ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Ubon Ratchathani នៃប្រទេសថៃសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រក្រោមជំនាញសិក្សាជាច្រើន។
ជំនាញដែលអាហារូបករណ៍ផ្ដល់ជូនរួមមាន បរិញ្ញាបត្រកសិកម្ម បរិញ្ញាបត្របច្ចេកវិទ្យាចំណីអាហារ បរិញ្ញាបត្រកសិកម្មវិស្វកម្មឆ្លាតវៃ បរិញ្ញាបត្រគ្រប់គ្រងពាណិជ្ជកម្មអន្តរជាតិ បរិញ្ញាបត្រភាសាអង់គ្លេសសម្រាប់អាជីវកម្មសម័យឌីជីថល បរិញ្ញាបត្រសុខភាពសាធារណៈ បរិញ្ញាបត្ររូបវិទ្យាជីវវេជ្ជសាស្ត្រ បរិញ្ញាបត្រគីមីវិទ្យា បរិញ្ញាបត្រវិទ្យាសាស្ត្របរិស្ថាន បរិញ្ញាបត្រច្នៃប្រឌិតបច្ចេកវិទ្យា និង បរិញ្ញាបត្រគណិតវិទ្យា។
លក្ខខណ្ឌសម្រាប់បេក្ខជនក្នុងការដាក់ពាក្យ បេក្ខជនមិនមានសញ្ជាតិថៃ បានបញ្ចប់ថ្នាក់មធ្យមសិក្សាទុតិយភូមិ ឬសញ្ញាបត្រមានតម្លៃស្មើដែលជាកម្មវិធីបរិញ្ញាបត្រអន្តរជាតិ (IB) ឬប្រព័ន្ធអប់រំនៃប្រទេសដែលបានមានការទទួលស្គាល់។ លើសពីនេះ បេក្ខជនត្រូវមានជំនាញភាសាថៃ ឬភាសាអង់គ្លេសបានល្អ (TOEFL, TOEIC, IELTS, TU-GET, or CU-TEP)។
បេក្ខជនដែលមានចំណាប់អារម្មណ៍ក្នុងការស្នើពាក្យអាហារូបករណ៍អាចធ្វើការដាក់ពាក្យឯកសារទៅកាន់ការិយាល័យសាកលវិទ្យាល័យ (Office of International Relations, UBU) ដោយផ្ទាល់ តាមរយៈ Email: [email protected] ។ ចាប់ទទួលពាក្យចំនួនពីរដង ដោយលើកទីមួយពីថ្ងៃទី០១ ដល់ថ្ងៃទី៣០ ខែតុលា ឆ្នាំ២០២៤ និងលើកទីពីរ ចាប់ពីថ្ងៃទី០១ ខែមករា ដល់ថ្ងៃទី៣១ ខែមករា ឆ្នាំ២០២៥។
សម្រាប់ព័ត៌មានបន្ថែមអាចចូលទៅកាន់ https://www.ubu.ac.th/web/ubuenglish/ ៕
