មន្ត្រីជាន់ខ្ពស់ក្រសួងអប់រំ ៖ ការបង្រៀនឱ្យសិស្សចេះត្រឹមតែទ្រឹស្ដី មិនទាន់គ្រប់គ្រាន់ទេ ប៉ុន្តែត្រូវបង្រៀនឱ្យសិស្សមានភាពវៃឆ្លាតក្នុងការត្រិះរិះពិចារណា និងសម្រេចចិត្ត

ក្នុងវេទិកាពិភាក្សាតុមូល ក្រោមប្រធានបទ «គរុកោសល្យទំនើប ដើម្បីលើកកម្ពស់បំណិនសតវត្សរ៍ទី២១ ឆ្ពោះទៅ PISA» អបអរសាទរទិវាគ្រូបង្រៀន ៥ តុលា ឆ្នាំ២០២៦ កាលពីពេលកន្លងទៅថ្មីៗនេះ លោកជំទាវបណ្ឌិត ឃួន វិច្ឆិកា អគ្គនាយក នៃអគ្គនាយកដ្ឋានបណ្តុះបណ្តាល និងវិក្រឹតការ បានមានប្រសាសន៍ថា ការបង្រៀនឱ្យសិស្សចេះត្រឹមតែទ្រឹស្ដីមិនទាន់គ្រប់គ្រាន់ទេ ចេះត្រឹមសម្រួលប្រភាគក៏មិនទាន់គ្រប់គ្រាន់ដែរ ប៉ុន្តែត្រូវបង្រៀនឱ្យសិស្សមានភាពវ័យឆ្លាតក្នុងការត្រិះរិះពិចារណា និងសម្រេចចិត្ត។

លោកជំទាវបណ្ឌិត ឃួន វិច្ឆិកា បញ្ជាក់បន្ថែមថា តាមរយៈសំណួរតេស្ត PISA អាចជួយធ្វើឱ្យសិស្សានុសិស្សមានការគិតត្រិះរិះពិចារណាបានស៊ីជម្រៅ។ លោកជំទាវថា អគ្គនាយកដ្ឋានបណ្តុះបណ្តាល និងវិក្រឹតការ មានតួនាទីចាំបាច់ និងសំខាន់នៅក្នុងការធ្វើយ៉ាងណាឱ្យគ្រូបង្រៀនគ្រប់រូប អាចអនុវត្តវិធីសាស្រ្តបង្រៀនដែលធ្វើយ៉ាងណាឱ្យសិស្សមានបំណិនក្នុងការគិត ក្នុងការត្រិះរិះពិចារណា ដែលមិនមែនគ្រាន់តែហ្វឹកហាត់ធ្វើលំហាត់ ហើយសម្រួលប្រភាគបាននោះទេ គឺទាមទារឱ្យមានវិធីសាស្រ្តបង្រៀនល្អៗ។

អគ្គនាយក នៃអគ្គនាយកដ្ឋានបណ្តុះបណ្តាល និងវិក្រឹតការ បញ្ជាក់ថា អ្វីដែលក្រសួងត្រូវធ្វើ គឺរៀបចំជាប្រព័ន្ធអេកូឡូស៊ីមួយ ដែលត្រូវតែអនុវត្តឱ្យបាននូវស្តង់ដារវិជ្ជាជីវៈគ្រូបង្រៀន, ការជំរុញឱ្យគ្រូបង្រៀនមានគុណវុឌ្ឍយ៉ាងហោចណាស់មានសញ្ញាបត្របរិញ្ញាបត្រ និងយកចំណេះដឹងមូលដ្ឋានទៅដឹកនាំសិស្សឱ្យមានការត្រិះរិះពិចារណា។ ទន្ទឹមគ្នានេះ  គ្រូបង្រៀនត្រូវមានបំណិនចេះប្រើប្រាស់ភាសាបរទេស ចេះប្រើប្រាស់បច្ចេកវិទ្យា និងអភិវឌ្ឍវិជ្ជាជីវៈជាប្រចាំ ដើម្បីឱ្យគ្រូបង្រៀនម្នាក់មានសមត្ថភាពពេញលេញ អាចប្រើប្រាស់វិធីសាស្រ្តបង្រៀននានា ទៅតាមស្ថានភាពខុសៗគ្នា មិនថាសិស្សនោះពូកែ ឬខ្សោយ ប៉ុន្តែបង្រៀនឱ្យសិស្សានុសិស្សមានសមត្ថភាពក្នុងការដោះស្រាយបញ្ហារស់នៅប្រចាំថ្ងៃ ដោយវ័យឆ្លាត និងបានល្អ។

