ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការសិក្សាដោយមានផលិតភាពខ្ពស់គឺជាកត្តាសំខាន់ដែលនឹងជួយឱ្យអ្នកទទួលបានលទ្ធផលល្អ និងសម្រេចគោលដៅនៃការសិក្សារបស់អ្នក។ ខាងក្រោមនេះគឺជាគន្លឹះមួយចំនួនដែលអាចជួយអ្នកដើម្បីបង្កើនផលិតភាពក្នុងការសិក្សា ៖
១. រៀបចំផែនការសិក្សាច្បាស់លាស់ ៖ ការរៀបចំផែនការសិក្សាឱ្យមានប្រសិទ្ធភាព អាចជួយអ្នករៀនបានលឿន និងមានផលិតភាពខ្ពស់, អ្នកអាចកំណត់គោលដៅសិក្សាប្រចាំថ្ងៃ/សប្តាហ៍ ដោយបែងចែកពេលវេលាជាបណ្តុំខ្លីៗ (ឧ. ២៥-៣០ នាទី) ហើយធ្វើការសម្រាកខ្លីៗក្នុងពេលសិក្សា។ ក្នុងនោះក៏ត្រូវកំណត់អាទិភាពសម្រាប់មុខវិជ្ជា ឬប្រធានបទដែលត្រូវរៀនផងដែរ។
២. បង្កើតបរិយាកាសសិក្សាល្អ ៖ កន្លែងសិក្សាដែលមានបរិយាកាសល្អ អាចធ្វើឱ្យអ្នកផ្ដោតក្នុងការរៀនជាងមុន។ ព្យាយាមប្រើកន្លែងសិក្សាដោយស្ងប់ស្ងាត់ នេះមានន័យថា អ្នកគួរតែជៀសវាងការញ៉ាំអាហារ ឬទូរស័ព្ទទៅកាន់មិត្តភ័ក្តិរបស់អ្នក ឬធ្វើអ្វីផ្សេងទៀតដែលមិនទាក់ទងនឹងការរៀននៅក្នុងកន្លែងនោះ។
៣. ប្រើប្រាស់វិធីសិក្សាដែលមានប្រសិទ្ធភាព ៖ អ្នកអាចប្រើបច្ចេកទេស Pomodoro (២៥នាទីសិក្សា + ៥នាទីសម្រាក), ធ្វើសេចក្តីសង្ខេប ឬគំនូសចិត្តការ (Mind Map), បង្កើនការចងចាំតាមរយៈការធ្វើលំហាត់ និងពិនិត្យខ្លួនឯង, បង្កើតការតភ្ជាប់រវាងចំណេះថ្មីនិងចំណេះដឹងដែលមានពីមុន។
៤. រក្សាសុខភាពឱ្យបានល្អ ៖ ការថែរក្សាសុខភាពឱ្យបានល្អ គឺមានសារៈសំខាន់ណាស់ ដូច្នេះ សូមគេងឱ្យបានគ្រប់គ្រាន់ (៧-៨ម៉ោង/ថ្ងៃ), កុំភ្លេចហាត់ប្រាណជាប្រចាំ, ញ៉ាំអាហារដែលមានជីវជាតិ និងអាហារូបត្ថម្ភ ហើយសំខាន់បំផុត គឺសូមផឹកទឹកឱ្យបានគ្រប់គ្រាន់។
៥. កាត់បន្ថយការរំខាន ៖ ដកឧបករណ៍ ឬរឿងដែលបង្កការរំខានណាមួយចេញពីកន្លែងសិក្សារបស់អ្នក។ ដើម្បីបន្តផ្តោតលើកិច្ចការដែលនៅនឹងដៃ សូមដាក់ទូរស័ព្ទរបស់អ្នកនៅក្នុងបន្ទប់ផ្សេង ឬបិទវាចោល។ កំណត់ពេលវេលាសម្រាប់ប្រើបណ្តាញសង្គម និងកម្មវិធីបំពេញការ, ប្រើកម្មវិធីដូចជា Forest, Focus To-Do ដើម្បីជួយឱ្យមានការផ្តោតអារម្មណ៍។ ប្រាប់មិត្តភក្តិ និងគ្រួសារអំពីពេលវេលាសិក្សារបស់អ្នក៕
