វិទ្យាស្ថានពហុបច្ចេកទេស​ខេត្តកំពង់ឆ្នាំង ផ្តល់អាហារូបករណ៍​រៀនជំនាញបច្ចេកទេស ៦៥៥នាក់ សម្រាប់ឆ្នាំសិក្សា​២០២៤-២០២៥

ជាឱកាស​សម្រាប់​សិស្សដែល​ទើបប្រឡងបាក់ឌុបរួច ក៏​ដូចជាយុវជន​ចង់ស្វែង​រកជំនាញប្រចាំជីវិត សម្រាប់ឆ្នាំ​សិក្សា​២០២៤-២០២៥នេះ វិទ្យាស្ថានពហុបច្ចេកទេស​ខេត្តកំពង់ឆ្នាំង បានប្រកាស​ពីការ​ផ្តល់អាហារូបករណ៍​សិក្សា​ជំនាញ​បច្ចេកទេស និង​វិជ្ជាជីវៈ​ឥតគិតថ្លៃសរុបចំនួន ៦៥៥នាក់ ក្នុងនោះថ្នាក់បរិញ្ញាបត្រ​រង ចំនួន១២០នាក់ ថ្នាក់សញ្ញាបត្របច្ចេកទេស និង​វិជ្ជាជីវៈ ២ ចំនួន១៥០នាក់ និងថ្នាក់សញ្ញាបត្រ​បច្ចេកទេស និង​វិជ្ជាជីវៈ១ ចំនួន៣៨៥នាក់។

សម្រាប់ការ​សិក្សាថ្នាក់សញ្ញាបត្រជាន់ខ្ពស់បច្ចេកទេស ឬ បរិញ្ញាបត្ររង សិក្សា​រយៈពេល ២ឆ្នាំ អាហារូបករណ៍ផ្តល់ជូន​ចំនួន៤ រួមមាន ជំនាញព័ត៌មានវិទ្យា ចំនួន៣០នាក់, ជំនាញយន្តសាស្រ្តរថយន្ត ចំនួន៣០នាក់, ជំនាញបរិក្ខារត្រជាក់ ចំនួន ៣០នាក់ និង ជំនាញ​អគ្គិសនី ចំនួន៣០នាក់។ លក្ខខណ្ឌចូលរៀន គឺសម្រាប់​សិស្ស​ប្រឡង​ជាប់ ឬធ្លាក់សញ្ញាបត្រមធ្យមសិក្សា​ទុតិយភូមិ (ជាប់ ឬធ្លាក់ថ្នាក់ទី១២), ចូលរៀន​ថ្ងៃទី១ ខែកុម្ភៈ ឆ្នាំ២០២៥។

ថ្នាក់សញ្ញាបត្របច្ចេកទេស និង​វិជ្ជាជីវៈ២ (C2) សិក្សា​រយៈពេល ១ឆ្នាំ (វគ្គសៅរ៍-អាទិត្យ) អាហារូបករណ៍ផ្តល់ជូនជំនាញចំនួន៥ រួមមាន ការរចនាក្រាហ្វិក​ដោយកុំព្យូទ័រ ៣០នាក់, សេវាកម្មកុំព្យូទ័រ ៣០នាក់, ការថែទាំ និង​ជួសជុលរថយន្ត ៣០នាក់, សេវាកម្មបរិក្ខា​ត្រជាក់ក្នុងគេហដ្ឋាន ៣០នាក់ និង​ការ​ដំឡើង​បណ្តាញអគ្គិសនី​ក្នុងអគារ ៣០នាក់។ លក្ខខណ្ឌចូលរៀន សម្រាប់​សិស្ស​បាន​បញ្ចប់វគ្គសញ្ញាបត្រ​បច្ចេកទេស និងវិជ្ជាជីវៈ១ ឬវគ្គ ១.៥លាននាក់, ចូលរៀន​ថ្ងៃទី១ ខែកុម្ភៈ ឆ្នាំ២០២៥។

