តើសិស្សប្រឡងធ្លាក់បាក់ឌុបមានជម្រើសអ្វីខ្លះ?

ភ្នំពេញ – ក្រោយការប្រឡងសញ្ញាបត្រមធ្យមសិក្សាទុតិយភូមិបានបញ្ចប់ មានបេក្ខជនមិនតិចនាក់នោះទេកំពុងតែមានអារម្មណ៍តានតឹង ខណៈកំពុងរង់ចាំលទ្ធផលប្រឡងដែលនឹងប្រកាសនៅចុងខែនេះ។ យ៉ាងណាក៏ដោយសម្រាប់អ្នកអប់រំនិយាយថា បេក្ខជនមិនគួរមានអារម្មណ៍តានតឹងពេកនោះទេ ពោលគឺការប្រឡងតែងតែមានជាប់ និងធ្លាក់ជារឿងធម្មតា ហើយថា ប្រសិនបើបេក្ខជនប្រឡងធ្លាក់ ក៏មិនមែនជាការកំណត់ថា វាជាបរាជ័យក្នុងជីវិតនោះឡើយ ។

លោកបណ្ឌិត យង់ ពៅ អគ្គលេខាធិការ នៃរាជបណ្ឌិត្យសភាកម្ពុជា មានប្រសាសន៍ថា បើទោះជាសិស្សានុសិស្សប្រឡងជាប់ ឬធ្លាក់បាក់ឌុប ក៏នៅតែមានឱកាសក្នុងវិថីជីវិតដូចគ្នា មានន័យថា សិស្សប្រឡងធ្លាក់ និងសិស្សប្រឡងជាប់ក៏អាចរៀនបណ្ដុះបណ្ដាលវិជ្ជាជីវៈបានដូចគ្នា ក្នុងនោះ សិស្សប្រឡងធ្លាក់អាចបន្តទៅរៀនថ្នាក់បរិញ្ញាបត្ររងនៅសាលកលវិទ្យាល័យបានផងដែរ។ លោកបន្តថា យុវជនប្រឡងជាប់ ឬធ្លាក់ ត្រូវចេះសម្លឹងមើលជំនាញវិជ្ជាជីវៈដែលស្របនឹងតម្រូវការសកល ក៏ដូចជាប្រទេសកម្ពុជា ការរីកចម្រើននៃសេដ្ឋកិច្ច ជាពិសេសសេដ្ឋកិច្ចក្នុងសម័យ៤.០ ដែលត្រូវការយុវជនមានជំនាញវិជ្ជាជីវៈពិតប្រាកដលើគ្រប់ជំនាញដើម្បីជួយសង្គម ក៏ដូចជាសេដ្ឋកិច្ចគ្រួសារផងដែរ។

លោកបណ្ឌិត យង់ ពៅ

“ប្រសិនបើយើងមានជំនាញវិជ្ជាជីវៈពិតប្រាកដ យើងដឹកនាំជីវិតរបស់យើងរុងរឿងល្អ ដឹកនាំសេដ្ឋកិច្ចប្រទេសជាតិកាន់តែរីកចម្រើន ដូច្នេះ ការមានជំនាញវិជ្ជាជីវៈច្បាស់លាស់ទើបជីវិតរឹងមាំ”

សម្រាប់លោក គីម ដារ៉ា ស្ថាបនិកសាលាបង្វឹក Start Up Community បន្ថែមថា ចំពោះសិស្សប្រឡងធ្លាក់បាក់ឌុបអាចមានជម្រើសដូចជា ទី១. រៀនឡើងវិញម្ដងទៀត គឺអាស្រ័យលើជំនាញដែលសិស្សចង់រៀននៅថ្ងៃអនាគត ដូចជា គ្រូពេទ្យ វិស្វកម្ម តម្រូវឱ្យសិស្សរៀនឡើងវិញ ដើម្បីឱ្យចេះច្បាស់មានមូលដ្ឋានក្នុងការចាប់យកជំនាញទាំងអស់នេះ, ទី២. រៀនជំនាញ មានន័យថា ប្រសិនបើសិស្សមិនចង់ធ្វើការងារដែលពិបាកៗនៅថ្ងៃអនាគត មិនត្រូវការវិភាគ ទាមទារការចំណាំ មិនគួររៀនឡើងវិញនាំឱ្យចខាតពេល ដោយគួរតែរៀនជំនាញ ដូចជា ជាងឡាន ជាងម៉ូតូ អ្នកកាត់ដេរសម្លៀកបំពាក់ អ្នកផាត់មុខ ធ្វើក្រចក ជាដើម។

– លោក គីម ដារ៉ា ស្ថាបនិកសាលាបង្វឹក Start Up Community

“ការប្រឡងធ្លាក់ឬជាប់ គឺជាការវាស់ស្ទង់សមត្ថភាព មិនមែនជាការបរាជ័យនៃជីវិត ព្រោះប្រឡងធ្លាក់ក៏ជាបទពីសោធន៍មួយនៃជីវិត ប្រឡងជាប់ក៏ជាបទពិសោធន៍មួយនៃជីវិត អ្វីដែលសំខាន់ត្រូវស្គាល់ពីខ្លួនឯងថាចង់បានអ្វី?”

