ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ហាណូយ – កាលពីចុងសប្តាហ៍កន្លងទៅនេះ (៣០ មីនា) ក្រុមការងារ STEAMING Cambodia បានទៅទស្សនកិច្ច Smart Factory Research Center របស់សាកលវិទ្យាល័យ Hanoi University of Industry (HAUI) ដើម្បីស្វែងយល់ពីដំណើរនៃការកសាងនិងការប្រតិបត្តិការផ្នែក Hardware និង Software របស់មជ្ឈមណ្ឌលស្រាវជ្រាវរោងចក្រឆ្លាតវៃរបស់សាកលវិទ្យាល័យ HAUI ដែលជាសាកលវិទ្យាល័យដៃគូរបស់ក្រុមហ៊ុន Siemens និងVietbay។
មជ្ឈមណ្ឌល Smart Factory Research Center ស្ថិតនៅក្រោមមហាវិទ្យាល័យវិស្វកម្មមេកានិចដែលបានដំណើរការតាំងពីឆ្នាំ២០២១, ក្នុងរយ:ពេលជាង១ឆ្នាំ ដែល Smart Factory Research Center ដាក់ឱ្យដំណើការ មជ្ឈមណ្ឌលស្រាវជ្រាវនេះ បានធ្វើទំនើបកម្មនិងពង្រីកមុខវិជ្ជាសម្រាប់បណ្តុះបណ្តាលរបស់ខ្លួនជូននិស្សិតដែលសិក្សាផ្នែកមេកានិកឱ្យមានសមត្ថភាពតាមទាន់ការរីកចម្រើនរបស់ឧស្សាហកម្ម និងក្រុមហ៊ុនផលិតកម្ម។ ការបណ្តុះបណ្តាលនៅក្នុងមជ្ឈមណ្ឌលស្រាវជ្រាវរោងចក្រឆ្លាតវៃនេះ គឺផ្តោតលើការផលិតគ្រឿងបន្លាស់គ្រឿងម៉ាស៊ីននានា។
ក្នុងដំណើទស្សនកិច្ចនោះ ក្រុមការងារ STEAMING Cambodia មានឱកាសសិក្សាស្វែងយល់ពី Software នានាដែលក្រុមហ៊ុន Siemens បានជួយគាំទ្រដល់សាកលវិទ្យាល័យ។
សូមបញ្ជាក់ថា សាកលវិទ្យាល័យ HAUI ត្រូវបានចាត់ទុកថាជាសាកលវិទ្យាល័យចំណាស់ជាងគេមួយ ដោយធ្វើការបណ្តុះបណ្តាលផ្នែកបច្ចេកវិទ្យា អស់រយ:ពេល១២៥ឆ្នាំមកហើយ៕