ថ្នាក់សញ្ញាបត្រ​បច្ចេកទេស និងវិជ្ជាជីវៈ១ សិក្សា​រយៈពេល ៤ខែ (វគ្គចន្ទ-សុក្រ) អាហារូបករណ៍ផ្តល់ជូនជំនាញចំនួន៦ រួមមាន ការថែទាំ និង​ជួសជុល​អគ្គិសនីរថយន្ត ៣៥នាក់, សេវាកម្មបរិក្ខារត្រជាក់ក្នុងគេហដ្ឋាន ៣៥នាក់, ការដំឡើង និងអនុវត្ត​បច្ចេកវិទ្យាឌីជីថល ៧០នាក់, ការថែទាំ និងជួសជុលម៉ូទ័រអគ្គិសនី ៣៥នាក់, ការដំឡើងបណ្តាញ​អគ្គិសនីក្នុងអគារ ៣៥នាក់ និង​សេវាកម្មសម្អាងកាយ ៣៥នាក់។ សម្រាប់ការ​សិក្សា​រយៈពេល ៨ខែ (វគ្គយប់ ចន្ទ-សុក្រ) អាហារូបករណ៍ផ្តល់ជូនជំនាញ ៤ រួមមាន សេវាកម្មបរិក្ខារត្រជាក់​ក្នុងគេហដ្ឋាន ៣៥នាក់, ការថែទាំ និងជួសជុល​ម៉ូទ័រអគ្គិសនី ៣៥នាក់, ការថែទាំ និងជួសជុល​ម៉ាស៊ីន​ត្រជាក់រថយន្ត ៣៥នាក់ និង​ការកែច្នៃបន្លែ និងផ្លែឈើ ៣៥នាក់។

លក្ខខណ្ឌក្នុងការ​ចូលរៀនថ្នាក់សញ្ញាបត្រ​បច្ចេកទេស និងវិជ្ជាជីវៈ១ សិស្សត្រូវមានអាយុចាប់ពី១៥ឆ្នាំឡើងទៅ, សម្រាប់យុវជន​ដែល​មក​ពី​គ្រួសារមានបណ្ណក្រីក្រ១ និង២ ឬ​បណ្ណសម្គាល់ជនងាយរងហានិភ័យ​ទទួលបានការសិក្សាដោយ​មិនបង់ថ្លៃ និង​បានប្រាក់ឧបត្ថម្ភ ២៨ម៉ឺនរៀល​ក្នុង១ខែ, សម្រាប់យុវជនទូទៅ​ដែលមិន​មែន​ជា​និស្សិត​កំពុង​សិក្សា​នៅគ្រឹះស្ថាន​សិក្សា ទទួលបានការសិក្សា​ដោយ​ឥតគិតថ្លៃ។ ចូលរៀន​នៅថ្ងៃទី១ ខែមករា ឆ្នាំ២០២៥។

ការចែក និងទទួលពាក្យ​ចូលរៀន ចាប់ពីថ្ងៃផ្សាយ​ដំណឹងនេះតទៅ ហើយ​សម្រាប់ព័ត៌មានបន្ថែម សូមទំនាក់ទំនង​ទៅកាន់វិទ្យាស្ថាន​ពហុបច្ចេកទេស​ខេត្តកំពង់ឆ្នាំង ដែលមានទីតាំង​ស្ថិតនៅ​ភូមិ​ទួល​ក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ជាប់មន្ទីរអប់រំ​យុវជន និងកីឡាខេត្តកំពង់ឆ្នាំង ឬអាចទំនាក់ទំនងទៅកាន់ទូរស័ព្ទលេខ ០១២ ៤៧៤ ៣៤១ / ០១៥ ៩៤០ ៤២០៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ភាសាចិនរយៈពេល១ឆ្នាំ នៅ​សាកលវិទ្យាល័យ Yunnan Normal

ព័ត៌មានអាហារូបករណ៍, ព្រឹត្តិការណ៍

• 18/03/2026

សមាគម​និស្សិត​កម្ពុជា​ប្រចាំ​សាធារណរដ្ឋប្រជាមានិតចិន ប្រកាស​ពីការផ្តល់អាហារូបករណ៍​ដល់និស្សិត​ចំនួន ៣០នាក់ សម្រាប់ការ​បណ្តុះបណ្តាល​ភាសាចិន​រយៈពេល១ឆ្នាំ នៅសាកលវិទ្យាល័យ Yunnan Normal ស្ថិត​នៅ​ទីក្រុង​គុនមីង

ឱកាស​សិក្សា​អាហារូបករណ៍​ថ្នាក់​បរិញ្ញាបត្រ​ចំនួន​១០កន្លែង នៅ​សាកលវិទ្យាល័យ ហេង សំរិន ត្បូងឃ្មុំ

ព័ត៌មានអាហារូបករណ៍, ព្រឹត្តិការណ៍

• 07/11/2024

អាហារូបករណ៍​ថ្នាក់​បរិញ្ញាបត្រ​ចំនួន​១០កន្លែង​សិក្សា​នៅ​សាកលវិទ្យាល័យ ហេង សំរិន ត្បូងឃ្មុំ សម្រាប់​ឆ្នាំ​សិក្សា​២០២៤-២០២៥។ អាហារូបករណ៍​ផ្ដល់ជូន​ការសិក្សា​ពី​គម្រោង អាហារូបករណ៍​អភិសន្តិបណ្ឌិត ស សុខា ថ្នាក់ជាតិ។

