ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – នាយកសាលាល្អ គឺជាអ្នកដឹកនាំល្អចូលរួមអភិវឌ្ឍវិស័យអប់រំ និងគ្រប់គ្រងការបណ្ដុះបណ្ដាលធនធានមនុស្សប្រកបដោយប្រសិទ្ធភាព។ ទន្ទឹមគ្នានេះ ការកសាងចក្ខុវិស័យសាលារៀន ការបង្កើតចំណុចគោលដៅសាលារៀន ការបង្កើតវប្បធម៌ និងបរិយាកាសសាលារៀនមានផលិតភាព ការដឹកនាំការរៀន និងបង្រៀន ការយកចិត្តទុកដាក់ដល់លទ្ធផលសិក្សារបស់សិស្ស និងការពង្រឹងសមត្ថភាពរបស់ខ្លួនឯងជាប្រចាំ ជាលក្ខណសម្បត្តិរបស់នាយកសាលាល្អដែលត្រូវតែមាន។
បើតាមប្រសាសន៍លើកឡើងរបស់ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្រ្តីក្រសួងអប់រំ យុវជន និងកីឡា ក្នុងទិវាអបអរទិវាគ្រូបង្រៀន ៥ តុលា ឆ្នាំ២០២២ បានលើកឡើងពីលក្ខណៈសម្បត្តិ ១២ចំណុចរបស់នាយកសាលាល្អ ដោយរួមមាន៖
ទី១- ការកសាងចក្ខុវិស័យសាលារៀន។
ទី២- ការបង្កើតចំណុចដៅសាលារៀន ការដាក់ចេញក្តីរំពឹងទុកខ្ពស់ និងការបែងចែកភារកិច្ចច្បាស់លាស់ ដោយធ្វើការងារជាក្រុម (ការរៀបចំផែនការសាលារៀន ការអនុវត្តការងារ និងត្រួតពិនិត្យអង្គភាព ការគ្រប់គ្រង និងវិភាគទិន្នន័យ ក្នុងគោលដៅបំពេញការងារ ធានាបាននូវការកែលម្អជាប្រចាំនៅក្នុងសាលារៀន)។
ទី៣- ការបង្កើតវប្បធម៌ និងបរិយាកាសសាលារៀនមានផលិតភាព និងគាំទ្រដល់ការរៀន និងបង្រៀន (ការកំណត់ឧត្តមានុភាពនិងតម្លៃជាមូលដ្ឋានរបស់អង្គភាព ការលើកទឹកចិត្តឱ្យបុគ្គលិកសួរសំណួរ និងការរៀបចំប្រជុំជាប្រចាំ ដើម្បីលើកកម្ពស់ការផ្តល់មតិយោបល់ និងចែករំលែកការឆ្លុះបញ្ចាំង)។
ទី៤- ការផ្តល់ធនធានប្រកបដោយយុទ្ធសាស្ត្រត្រឹមត្រូវ និងប្រើប្រាស់ធនធានប្រកបដោយប្រសិទ្ធភាពខ្ពស់។
ទី៥- ការដឹកនាំការរៀន និងបង្រៀន ប្រកបដោយគុណភាព សំដៅលើការលើកកម្ពស់ នវានុវត្តន៍ខាងផ្នែកបញ្ញា, ការអនុវត្តវិធីសាស្ត្របង្រៀនថ្មី ការគាំទ្រជាបុគ្គល, ការពង្រឹងក្រុមបច្ចេកទេស ដែលជួយគាំទ្រដល់សហគមន៍វិជ្ជាជីវៈគ្រូបង្រៀន ដែលជួយគ្រូរៀនសូត្រពីគ្នាទៅវិញទៅមក ផ្លាស់ប្តូរបទពិសោធ និងវិធីសាស្ត្រថ្មីៗ និងពង្រឹងកិច្ចសហការរវាងគ្រូ។ ការរៀនសូត្រពីសាលាល្អផ្សេងទៀត ការផ្លាស់ប្តូរបទពិសោធជាមួយគ្រូផ្សេងទៀត ការសម្របសម្រួលខ្លួនទៅនឹងការផ្លាស់ប្តូរនៃបរិស្ថាន ការផ្លាស់ប្តូរគោលដៅ នីតិវិធី កម្មវិធីសិក្សា និងដឹកនាំបុគ្គលិក ដើម្បីសម្រេចបានតាមគោលដៅ។