លោកជំទាវបណ្ឌិត ឃួន វិច្ឆិកា បន្ថែមថា OECD បានបញ្ជាក់ដែរថា គ្រូបង្រៀន គឺជាចំណុចស្នូល គឺជាមនុស្សគន្លឹះក្នុងការនាំឱ្យសិស្សអាចដោះស្រាយបញ្ហាប្រកបដោយការត្រិះរិះពិចារណាបានក្នុងជីវភាពរស់នៅ។

ជាមួយគ្នានេះ លោកស្រី ជិន វិច្ឆិកា គ្រូបង្រៀន សាលាជំនាន់ថ្មី ព្រះយុគន្ធរ មានប្រសាសន៍ថា បច្ចុប្បន្ន គ្រូធ្វើការផ្លាស់ប្ដូរតួនាទីពីអ្នកផ្ទេរចំណេះដឹងទៅជាអ្នកសម្របសម្រួល មានន័យថា ប្រសិនបើគ្រូមានចំណេះដឹងត្រឹម​ ១០ គឺមិនអាចផ្ទេរចំណេះដឹងឱ្យសិស្ស ១១បានទេ ប៉ុន្តែបើគ្រូដើរតួជាអ្នកសម្របសម្រួល គាត់អាចបង្ហាញផ្លូវដល់សិស្សឱ្យសិស្សចេះពីរបៀបរៀន នោះសិស្សអាចចេះដល់ ៣០ ឬ១០០បាន។

លោកស្រី ជិន វិច្ឆិកា បញ្ជាក់ថា ចំពោះលទ្ធផលជាក់ស្ដែងរបស់សាលាជំនាន់ថ្មី ព្រះយុគន្ធរ គឺចាប់ផ្ដើមចេញពីគោលនយោបាយ វិទ្យាស្ថានបណ្ដុះបណ្ដាល និងការអនុវត្តកម្មវិធីសាលារៀនជំនាន់ថ្មី។​ លោកស្រី ជិន វិច្ឆិកា បន្តថា អ្វីដែលលេចចេញជាលទ្ធផលជាក់ស្ដែង ដែលសិស្សមានសមត្ថភាព គឺមិនមែនកើតឡើងដោយភាពចៃដន្យនោះទេ គឺកើតឡើងដោយការខិតខំប្រឹងប្រែងរបស់ក្រសួង របស់គណៈគ្រប់គ្រង និងភាគីពាក់ព័ន្ធគ្រប់ជាន់ថ្នាក់ទាំងអស់ គឺមានការចូលរួមទាំងអស់គ្នា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

មជ្ឈមណ្ឌលអន្តេវាសិកនិស្សិតនារីប្រកាសជ្រើសរើសនិស្សិតនារីទទួលបានការស្នាក់នៅបណ្ដោះអាសន្នឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 14/10/2024

តាមរយៈការគាំទ្រ និងលើកទឹកចិត្តដល់វិស័យអប់រំ ក្រសួងអប់រំ យុវជន និងកីឡា ប្រកាសជ្រើសរើសនិស្សិតនារីចំនួន១០៤នាក់...

អាហារូបករណ៍​ ​១០០​%​ ​រៀន​ជំនាញ វិស្វកម្ម​ឧស្សាហកម្ម​ ​១២០​កន្លែង​ ​នៅ​វិទ្យាស្ថាន​ជាតិ​ពហុ​បច្ចេកទេស​តេជោ​សែន

ព័ត៌មានអាហារូបករណ៍, ព្រឹត្តិការណ៍

• 01/09/2026

ក្រោមគម្រោងអភិវឌ្ឃន៍មុខជំនាញសម្រាប់សេដ្ឋកិច្ចនារពេលអនាគត (SFESDP) វិទ្យាស្ថានជាតិពហុបច្ចេកទេសតេជោសែន នឹងផ្តល់អាហារូបករណ៍កម្រិតសញ្ញាបត្រជាន់ខ្ពស់បច្ចេកទេស...

