជ្ឈមណ្ឌលនេះ ត្រូវបានបង្កើតឡើងកាលពីអំឡុងសន្និសីទក្រុមប្រឹក្សា SeAMEO លើកទី៤៩ ដែលប្រារព្ធធ្វើនៅទីក្រុងហ្សាកាតា ប្រទេសឥណ្ឌូនេស៊ី កាលពីខែកក្កដា ឆ្នាំ២០១៩ ហើយបានបង្កើតមូលដ្ឋាននៅទីក្រុងបាងកក ប្រទេសថៃ ដោយមានទស្សនវិស័យ លើកកម្ពស់ទស្សនវិជ្ជាសេដ្ឋកិច្ចគ្រប់គ្រាន់ (SEP) សម្រាប់ការអភិវឌ្ឍប្រកបដោយចីរភាព៕