ទី៦- ការយកចិត្តទុកដាក់ដល់លទ្ធផលសិក្សារបស់សិស្ស។
ទី៧- ការពង្រឹងសមត្ថភាពរបស់ខ្លួនឯងជាប្រចាំ ការពង្រឹងសមត្ថភាព ស្ថាប័នរបស់សាលារៀន និងសមត្ថភាពដឹកនាំរបស់គ្រូ ដោយការគាំទ្រ និងលើកទឹកចិត្តដល់ការអភិវឌ្ឍវិជ្ជាជីវៈ ការលើកកម្ពស់បំណិនរបស់គ្រូបង្រៀន។
ទី៨- ការបង្កើតទំនាក់ទំនងល្អជាមួយតួអង្គផ្សេងទៀតក្នុងប្រព័ន្ធអប់រំ ដូចជា សហគមន៍នាយកសាលា (Community of Practitioners) ការិយាល័យអប់រំស្រុក មន្ទីរអប់រំ និងក្រសួងអប់រំ ដើម្បីបង្កើតវប្បធម៌នៃការកែលម្អ តាមរយៈការចែករំលែកបទពិសោធ នៅក្នុងប្រព័ន្ធបណ្តាញសង្គម និងការចូលរួមក្នុងសិក្ខាសាលា និងសន្និសីទផ្សេងៗ ការជួយដល់សាលាផ្សេងទៀត។
ទី៩- ការរៀបចំបរិស្ថានសាលារៀនឱ្យបានល្អ និងមានសុវត្ថិភាព។
ទី១០- ការធានានូវការចូលរួមក្នុងការសម្រេចចិត្ត ការទទួលស្គាល់ ការពិគ្រោះយោបល់ និងដោះស្រាយវិវាទ ដោយផ្តោតលើការកែលម្អទំនាក់ទំនងជួយមនុស្ស សហការ ធ្វើការជាក្រុម និងបង្កើតឱ្យបុគ្គលិក ស្រទ្បាញ់ និងខំធ្វើការបម្រើអង្គភាព។
ទី១១- ការផ្តោតលើការកែលម្អ និងផ្លាស់ប្តូរ ការតាមដាន និងវាយតម្លៃព្រឹត្តិការណ៍ខាងក្រៅ ដាក់ចេញជាទស្សនវិស័យ ស្នើកម្មវិធី និងជម្រើសផ្សេងទៀត ត្រៀមរៀបចំការផ្លាស់ប្តូរ និងបង្កើតក្រុមគាំទ្រ និងអនុវត្តការផ្លាស់ប្តូរ។
ទី១២- ការបង្កើតទំនាក់ទំនងល្អជាមួយមាតាបិតា សហគមន៍ និងភាគីពាក់ព័ន្ធទាំងអស់៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
គន្លឹះក្នុងការសរសេរលិខិតអនុសាសន៍អាហារូបករណ៍
ព័ត៌មានអាហារូបករណ៍, ព្រឹត្តិការណ៍
• 11/09/2023
លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងការរៀបរាប់ដោយសង្ខេប...
វិទ្យាស្ថានពហុបច្ចេកទេសខេត្តកំពង់ឆ្នាំងបន្តជ្រើសរើសសិក្ខាកាមចូលរៀនជំនាញវិជ្ជាជីវៈដោយឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 24/06/2025
ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស របស់រាជរដ្ឋាភិបាល
វិទ្យាស្ថានពហុបច្ចេកទេសភូមិភាគតេជោសែនបាត់ដំបង ផ្តល់អាហារូបករណ៍សម្រាប់សិក្សាជំនាញបច្ចេកទេស និងវិជ្ជាជីវៈ ចំនួន ៦៣៣០នាក់
ព័ត៌មានអាហារូបករណ៍, ព្រឹត្តិការណ៍
• 17/11/2023
ជាឱកាសល្អសម្រាប់ យុវជន យុវតី សិស្ស និស្សិត ដែលចង់សិក្សាជំនាញបច្ចេកទេស និងវិជ្ជាជីវៈ ពេលនេះ វិទ្យាស្ថានពហុបច្ចេកទេសភូមិភាគតេជោសែនបាត់ដំបង ...
មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ផ្តល់ការសិក្សាជំនាញពេញនិយមចំនួន១១ឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 05/09/2024
ជាឱកាសសម្រាប់យុវជន ក៏ដូចជាបងប្អូនប្រជាពលរដ្ឋរស់នៅខេត្តកែប ដែលមានបំណងចង់ទទួលបានជំនាញពិតប្រាកដមួយសម្រាប់ជីវិត ពេលនេះមជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ប្រកាសជ្រើសរើសសិក្ខាកាមឱ្យចូលរៀនដោយឥតគិតថ្លៃ ទៅលើជំនាញចំនួន១១។
អាហារូបករណ៍នៅសាកលវិទ្យាល័យ Zhejiang Normal ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 03/12/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ Zhejiang Normal នៃសាធារណរដ្ឋប្រជាមានិតចិន សម្រាប់ឆ្នាំសិក្សា២០២៦ ពីកម្មវិធីអាហារូបករណ៍រដ្ឋាភិបាលចិន CSC Type B។
វិទ្យាស្ថានជាតិវិជ្ជាជីវៈបាត់ដំបង ផ្តល់អាហារូបករណ៍ដល់យុវជន៣៦០នាក់រៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 26/04/2024
វិទ្យាស្ថានជាតិវិជ្ជាជីវៈខេត្តបាត់ដំបង បានប្រកាសដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ដែលមានបំណងចង់រៀនជំនាញវិជ្ជាជីវៈ ឱ្យប្រញាប់ចុះឈ្មោះចូលរៀន ដោយក្នុងឆ្នាំ២០២៣-២០២៤នេះ...
ក្រសួងប្រៃសណីយ៍ និងទូរគមនាគមន៍ ជ្រើសរើសនិស្សិត ២៥នាក់ ទៅសិក្សាថ្នាក់បរិញ្ញាបត្រជាន់ខ្ពស់ជំនាញផ្កាយរណប និងលំហអាកាស
ព័ត៌មានអាហារូបករណ៍, ព្រឹត្តិការណ៍
• 29/04/2026
ស្របតាមគោលនយោបាយរបស់រាជរដ្ឋាភិបាល នីតិកាលទី៧ និងក្នុងគោលដៅរួមចំណែកកសាង និងអភិវឌ្ឍធនធានមនុស្សនៅកម្ពុជា ជាពិសេសការផ្តល់អាទិភាពលើការបណ្តុះបណ្តាលជំនាញវិស្វកម្មទូរគមនាគមន៍ពាក់ព័ន្ធ...
វគ្គបណ្តុះបណ្តាលភាពយន្តខ្លីកម្ពុជា២០២៥ បើកទទួលពាក្យ
ព័ត៌មានអាហារូបករណ៍, ព្រឹត្តិការណ៍
• 05/06/2025
ក្រោមគំនិតផ្តួចផ្តើមរបស់ក្រសួងវប្បធម៌ និងវិចិត្រសិល្បៈ ដែលមានគោលបំណងចូលរួមចំណែកក្នុងការធ្វើឱ្យប្រសើរឡើងនូវវិស័យឧស្សាហកម្មភាពយន្តកម្ពុជា ដោយធ្វើការកសាងសមត្ថភាព ពង្រឹងជំនាញ និងបង្កើតឱកាសសម្រាប់យុវជន...
វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍រៀនជំនាញបច្ចេកទេស ៦៥៥នាក់ សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 28/11/2024
ជាឱកាសសម្រាប់សិស្សដែលទើបប្រឡងបាក់ឌុបរួច ក៏ដូចជាយុវជនចង់ស្វែងរកជំនាញប្រចាំជីវិត សម្រាប់ឆ្នាំសិក្សា២០២៤-២០២៥នេះ វិទ្យាស្ថានពហុបច្ចេកទេសខេត្តកំពង់ឆ្នាំង បានប្រកាសពីការផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ...
កម្មវិធីពិសេសរបស់ AMS EDUCATION
ព័ត៌មានសង្ខេប
