ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – វិទ្យាស្ថានជាតិកសិកម្មព្រែកលៀបបានប្រកាសផ្ដល់អាហារូបករណ៍១០០%ថ្នាក់បរិញ្ញាបត្រចំនួន១០០០កន្លែងសម្រាប់សិស្សទើបបញ្ចប់មធ្យមសិក្សាទុតិយភូមិឆ្នាំ២០២១-២០២២ សម្រាប់ឆ្នាំសិក្សា២០២២-២០២៣ ។ អាហារូបករណ៍ផ្ដល់ជូនរួមមាន ៥០០កន្លែងសម្រាប់ថ្នាក់បរិញ្ញាបត្រវិទ្យាសាស្ត្រ និង៥០០កន្លែងថ្នាក់បរិញ្ញាបត្ររង ។
ជំនាញដែលអាហារូបករណ៍ផ្ដល់ជូនរួមមាន ក្សេត្រសាស្ត្រនិងវិទ្យាសាស្ត្រដី/ក្សេត្រសាស្ត្រ ៦០កន្លែង ជីវបច្ចេកវិទ្យា និងសេនេទិករុក្ខជាតិ៧០កន្លែង សាកវប្បកម្ម៦៤កន្លែង វិទ្យាសាស្ត្រព្រៃឈើ/រុក្ខកម្ម៧០កន្លែង ជលផល៧០កន្លែង វិទ្យាសាស្ត្របរិស្ថាន៧០កន្លែង ផលិតកម្ម និងសុខភាពសត្វ/ផលិតកម្មសត្វ៦០កន្លែង វេជ្ជសាស្ត្រសត្វ/បសុព្យាបាល៦០កន្លែង ។
ជំនាញផ្សព្វផ្សាយកសិកម្មនិងអភិវឌ្ឍន៍ជនបទ៧០កន្លែង សេដ្ឋកិច្ចនិងធុរកិច្ចកសិកម្ម៧០កន្លែង សេដ្ឋកិច្ចនយោបាយកសិកម្មនិងស្បៀង៧០កន្លែង វិទ្យសាស្ត្រកែច្នៃអាហារ៦៦កន្លែង ព័ត៌មានវិទ្យាសាស្ត្រកសិកម្មនិងវិស្វកម្មកសិកម្ម៧០កន្លែង រៀបចំដែនដី និងរដ្ឋបាលដីធ្លី៦០កន្លែង ។
សម្រាប់ព័ត៌មានបន្ថែមអាចទៅកាន់គ្រឹះស្ថានវិទ្យសា្ថនដែលមានទីតាំងនៅ អាសយដ្ឋានលេខ២០០ មហាវិថីព្រះនរោត្ដម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ឬទំនាក់ទំនងទៅកាន់ ០២៣ ៧២៦ ១២៨ / ០២៣ ៧២៦ ១២៨ ៕
