សាលាភាពជាអ្នកដឹកនាំឡៃហ្គឺដែលជាសាលារៀនផ្ដល់ការសិក្សាតាមបែបអន្តរជាតិ និងមានការទទួលស្គាល់ពីក្រសួងអប់រំ យុវជន និងកីឡាកម្ពុជា និងសាកលវិទ្យាល័យជាច្រើននៅជុំវិញពិភពលោក ប្រកាសជ្រើសរើសសិស្សចំនួន ៤០នាក់ចូលរៀនពីថ្នាក់ទី៧ ដល់ថ្នាក់ទី១២ឆ្នាំសិក្សា២០២៤-២០២៥។ វគ្គសិក្សាថ្មីនឹងចូលរៀននៅដើមខែសីហា ឆ្នាំ២០២៤។

សាលាភាពជាអ្នកដឹកនាំឡៃហ្គឺ បានបើកដំណើរការនៅក្នុងប្រទេសកម្ពុជាអស់រយៈពេលជាងមួយទស្សវត្សមកហើយ ដោយសាលាមានកម្មវិធីសិក្សាដែលមានវិសាលភាព ផ្ដល់មូលដ្ឋានគ្រឹះរឹងមាំ បទពិសោធន៍ លើកកម្ពស់ការចូលរួមបង្កើតនូវសមិទ្ធផល និងជះឥទ្ធិពលវិជ្ជមានរបស់សិស្ស។ លើសពីនេះ វិធីសាស្រ្តសិក្សាតាមបែបគម្រោង ផ្ដល់ឱកាសឱ្យសិស្សសិក្សាស្វែងយល់នូវបញ្ហានានាក្នុងភាពជាក់ស្ដែង និងផ្ដល់ជាគំនិតផ្ដួចផ្ដើមក្នុងការដោះស្រាយបញ្ហាទាំងនោះ។

កម្មវិធីសិក្សាត្រូវបានបែងចែកជាពីរដើម្បីបំពេញការសិក្សាគ្នាទៅវិញទៅមក គឺការសិក្សាមុខវិជ្ជាគ្រឹះ និងចំណេះដឹងពីកម្មវិធីសិក្សាថ្នាក់មូលដ្ឋាន ។

មុខវិជ្ជាគ្រឹះ រួមមានអក្សរសាស្ត្រអង់គ្លេស អក្សរសាស្ត្រខ្មែរ គណិតវិទ្យា និងវិទ្យាសាស្រ្ត ដែលមានសារៈប្រយោជន៍ក្នុងការអប់រំថ្នាក់មូលដ្ឋាន។ សម្រាប់ចំណេះដឹងពីកម្មវិធីសិក្សាថ្នាក់មូលដ្ឋាននេះ នឹងធ្វើឱ្យសិស្សមានសមត្ថភាពល្អប្រសើរ ដើម្បីជួយពង្រីការយល់ដឹងរបស់ពួកគេក្នុងការសិក្សាតាមបែបគម្រោង ការជ្រើសយកឱកាសសិក្សា និងការរៀនពីបទពិសោធន៍ជាក់ស្ដែង។ ការរួមបញ្ចូលមុខវិជ្ជាមូលដ្ឋានគ្រឹះ និងការអប់រំសតវត្សទី២១ ជួយឱ្យសិស្សទទួលបានការអប់រំមួយប្រកបដោយគុណភាពខ្ពស់ និងជាកម្មវិធីសិក្សាដែលទទួលស្គាល់ដោយក្រសួងអប់រំយុវជន និងកីឡា។

សិស្សានុសិស្សដែលបានបញ្ចប់ការសិក្សានៅសាលាភាពជាអ្នកដឹកនាំឡៃហ្គឺនឹងទទួលបានសញ្ញាបត្រដែលទទួលស្គាល់ជាអន្តរជាតិនៅក្នុងប្រទេសជាច្រើនក្នុងនោះក៏មានសហរដ្ឋអាមេរិក កាណាដា និងជប៉ុន។

សម្រាប់ព័ត៌មានបន្ថែមអាចទំនាក់ទំនងទៅកាន់លេខទូរស័ព្ទ ០៩៩ ៥៥៥ ៨៨៣ (ខ្មែរ) ឬ ០៩៦ ៨៥៥ ៦០៦៨(English) ឬអាចចូលទៅកាន់គេហទំព័រ www.ligeracademy.org ឬ Email: info@ligeracademy.org ។ ជាមួយគ្នានេះក៏អាចទៅកាន់សាលាផ្ទាល់ដែលមានអាសយដ្ឋាន ផ្លូវលេខ១១២ ភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ប្រទេសកម្ពុជា៕