ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- ថ្លែងក្នុងពិធីកាត់ខ្សែបូសម្ពោធស្តង់ពិព័រណ៍សៀវភៅឆ្នាំ២០២៣ កាលពីរសៀលថ្ងៃទី១០ ខែមីនា ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា សៀវភៅគឺជាប្រភពនៃចំណេះដឹង ការជំរុញ និងលើកកម្ពស់ការអាន ហើយក៏ជាបេសកកម្មមួយដ៏មានសារ:សំខាន់ជាពិសេសសម្រាប់អភិវឌ្ឍវិស័យអប់រំ។
ឯកឧត្តមបណ្ឌិតសភាចារ្យ ហង់ជួន ណារ៉ុន បន្ថែមថា កុមារ និងយុវជនដែលជាអ្នកបន្តវេនត្រូវពង្រីកចំណេះដឹងរបស់ខ្លួនឱ្យបានទូលំទូលាយ ។ ឯកឧត្តមរដ្ឋមន្ត្រីបញ្ជាក់ថា ការអានដើម្បីបណ្ដុះទម្លាប់អានជំរុញវប្បធម៌អាន លើកកម្ពស់សមត្ថភាពអាន ជំរុញវប្បធម៌អាន និងការតែងនិពន្ធសំដៅរួមចំណែកការពារ និងពង្រឹងវប្បធម៌ អរិយធម៌ខ្មែរ ដល់សិស្ស និស្សិត មន្ត្រីរាជការក៏ដូចជាប្រជាជនគ្រប់រូបក្នុងប្រទេសកម្ពុជា។
គួរបញ្ជាក់ថា ភាសាជាមូលដ្ឋានគ្រឹះ នៃការសិក្សារៀនសូត្រ បើតាមការលើកឡើងរបស់ ឯកឧត្តម ហង់ជួន ណារ៉ុន ប្រសិនបើសិស្សមិនអាចអាន និងសរសេរមិនស្ទាត់ នោះនឹងធ្វើឱ្យប៉ះពាល់ដល់ការរៀនទៅលើមុខវិជ្ជាផ្សេងៗ ដូច្នេះការពង្រឹងអំណានដំបូង គឺជាផ្នែកមួយនៃកំណែទម្រង់ ដែលកម្ពុជាបានដាក់ចេញ។
បើយោងតាមទិន្នន័យ ប្រជាជនកម្ពុជាជាង៩០ភាគរយ ចេះអាន និងសរសេរ តែយ៉ាងណា ឯកឧត្តម ហង់ជួន ណារ៉ុន អំពាវនាវឱ្យសាធារណជនទាំងអស់ធ្វើការបណ្តុះកូនពីតូចឱ្យចូលរួមពិព័រណ៍សៀវភៅ នាំកូនទៅបណ្ណាល័យ ដើម្បីឱ្យពួកគេចាប់អារម្មណ៍ និងលើកទឹកចិត្តដល់ការអាន ។ «យើងដឹងហើយថា អានកាន់តែច្រើន ចេះកាន់តែច្រើន» ។
គួរជម្រាបជូនថា ជារៀងរាល់ឆ្នាំ កម្ពុជាតែងតែរៀបចំប្រារព្ធទិវាជាតិអំណានដើម្បីបណ្ដុះទម្លាប់អាន ជំរុញវប្បធម៌អាន លើកកម្ពស់សមត្ថភាពអាន និងការតែងនិពន្ធរួមចំណែកការងារ និងពង្រឹងវប្បធម៌ខ្មែរ ។ សម្រាប់ឆ្នាំ២០២៣នេះ ទិវាជាតិអំណានបានប្រារព្ធធ្វើក្រោមប្រធានបទ “អំណានជាមាគ៌ាឆ្ពោះទៅបរិវត្តកម្មវិស័យអប់រំ” ដោយមានទាំងការដាក់តាំងពិព័រណ៍សៀវភៅរយៈពេល ៣ថ្ងៃថែមទៀត៕
