ភ្នំពេញ – ឱកាសសិក្សាអាហារូបករណ៍ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតជាច្រើនកន្លែងសម្រាប់និស្សិតថ្នាក់អន្តរជាតិសិក្សានៅប្រទេសឥណ្ឌូនេស៊ី ឆ្នាំសិក្សា២០២៣ ។ អាហារូបករណ៍ផ្ដល់ជូនតាមរយៈកម្មវិធី Kemitraan Negara Berkembang (KNB) ឬ “the Development Countries Partnership” របស់សាធារណរដ្ឋឥណ្ឌូណេស៊ី ។

ដើម្បីដាក់ពាក្យស្នើអាហារូបករណ៍បេក្ខជនត្រូវទាញយកពាក្យ អាហារូបករណ៍ KNB (offering Letter) រួចបញ្ជូនពាក្យ និងឯកសារចាំបាច់ដូចជា លិខិតឆ្លងដែន វិញ្ញាបនបត្រសិក្សា និងប្រតិចារិកសិក្សាទៅកាន់ស្ថានទូតឥណ្ឌូនេស៊ី ឬស្ថានកុងស៊ុលឥណ្ឌូនេស៊ី ដើម្បីទទួលបានលិខិតអនុសាសន៍ បំពេញពាក្យស្នើសុំតាមរយៈ Online ។ បេក្ខជនដែលត្រូវបានជ្រើសរើសនឹងប្រកាសតាមរយៈបណ្ដាញផ្សព្វផ្សាយរបស់ស្ថានទូតឥណ្ឌូនេស៊ី ។

បេក្ខជនត្រូវមានតាមលក្ខខណ្ឌដូចជាមានសញ្ញាបត្រមធ្យមសិក្សាទុតិយភូមិ មានព្រឹត្តិបត្តិពិន្ទុតេស្តភាសាអង់គ្លេស TOEFL 80 ពិន្ទុ IELTS 6.0 TOEIC 700 លិខិតអនុសាសន៍ពីស្ថានទូត ឬកុងស៊ុលឥណ្ឌូនេស៊ី២ច្បាប់ លិខិតបញ្ជាក់សញ្ជាតិ លិខិតអនុសាសន៍ពីលោកគ្រូអ្នកគ្រូ មានអាយុក្រោម២៤ឆ្នាំ សម្រាប់ថ្នាក់បរិញ្ញាបត្រ និងមានអាយុក្រោម៣៥ឆ្នាំ និងសញ្ញាបត្របរិញ្ញាបត្រសម្រាប់ថ្នាក់បរិញ្ញាបត្រជាន់ខ្ពស់ ។ ថ្នាក់បណ្ឌិតបេក្ខជនមានអាយុមិនលើសពី៤០ឆ្នាំ មានសញ្ញាបត្របរិញ្ញាបត្រជាន់ខ្ពស់ លិខិតបញ្ជាក់ការសិក្សា (ស្រាវជ្រាវផ្សេងៗ) លិខិតអនុសាសន៍ពីសាស្ត្រាចារ្យដែលបានស្រាវជ្រាវ នៃសាកលវិទ្យាល័យ មានលិខិតគម្រោងសិក្សានៅប្រទេសឥណ្ឌូនេស៊ី(dissertation proposal) និងមានលិខិតតេស្តភាសាអង់គ្លេស TOEFL 90 ឬ IELTS 7.0 លិខិតអនុសាសន៍ពីស្ថានទូត ឬកុងស៊ុលឥណ្ឌូនេស៊ី២ច្បាប់ និងលិខិតបញ្ជាក់សញ្ជាតិ ។

បេក្ខជនដែលមានចំណាប់អារម្មណ៍ក្នុងការដាក់អាចធ្វើការដាក់ពាក្យ និងបំពេញតាមរយៈ https://knb.kemdikbud.go.id/ ។ ចាប់ទទួលពាក្យពីថ្ងៃផ្សាយដំណឹងរហូតដល់ថ្ងៃទី១៨ ខែកុម្ភៈ ឆ្នាំ២០២៣ ៕