ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់យុវជន យុវនារី ដែលមកពីគ្រួសារក្រីក្រ ឬគ្រួសារងាយរងហានិភ័យ និងសាធារណៈជនទូទៅ ដែលមានបំណងចង់ទទួលបានជំនាញមួយច្បាស់លាស់សម្រាប់ជីវិត, វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសជ្រើសរើសសិស្សចូលរៀនជំនាញបច្ចេកទេស និងវិជ្ជាជីវៈ សម្រាប់គម្រោង ១,៥លាននាក់ ចំនួន៣៣០នាក់។
មុខជំនាញដែលត្រូវផ្តល់ជូនរួមមាន ៖ ការដំឡើងបណ្តាញអគ្គិសនីក្នុងអគារ ចំនួន ៩០នាក់, សេវាកម្មបរិក្ខារត្រជាក់ក្នុងគេហដ្ឋាន ចំនួន ៩០នាក់, ការថែទាំ និងជួសជុលរថយន្ត ចំនួន ៩០នាក់ និង ជំនាញ សេវាកម្មកុំព្យូទ័រ ចំនួន ៦០នាក់។
លក្ខខណ្ឌសិក្សា ៖ យុវជនមកពីគ្រួសារក្រីក្រ ឬគ្រួសារងាយរងហានិភ័យ និងសាធារណៈជនទូទៅ, មានអាយុចាប់ពី ១៥ឆ្នាំឡើង, សិក្សារយៈពេល ៤ខែ (សិក្សាពេញម៉ោង ព្រឹក និងរសៀល), ឬ សិក្សារយៈពេល ៦ខែ (សិក្សាមួយពេល ព្រឹក ឬ រសៀល)។
អត្ថប្រយោជន៍ ៖ សិក្សាដោយឥតបង់ថ្លៃ, ទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយខែ រយៈពេល ៤ខែ ដោយសិក្សាពេញម៉ោង សម្រាប់អ្នកមានបណ្ណក្រីក្រ ឬគ្រួសារងាយរងហានិភ័យ, ទទួលបានសញ្ញាបត្របច្ចេកទេស និងវិជ្ជាជីវៈ១ និងឱកាសបន្តការសិក្សា, ទទួលបានជំនាញមួយពិតប្រាកដដែលទីផ្សារការងារកំពុងត្រូវការ, ឱកាសការងារសមរម្យ និងចំណូលទៀងទាត់។
កាលបរិច្ឆេទចែក និងទទួលពាក្យ ចាប់ពីថ្ងៃផ្សាយដំណឹងនេះតទៅ ហើយកាលបរិច្ឆេទចូលរៀន ថ្ងៃទី០៧ ខែតុលា ឆ្នាំ២០២៤។
សម្រាប់ព័ត៌មានបន្ថែម សូមទំនាក់ទំនងវិទ្យាស្ថាន ដែលស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង ឬតាមរយៈទូរស័ព្ទលេខ ០១០ ៥៤៧ ៧៧៨ / ០៩៧ ៥៧៧ ៣៩៩៤៕
