ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា ប្រកាសជ្រើសរើសបេក្ខជនចូលរួមប្រកួតផលិតវីដេអូអប់រំស្តីពីផលប៉ះពាល់នៃបារីអេឡិចត្រូនិក (VAPE) ក្នុងគោលបំណងដើម្បីកាត់បន្ថយហានិភ័យសុខភាពរបស់ធនធានមនុស្សបង្កឡើងដោយការប្រើប្រាស់បារីអេឡិចត្រូនិក។
សម្រាប់លក្ខខណ្ឌ នៃការប្រកួត គឺជាសិស្សមធ្យមសិក្សា និងជានិស្សិតឧត្តមសិក្សានៅតាមគ្រឹះស្ថានសាធារណៈ និងឯកជនក្នុងរាជធានីភ្នំពេញ។ សម្រាប់ខ្លឹមសារស្តីពីផលប៉ះពាល់ នៃការប្រើប្រាស់ ចែកចាយ នាំចូល ស្តុកទុក បារីអេឡិចត្រូនិក និងវិធានការទប់ស្កាត់លុបបំបាត់បារីអេឡិចត្រូនិក។
បេក្ខជនត្រូវផលិតវីដេអូ មានរយៈពេល ៦០វិនាទី ទៅ១៥០វិនាទី, រូបភាព និងសំឡេងច្បាស់ល្អ។ បេក្ខជន ត្រូវបង្ហោះវីដេអូក្នុងបណ្ដាញព័ត៌មានសង្គម ដូចជាហ្វេសប៊ុក តិកតុក យូធូប និងទម្រង់ផ្សេងទៀតឱ្យបានច្រើនបំផុតតាមដែលអាចធ្វើបាន។ ការវាយតម្លៃជ័យលាភីផ្អែកលើចំនួនអ្នកចូលមើលច្រើនបំផុត។
បេក្ខជនជ័យលាភីលេខ១ នឹងទទួលបានទឹកប្រាក់ ៣លាន២សែនរៀល, ជ័យលាភីលេខ២ ទទួលបានទឹកប្រាក់ ២លាន៤សែនរៀល, ជ័យលាភីលេខ៣ ទទួលបានទឹកប្រាក់ ១លាន៦សែនរៀល និងប្រាក់រង្វាន់លើកទឹកចិត្ត ២នាក់ក្នុងម្នាក់ ៤សែនរៀល។
បេក្ខជនដែលចាប់អារម្មណ៍ចង់ចូលរួមប្រកួត អាចដាក់ពាក្យចាប់ពីថ្ងៃផ្សាយដំណឹងរហូតដល់ដំណាច់ ខែឧសភា ឆ្នាំ២០២៥។ គ្រប់គ្រឹះស្ថានសិក្សា ត្រូវបញ្ជូនរបាយការណ៍ស្តីពីចំនួនអ្នកចូលរួម មកនាយកដ្ឋានសុខភាពសិក្សា ចាប់ពីខែមិថុនា ដល់ដំណាច់ ខែសីហា ឆ្នាំ២០២៥។ សម្រាប់ សិស្ស និស្សិត ផលិត និងបង្ហោះវីដេអូក្នុងបណ្ដាញព័ត៌មានសង្គម ដើម្បីទទួលអ្នកមើលច្រើនបំផុត៕
