ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាជំនាញវិជ្ជាជីវៈដោយឥតគិតថ្លៃ ថ្នាក់សញ្ញាបត្របច្ចេកទេស និងវិជ្ជាជីវៈ១ នៅវិទ្យាស្ថានពហុបច្ចេកទេសខេត្តកំពង់ឆ្នាំង សម្រាប់វគ្គសិក្សាថ្មី។ ការសិក្សាផ្ដល់ឱ្យក្រោមកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស របស់រាជរដ្ឋាភិបាល TVET ១.៥លាននាក់។
ជំនាញដែលកម្មវិធីផ្ដល់ឱ្យរួមមាន ៖ ការដំឡើង និងអនុវត្តបច្ចេកវិទ្យាឌីជីថល (ជំនាញកុំព្យូទ័រ), ការរចនាក្រាហ្វិកដោយកុំព្យូទ័រ ការថែទាំ និងជួសជុលរថយន្ត សេវាកម្មបរិក្ខាត្រជាក់ក្នុងគេហដ្ឋាន ការថែទាំ និងជួសជុលម៉ូទ័រអគ្គិសនី ការដំឡើងបណ្ដាញអគ្គិសនី ការដំឡើងបណ្ដាញអគ្គិសនីក្នុងអគារ សេវាកម្មសម្អាងកាយ ការថែទាំ និងជួសជុលម៉ូទ័រអគ្គិសនី។
មជ្ឈមណ្ឌលបណ្ដុះបណ្ដាល ជ្រើសរើសសិក្ខាកាមជាច្រើននាក់ សម្រាប់សិក្សាវេន ចន្ទ-សុក្រ (ព្រឹក-រសៀល) ចន្ទ-សុក្រ(យប់) និងវេន សៅរ៍-អាទិត្យ។
លក្ខខណ្ឌនៃការជ្រើសរើស ៖ មានអាយុចាប់ពី១៥ឆ្នាំឡើងទៅ មានអត្តសញ្ញាណបណ្ណសញ្ជាតិខ្មែរ ឬសំបុត្រកំណើត ជាបេក្ខជនដែលបោះបង់ការសិក្សាព្រោះបញ្ហាជីវភាព ឬកត្តាផ្សេងៗ មិនទាន់មានជំនាញ និងបេក្ខជនទូទៅដែលមានចំណាប់អារម្មណ៍ក្នុងការរៀនជំនាញ។ សម្រាប់យុវជនមកពីគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនថាយរងហានិភ័យទទួលបានការសិក្សាដោយឥតគិតថ្លៃ និងទទួលបានប្រាក់ឧបត្ថម្ភប្រចាំខែ២៨ម៉ឺនរៀលក្នុងមួយខែ។
សម្រាប់ព័ត៌មានបន្ថែម បេក្ខជនអាចទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំង ដែលមានទីតាំងនៅភូមិក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាប់មន្ទីរអប់រំ យុវជន និងកីឡាខេត្តកំពង់ឆ្នាំង។ អាចទំនាក់ទំនងទៅកាន់ ០១២ ៤៧៤ ៣៤១/ ០១០ ៥៤៦ ១៧៧។
ចាប់ទទួលពាក្យពីថ្ងៃផ្សាយដំណឹងតទៅ៕
