ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់ឧត្តមសិក្សាពីកម្មវិធីអាហារូបករណ៍ U of Manitoba Scholarship for International Students 2025-2026 នៅប្រទេសកាណាដា។ អាហារូបករណ៍ផ្ដល់ការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជានខ្ពស់ និងថ្នាក់បណ្ឌិត។
លក្ខខណ្ឌនៃការជ្រើសរើស ៖ អាហារូបករណ៍ផ្ដល់ឱ្យបេក្ខជនអន្តរជាតិមកពីគ្រប់សញ្ជាតិសាសន៍ ជាបេក្ខជនដែលបានស្នើការសិក្សាទៅកាន់សាកលវិទ្យាល័យ Manitoba (មុនពេលដាក់ពាក្យអាហារូបករណ៍), មានជំនាញភាសាអង់គ្លេស និងមានតេស្តបញ្ជាក់ (TOEFL ឬ IELTS)។ ជាមួយគ្នានេះ បេក្ខជនដែលស្នើពាក្យសិក្សាថ្នាក់បរិញ្ញាបត្រត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ បេក្ខជនស្នើថ្នាក់បរិញ្ញាបត្រជាន់ខ្ពស់ត្រូវមានសញ្ញាបត្រថ្នាក់បរិញ្ញាបត្រ សម្រាប់បេក្ខជនស្នើថ្នាក់បណ្ឌិតត្រូវមានសញ្ញាបត្រថ្នាក់បរិញ្ញាបត្រ និងគម្រោងស្រាវជ្រាវ។
ជំនាញដែលអាហារូបករណ៍ផ្ដល់ជូនរួមមាន ៖ គណនី វិទ្យាសាស្ត្រគណិតវិទ្យា ការសិក្សាពីមនុស្សចាស់ (ភាពចាស់នៃមនុស្ស) កសិផលនៃអាជីវកម្ម បរិស្ថានវិទ្យា កសិកម្ម ប្រព័ន្ធបសុសត្វ នរវិទ្យា គណិតវិទ្យា បុរេសិល្បៈ អប់រំ ជីវវិទ្យា គីមីវិទ្យា វិស្វកម្មសំណង់ស៊ីវិល វិស្វកម្មកុំព្យូទ័រ ភូមិសាស្ត្រ និងជំនាញជាច្រើនទៀត។
បេក្ខជន បេក្ខនារីត្រូវភ្ជាប់ឯកសារចាំបាច់មួយចំនួនដូចជា លិខិតឆ្លងដែនមានសុពលភាព ប្រតិចារិក និងវិញ្ញាបនបត្រសិក្សា សញ្ញាបត្របញ្ជាក់ភាសាអង់គ្លេស លិខិតអនុសាសន៍២ ឬ៣ សំណើរស្រាវជ្រាវ និងសេចក្ដីថ្លែងការណ៍ផ្ទាល់ខ្លួន។
សម្រាប់ព័ត៌មានបន្ថែម និងការដាក់ពាក្យអាចចូលទៅកាន់ https://umanitoba.ca/admissions ។
ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី០១ ខែធ្នូ ឆ្នាំ២០២៥៕
