ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជំងឺសុបិនអាក្រក់ (Nightmares disorder) គឺជាជំងឺ នៃការគេង ដែលមនុស្សម្នាក់ជួបប្រទះ សុបិនដ៏គួរឱ្យខ្លាច ឬរំខានខ្លាំង ដែលត្រូវបានកំណត់ថា ជាសុបិនអាក្រក់ ធ្វើឱ្យបុគ្គលម្នាក់នោះភ្ញាក់ពីដំណេកភ្លាមៗ។
មនុស្សភាគច្រើន សុទ្ធតែមានបទពិសោធន៍ក្នុងជីវិតរបស់ខ្លួន ក្នុងការជួបសុបិនអាក្រក់យ៉ាងហោចណាស់ម្ដង ប៉ុន្តែនៅពេលដែលសុបិនអាក្រក់កើតឡើងជាទៀងទាត់ វាអាចត្រូវបានអ្នកជំនាញចាត់ទុកថា ជាជំងឺដែលត្រូវព្យាបាល។
ជំងឺសុបិនអាក្រក់ ត្រូវបានគេចាត់ទុកថា ជាជំងឺ parasomnia ដែលជាប្រភេទជំងឺនៃការគេង ដែលរំខានដល់ដំណេករបស់មនុស្ស ដោយបង្កើតបទពិសោធន៍មិនធម្មតា និងមនុស្សគ្រប់គ្នាមិនចង់ជួប។
មូលហេតុដែលនាំឱ្យមានបញ្ហាសុបិនអាក្រក់ ឬលក្ខខណ្ឌផ្លូវចិត្តមួយចំនួន ដែលនាំឱ្យជំងឺសុបិនអាក្រក់ ដែលកត្តាទាំងនោះមានដូចជា ជំងឺបាក់ស្បាត (PTSD) ភាពតានតឹង របួសផ្លូវចិត្ត ការថប់បារម្ភ ជំងឺបាក់ទឹកចិត្ត ការចង់ធ្វើអត្តឃាត (Suicidality) និងជំងឺបុគ្គលិកលក្ខណៈ (Borderline Personality Disorder)។
ជំងឺសុបិនអាក្រក់ មានឥទ្ធិពលយ៉ាងខ្លាំងទៅលើគុណភាពនៃការគេង អារម្មណ៍ និងកម្រិតថាមពល។ ការភ្ញាក់ពីដំណេកជាប្រចាំនៅពាក់កណ្ដាលអធ្រាត្រ ហើយពិបាកត្រឡប់ចូលគេងវិញ នាំឱ្យប៉ះពាល់ដល់ទាំងបរិមាណ និងគុណភាពនៃការគេង។
ការគេង គឺជាទិដ្ឋភាពដ៏សំខាន់នៃជីវិត, វាជារបៀបដែលមនុស្សម្នាក់ បង្កើតថាមពលឡើងវិញ សម្រាប់រាងកាយ និងផ្លូវចិត្ត។ គុណភាពដំណេកខ្សោយ អាចនាំឱ្យមនុស្សម្នាក់ ប្រឈមនឹងហានិភ័យនៃបញ្ហារលាក ការអស់កម្លាំងរ៉ាំរ៉ៃ (fatigue) ការពិបាកចិត្ត និងជំងឺប្រចាំកាយរ៉ាំរ៉ៃ។
ការគេងមិនលក់ អាចបង្កផលវិបាកយ៉ាងខ្លាំងដល់គុណភាពជីវិត សុខុមាលភាព និងសុខភាពរបស់បុគ្គលម្នាក់ៗ ខណៈអារម្មណ៍ភ័យស្លន់ស្លោ ការថប់បារម្ភ និងការធា្លក់ទឹកចិត្ត ដែលមានទំនាក់ទំនងជាមួយសុបិនអាក្រក់ ជះឥទ្ធិពលយ៉ាងខ្លាំង ដល់គុណភាពនៃការរស់នៅ។
រឿងសំខាន់សម្រាប់អ្នកដែលកំពុងប្រឈមនឹងបញ្ហានេះ ត្រូវក្លាហានស្វែងរកជំនួយសមស្រប នៅពេលដែលសុបិនអាក្រក់ចាប់ផ្ដើមរំខានដល់គុណភាពជីវិត និងជីវភាពប្រចាំថ្ងៃរបស់គេ។
ចំពោះការព្យាបាល ជំងឺសុបិនអាក្រក់នេះ អាចព្យាបាលបានតាមរយៈឱសថ និងការប្រឹក្សាយោបល់ជាមួយអ្នកជំងឺផ្លូវចិត្ត៕
