ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បណ្ឌិត-អនុបណ្ឌិតពីកម្មវិធីអាហារូបករណ៍ Master-Ph.D or Ph.D Student Positions with Research Scholarship For AI Deep Learning Image Recognition(Fall 2024 Admission) សិក្សានៅសាកលវិទ្យាល័យជាតិ Chungbuk នៃប្រទេសកូរ៉េខាងត្បូង។ អាហារូបករណ៍ផ្ដល់ជូនការសិក្សាស្រាវជ្រាវអំពី Deep Learning AI and Image Recognition Algorithms ។
គុណវឌ្ឍសម្រាប់បេក្ខជនស្នើពាក្យសិក្សាអាហារូបករណ៍ ៖ បេក្ខជនត្រូវមានសញ្ញាបត្រថ្នាក់បរិញ្ញាបត្រ ឬបរិញ្ញាបត្រជាន់ខ្ពស់ (មុនថ្ងៃទី៣១ ខែសីហា ឆ្នាំ២០២៤), ជាបេក្ខជនដែលបានសិក្សាជំនាញពាក់ព័ន្ធដូចជា វិស្វកម្មអគ្គិសនី វិទ្យាសាស្ត្រកុំព្យូទ័រ ឬព័ត៌មាន និងទំនាក់ទំនង។ ជាមួយគ្នានេះ ត្រូវតែមានជំនាញស្រាវជ្រាវដ៏ល្អ និងការលើកទឹកចិត្តសម្រាប់ការទៅសិក្សាថ្នាក់បណ្ឌិត មាន GPA ខ្ពស់ និងមានចំណាត់ថ្នាក់ល្អក្នុងថ្នាក់រៀន ។
ជំនាញសិក្សា ៖ ជំនាញស្រាវជ្រាវដែលសិក្សាស៊ីជម្រៅ AI និងក្បួនដោះស្រាយការទទួលស្គាល់រូបភាព (Deep Learning AI and Image Recognition Algorithms) និងសិក្សាអំពី Object detection, tracking, segmentation algorithm with image processing។ ជាមួយគ្នានេះការសិក្សាអំពី CNN, GAN, RNN ដែលមានមូលដ្ឋានលើការបង្កើនប្រសិទ្ធភាព និងការបង្ហាប់បណ្តាញសរសៃប្រសាទជ្រៅ និងសិក្សាស៉ីជម្រៅអំពី ម៉ូដែល និងវិធីសាស្ត្រដោះស្រាយចក្ខុវិស័យកុំព្យូទ័រសម្រាប់ការបើកបរដោយស្វ័យប្រវត្តិ និងរោងចក្រឆ្លាតវៃ។
បេក្ខជនដែលមានចំណាប់អារម្មណ៍ក្នុងការដាក់ពាក្យអាចផ្ញើ Email ទៅកាន់ Prof.HyungWon Kim តាមរយៈ hwkim@cbnu.ac.kr ដោយភ្ជាប់ ប្រវត្តិរូបសង្ខេបដែលមានភ្ជាប់រូបថត(CV) ប្រវត្តិការសិក្សា ឯកសារស្រាវជ្រាវ។ លើសពីនេះត្រូវភ្ជាប់ជាមួយ ព្រឹត្តិបត្តិពិន្ទុ និងសញ្ញាបត្របញ្ជាក់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ (ប្រសិនបើមាន) លិខិតណែនាំចំនួន២ច្បាប់ពីសាស្ត្រាចារ្យ និង ទម្រង់ Online Application សម្រាប់ស្នើពាក្យទៅសាកលវិទ្យាល័យ។
អត្ថប្រយោជន៍ដែលបេក្ខជនទទួលបានពីអាហារូបករណ៍រួមមាន ការគាំទ្រថ្លៃសិក្សាពេញលេញ (ទាំងការស្រាវជ្រាវ) ថ្លៃស្នាក់នៅ និងការចំណាយផ្សេងៗមួយចំនួន។ សម្រាប់ព័ត៌មានបន្ថែមអាចទំនាក់ទំនងទៅកាន់ Prof.HyungWon Kim តាមរយៈ hwkim@cbnu.ac.kr ឬ MSIS Lab: https://msis.cbnu.ac.kr ។
ចាប់ទទួលពាក្យបីថ្ងៃផ្សាយដំណឹងរហូតដល់ថ្ងៃទី១០ ខែមេសា ឆ្នាំ២០២៤ ការដាក់ពាក្យសម្រាប់ Professor និងថ្ងៃទី១៩ ខែមេសា ឆ្នាំ២០២៤ សម្រាប់ការដាក់ពាក្យតាម online Application for CBNU Global Leader Scholarship ៕