អាហារូបករណ៍ថ្នាក់ឧត្ដមសិក្សា៥០កន្លែងនៅវិទ្យាស្ថានអាហ្កា

ព័ត៌មានអាហារូបករណ៍, ព្រឹត្តិការណ៍

• 22/10/2024

ឱកាសសិក្សាអាហារូបករណ៍ចំនួន៥០កន្លែងនៅវិទ្យាស្ថានអាហ្កា (AGA) សិក្សាថ្នាក់ឧត្ដមសិក្សាពីកម្មវិធីអាហារូបករណ៍អភិសន្តិបណ្ឌិត ស សុខា។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ សម្រាប់ឆ្នាំសិក្សា២០២៤-២០២៥។

ឱកាសផ្លាស់ប្ដូរការសិក្សាទៅសាកលវិទ្យាល័យ Chulalongkorn នៃកម្មវិធី AMIS Programme

ព័ត៌មានអាហារូបករណ៍, ព្រឹត្តិការណ៍

• 24/01/2024

ឱកាសផ្លាស់ប្ដូរការសិក្សានៅសាកលវិទ្យាល័យ​Chulalongkorn នៃកម្មវិធី Asian International Mobility for Student និង The ASEAN University Network-ASEAN Credit Transfer ...

ឱកាស​សម្រាប់​សិស្ស​និស្សិត​កម្ពុជា បន្ត​ការ​សិក្សា​ថ្នាក់ឧត្តមសិក្សា​នៅប្រទេស​ចិន តាមរយៈអាហារូបករណ៍ China-ASEAN Digital Academy

ព័ត៌មានអាហារូបករណ៍, ព្រឹត្តិការណ៍

• 18/05/2026

សាធារណរដ្ឋ​ប្រជាមានិត​ចិន កំពុុង​​ប្រកាស​ផ្តល់​អាហារូបករណ៍​ដល់​និស្សិត​កម្ពុជាចំនួន ១០​ រូប ដើម្បី​ឱ្យ​ទៅ​បន្ត​ការ​សិក្សា​ថ្នាក់​បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើមុខជំនាញផ្សេងៗ នៅ Harbin Institute of Technolog

ក្រសួងអប់រំ ជ្រើសរើសនិស្សិតអាហារូបករណ៍​សិក្សាថ្នាក់បណ្ឌិតគ្រប់គ្រងអប់រំ និង​ឯកទេសកម្មវិធីសិក្សា ចំនួន១៥កន្លែង

ព័ត៌មានអាហារូបករណ៍, ព្រឹត្តិការណ៍

• 22/08/2023

ក្រសួងអប់រំ យុវជន និងកីឡា ប្រកាសជ្រើសរើសនិស្សិតសិក្សាអាហារូបករណ៍ថ្នាក់បណ្ឌិតគ្រប់គ្រងអប់រំ ជំនាន់ទី៤ និងថ្នាក់បណ្ឌិតអប់រំឯកទេសកម្មវិធីសិក្សា និងវិធីសាស្ត្របង្រៀនជំនាន់ទី...

អាហារូបករណ៍ Eric Bleumink ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Groningen ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 31/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGroningen ពីកម្មវិធីអាហារូបករណ៍ Eric Bleumink នៃប្រទេសហូឡង់ឆ្នាំសិក្សា២០២៤-២០២៥...

មជ្ឈមណ្ឌល​បណ្តុះបណ្តាលវិជ្ជាជីវៈ​ខេត្ត​ប៉ៃលិន ផ្តល់ការ​រៀន​ជំនាញឥតបង់ថ្លៃ ១០០%

ព័ត៌មានអាហារូបករណ៍, ព្រឹត្តិការណ៍

• 08/08/2025

មជ្ឈមណ្ឌល​បណ្តុះបណ្តាល​វិជ្ជាជីវៈ​ខេត្តប៉ៃលិន បានប្រកាស​ជ្រើសរើស​យុវជន​មក​ពី​គ្រួសារ​ក្រីក្រ និង​គ្រួសារ​ងាយរងហានិភ័យ ឱ្យ​ចូលរៀន​ជំនាញវិជ្ជាជីវៈ​ដោយ​ឥតគិតថ្លៃ ហើយ​ថែមទាំង​អាច​ទទួល​បាន​ប្រាក់​ឧបត្ថម្ភ ជារៀងរាល់ខែថែមទៀត...

អាហារូបករណ៍ ​SHE-CAN ប្រកាសបើកទទួលពាក្យសម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 09/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រ នៅសហរដ្ឋអាមេរិកសម្រាប់ឆ្នាំសិក្សា២០២៦ ពីកម្មវិធីអាហារូបករណ៍ SHE-CAN ដោយ​អាហារូបករណ៍ SHE-CAN ចាប់បើកទទួលពាក្យស្នើសុំអាហារូបករណ៍ សម្រាប់និស្សិតស្ត្រី ដើម្បីលើកកម្ពស់ជីវភាព...