លោក គីម ដារ៉ា បន្ថែមថា ប្រសិនសិស្សជ្រើសរើសធ្វើជាអ្នករៀនថ្នាក់ខ្ពស់ទៅមុខច្រើនទៀត ឬជ្រើសជំនាញដែលពិបាកទាក់ទងទៅនឹងវិទ្យាសាស្រ្ត គឺត្រូវរៀនឡើងវិញ ខំប្រឹងរៀនឡើងវិញឱ្យខ្លាំង ព្រោះបើយើងរៀនមែនទែនមួយឆ្នាំ ប្រសើរជាងរៀន១០ឆ្នាំដោយមិនយកចិត្តទុកដាក់។

គួរជម្រាបជូនថា លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ក្រសួងអប់រំបានកំណត់ប្រកាសនៅថ្ងៃទី២៧ ខែធ្នូ ឆ្នាំ២០២២ ពេលរសៀល សម្រាប់លទ្ធផលប្រឡងនៅរាជធានីភ្នំពេញ និងខេត្តកណ្តាល និងនៅថ្ងៃទី២៨ ខែធ្នូ ឆ្នាំ២០២២ សម្រាប់ខេត្តផ្សេងៗនៅទូទាំងប្រទេស៕

កញ្ញា វ៉ាន គីមសល់ | Ms. Van Kimsal

កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសសិក្សាជំនាញបច្ចេកទេសឥតបង់ថ្លៃ នៅវិទ្យាស្ថានពហុបច្ចេកទេសភូមិភាគតេជោសែនបាត់ដំបង

ព័ត៌មានអាហារូបករណ៍, ព្រឹត្តិការណ៍

• 26/12/2023

កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ប្រកាសជ្រើសរើសសិក្ខាកាមចូលសិក្សាជំនាញបច្ចេកទេសជាច្រើនកន្លែង នៅវិទ្យាស្ថាន...

អាហារូបករណ៍ជំនាញសំណង់ស៊ីវិល តាមរយៈកម្មវិធីអាហារូបករណ៍ផ្លូវមួយខ្សែក្រវ៉ាត់មួយ

ព័ត៌មានអាហារូបករណ៍, ព្រឹត្តិការណ៍

• 22/01/2025

តាមរយៈកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅរដ្ឋធានីប៉េកាំង សាធារណរដ្ឋប្រជាមានិតចិន បានសម្រេចផ្តល់អាហារូបករណ៍ផ្លូវមួយខ្សែក្រវ៉ាត់មួយ សម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...

ឱកាសសិក្សាអាហារូបករណ៍ Online សម្រាប់អ្នកសារព័ត៌មានផ្នែក AI ចំនួន១០០កន្លែង

ព័ត៌មានអាហារូបករណ៍, ព្រឹត្តិការណ៍

• 03/07/2024

ឱកាសសិក្សាអាហារូបករណ៍តាមរយៈ Online សម្រាប់អ្នកសារព័ត៌មានទាំងអស់ទូទាំងពិភពលោកសិក្សាបន្ថែមផ្នែក AI កម្មវិធី JournalismAI Academy...

ឱកាសសម្រាប់យុវជន និស្សិត ចូលរួមសិក្ខាសាលាពាក់ព័ន្ធនឹងកិច្ចការពាណិជ្ជកម្មនៅប្រទេសចិន

ព័ត៌មានអាហារូបករណ៍, ព្រឹត្តិការណ៍

• 26/06/2024

ដើម្បីចូលរួមអបអរសាទរឆ្នាំ នៃការផ្លាស់ប្តូរប្រជាជន និងប្រជាជនកម្ពុជា-ចិន ឆ្នាំ២០២៤ សមាគមទំនាក់ទំនងយុវជនកម្ពុជា-ចិន (CCYA) និងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន (ASCS)...

ឱកាសសិក្សាជំនាញ TVET ឥតគិតថ្លៃចំនួន ២១០កន្លែងនៅវិទ្យាស្ថានពហុបច្ចេកទេសតេជោសែន

ព័ត៌មានអាហារូបករណ៍, ព្រឹត្តិការណ៍

• 28/04/2023

ក្រោមគម្រោងកម្មវិធីធ្វើទំនើបកម្មប្រព័ន្ធអប់រំបណ្តុះបណ្តាលបច្ចេកទេស និងវិជ្ជាជីវៈឆ្នាំ២០២៣ វិទ្យាស្ថានជាតិពហុបច្ចេកទេសតេជោសែន ដែលជាគ្រឹះស្ថានអប់រំបណ្តុះបណ្តាល...

ឱកាសអាហារូបករណ៍សិក្សានៅប្រទេសអូស្ត្រាលី ពី Macquarie University International Scholarship សម្រាប់និស្សិតពីតំបន់អាស៊ាន

ព័ត៌មានអាហារូបករណ៍, ព្រឹត្តិការណ៍

• 30/12/2025

សាកលវិទ្យាល័យ Macquarie ដែលជាគ្រឹះស្ថានសិក្សាលំដាប់ថ្នាក់អន្តរជាតិមួយក្នុងប្រទេសអូស្ត្រាលី កំពុងប្រកាសផ្តល់អាហារូបករណ៍ Vice-Chancellor's International Scholarship សម្រាប់និស្សិតឆ្នើមមកពីបណ្តា...

អាហារូបករណ៍ China University of Petroleum ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 02/12/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅ China University of Petroleum សម្រាប់ឆ្នាំសិក្សា២០២៦ ពីកម្មវិធីអាហារូបករណ៍ China Scholarship Council (CSC)។