ឱកាសសម្រាប់និស្សិតកម្ពុជាជំនាញវិចិត្រសិល្បៈទៅផ្លាស់ប្តូរបទពិសោធន៍សិក្សានៅ Korea National University of Heritage

ព័ត៌មានអាហារូបករណ៍, ព្រឹត្តិការណ៍

• 14/10/2026

ជា​ឱកាសសម្រាប់និស្សិតកម្ពុជា​ដែលកំពុងសិក្សាចាប់ពីឆ្នាំទី២ រហូត ដល់ឆ្នាំទី៤ នៃមហាវិទ្យាល័យបុរាណវិទ្យា មហាវិទ្យាល័យស្ថាបត្យកម្មនិងនគរូបនីយវិទ្យា និងមហាវិទ្យាល័យ

អាហារូបករណ៍ជំនាញបច្ចេកទេស និងវិជ្ជាជីវៈ១ នៅវិទ្យាស្ថានជាតិពហុបច្ចេកទេសតេជោសែន

ព័ត៌មានអាហារូបករណ៍, ព្រឹត្តិការណ៍

• 18/02/2025

វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើស សិស្ស និងសាធារណជនទៅរៀនជំនាញបច្ចេកទេស និងវិជ្ជាជីវៈ ជាច្រើនកន្លែងសម្រាប់ថ្នាំសិក្សាថ្មី ក្នុងកម្រិតសញ្ញាបត្របច្ចេកទេស និងវិជ្ជាជីវៈ១ ។

អាហារូបករណ៍​ថ្នាក់បណ្ឌិត ជំនាញវិទ្យាសាស្រ្តកុំព្យូទ័រ និងព័ត៌មានវិទ្យា នៅ​ប្រទេស​សឹង្ហបុរី

ព័ត៌មានអាហារូបករណ៍, ព្រឹត្តិការណ៍

• 31/07/2024

A*STAR Computing and Information Science (ACIS) បានប្រកាស​ផ្តល់អាហារូបករណ៍​ដល់អ្នកមានបំណងចង់បន្តការសិក្សា​ថ្នាក់បណ្ឌិត​ផ្នែកុំព្យូទ័រ និង​វិទ្យាសាស្រ្ត​ព័ត៌មាន។

វិទ្យាស្ថានជាតិកសិកម្មព្រែកលៀបផ្ដល់អាហារូបករណ៍ថ្នាក់បរិញ្ញាបត្រ១០០០កន្លែងសម្រាប់ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 05/01/2023

វិទ្យាស្ថានជាតិកសិកម្មព្រែកលៀបបាន​ប្រកាស​ផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិ...

Fulbright ផ្ដល់អាហារូបករណ៍៤ពាន់នាក់សម្រាប់និស្សិតអន្តរជាតិ

ព័ត៌មានអាហារូបករណ៍, ព្រឹត្តិការណ៍

• 17/01/2023

កម្មវិធីអាហារូបករណ៍ Fulbright USA កំពុងបើកទទួលពាក្យស្នើសុំអាហារូបករណ៍សម្រាប់និស្សិតអន្តរជាតិគ្រប់ជាតិសាសន៍ច្រើនជាង១៦០ប្រទេសចំនួន៤ពាន់...

អាហារូបករណ៍ ៣៥០កន្លែង នៅវិទ្យាស្ថានជំនាន់ថ្មី សម្រាប់ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 16/09/2025

ដើម្បីរួមចំណែកក្នុងវិស័យអប់រំ អាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្ររង និងថ្នាក់បរិញ្ញាបត្រ ចំនួន៣៥០កន្លែង សិក្សានៅវិទ្យាស្ថានខ្មែរជំនាន់ថ្មី ឆ្នាំសិក្សា២០២៥-២០២៦។

អាហារូបករណ៍ ICCR ទៅសិក្សានៅប្រទេស​ឥណ្ឌា ឆ្នាំសិក្សា​២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 04/03/2026

រដ្ឋាភិបាលឥណ្ឌា បានប្រកាស​ផ្តល់អាហារូបករណ៍​ពេញលេញ​សម្រាប់​និស្សិត​កម្ពុជា ទៅបន្ត​ការ​សិក្សា​ថ្នាក់ឧត្តមសិក្សា​នៅប្រទេស​ឥណ្ឌា តាមរយៈ​ក្រុម​ប្រឹក្សា​សម្រាប់​ទំនាក់ទំនង​វប្បធម៌ឥណ្ឌា។



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *