ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្នុងចំណោមករណីគ្រោះថ្នាក់ចរាចរណ៍ទាំងអស់ គេបានរកឃើញថា ករណីវ៉ាជែងមិនត្រឹមត្រូវគឺជាមូលហេតុលំដាប់ទី៣ ដែលបង្កឱ្យកើតមានគ្រោះថ្នាក់ចរាចរណ៍ បន្ទាប់ពីល្បឿន និងឥរិយាបើកបរមិនគោរពសិទ្ធិអាទិភាព។ នេះបើតាមប្រសាសន៍លើកឡើងរបស់លោកជំទាវ មឹន មាណវី អគ្គលេខាធិការ នៃគណៈកម្មាធិការជាតិសុវត្ថិភាពចរាចរណ៍ផ្លូវគោក ។
បើតាមប្រសាសន៍របស់លោកជំទាវ មឹន មាណវី ការបើកបរវ៉ាជែង និងបត់មិនត្រឹមត្រូវ គឺបានបណ្តាលឱ្យកើតមានគ្រោះថ្នាក់ចរាចរណ៍ធ្ងន់ធ្ងរ ដោយបង្កដល់ករណីស្លាប់ថែមទៀត ។ អ្នកប្រើប្រាស់ផ្លូវទាំងអស់ត្រូវគោរពច្បាប់ចរាចរណ៍ ដោយធ្វើបត់និងវ៉ាជែងឱ្យបានត្រឹមត្រូវ ដើម្បីចៀសវាងគ្រោះថ្នាក់ដោយប្រការណាមួយ។
លោក ព្រហ្ម វណ្ណថា ប្រធាននាយកដ្ឋានសុវត្ថិភាពចរាចរណ៍ផ្លូវគោក បានលើកឡើងថា ដើម្បីឱ្យការបត់ ឬជែងប្រកបដោយសុវត្ថិភាព អ្នកបើកបរទាំងឡាយត្រូវតែមានសុជីវធម៌ និងគោរពទៅតាមច្បាប់ចរាចរណ៍ ។ មុននឹងបត់អ្នកបើកបរត្រូវក្រឡេកមើលតាមកញ្ចក់មើលក្រោយ ជាពិសេសកញ្ចក់ខាងឆ្វេង ប្រសិនបើ បត់ឆ្វេង ហើយត្រូវមើលកញ្ចក់ក្រោយ រួចមើលកញ្ចក់ខាងស្តាំ ប្រសិនបើបត់ស្តាំ ដើម្បីដឹងពីទីតាំងនិងចលនានៅខាងក្រោយ ។ ជាមួយគ្នានេះ អ្នកបើកបរត្រូវឱ្យសញ្ញាប្តូរទិសមុននឹងបត់ ដោយត្រូវមានចម្ងាយឱ្យបានគ្រប់គ្រាន់មុននឹងបត់ពីកន្លែងត្រូវបត់ ហើយត្រូវបន្ថយល្បឿន ។
– លោក ព្រហ្ម វណ្ណថា
“ប្រសិនបើគ្មានឧបសគ្គទេ យើងត្រូវអែប បើសិនត្រូវបត់ឆ្វេង យើងត្រូវអែបគំនូសបង្ហូតកណ្តាលទ្រូងផ្លូវ ហើយត្រូវបត់ឆ្វេងដោយប្រុងប្រយ័ត្ន”
ទាក់ទងនឹងការជែងវិញ លោក ព្រហ្ម វណ្ណថា បានផ្តល់ដំបូន្មានដល់អ្នកបើកបរទាំងអស់ ត្រូវអនុវត្តឱ្យបានត្រឹមត្រូវ ដោយប្រាកដថា ការជែងរបស់ខ្លួនមិនបង្កឱ្យគ្រោះថ្នាក់ដល់អ្នកបើកបរផ្សេងទៀត។
– លោក ព្រហ្ម វណ្ណថា
“ការជែងនេះទៀតសោត យើងត្រូវឃើញច្បាស់ថា តើនៅខាងមុខហ្នឹងមានឧបសគ្គ ឬគ្មានឧបសគ្គ តើយើងអាចជែងហើយ ចូលទៅក្នុងចរាចរណ៍ប្រក្រតីវិញបានដែរឬទេ នៅពេលដែលយើងជែងរួច ដោយមិនរំខានទៅដល់ចរាចរណ៍របស់អ្នកដទៃ”
ទាក់ទងនឹងការជែងនេះផងដែរ បើតាមប្រធាននាយកដ្ឋានសុវត្ថិភាពចរាចរណ៍ផ្លូវគោករូបនេះ បានបញ្ជាក់ថា ប្រសិនបើគ្មានអ្នកបើកបរយានជំនិះណាមួយទៀតនៅពីក្រោយសុំជែងទេ គឺអាចសុំជែង ដោយត្រូវដឹងថា ល្បឿនសមាមាត្ររបស់យានទាំងពីរ គឺអាចជែងក្នុងរយៈចម្ងាយខ្លីបំផុត ហើយការសុំជែងនេះទៀតសោត ក៏ត្រូវតែឱ្យសញ្ញាសុំជែងតាមរយៈការប្រើភ្លើងកូដ និងហ្វាឆ្លាស់គ្នានៅពេលយប់។ ការជែងនេះ ត្រូវទុកគម្លាតពីយានមួយទៅយានមួយយ៉ាងហោចណាស ១ម៉ែត្រ នេះជាការជែងប្រកបដោយសុវត្ថិភាព។
យោងតាមទិន្នន័យគ្រោះថ្នាក់ចរាចរណ៍បានឱ្យដឹងថា នៅឆ្នាំ ២០២១កន្លងទៅ គ្រោះថ្នាក់ចរាចរណ៍ផ្លូវគោកបានកើតឡើងចំនួន ២៦៧០លើក ដោយបណ្តាលឱ្យស្លាប់មនុស្សចំនួន ១៤៩៧នាក់ និងរបួស ៣៦១៥នាក់ ក្នុងនោះរបួសធ្ងន់ជាង ២២០០នាក់។ ទិន្នន័យក៏បានបញ្ជាក់ដែរថា មូលហេតុចម្បងៗ ដែលបណ្តាលឱ្យកើតមានគ្រោះថ្នាក់ចរាចរណ៍ គឺមកពីបើកបរលើសល្បឿនកំណត់, មិនគោរពសិទ្ធអ្នកដទៃ, ការវ៉ាជែង, មិនប្រកាន់ស្តាំ, បត់ដោយមិនមានការប្រុងប្រយ័ត្ន, បើកបរដោយមានគ្រឿងស្រវឹង, កត្តាយានយន្ត និងបើកបរក្នុងស្ថានភាពងងុយ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Trento ប្រទេសអ៉ីតាលី
ព័ត៌មានអាហារូបករណ៍, ព្រឹត្តិការណ៍
• 09/04/2025
ជាឱកាសសម្រាប់និស្សិតកម្ពុជាដែលចង់បន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅក្រៅប្រទេស ពេលនេះ កម្មវិធីអាហារូបករណ៍ University of Trento Scholarshiip 2025-2026 កំពុងប្រកាសជ្រើសរើស...
អាហារូបករណ៍បរិញ្ញាបត្រជាន់ខ្ពស់នៅសាកលវិទ្យាល័យ Oxford ពីកម្មវិធី St Cross College Scholarship 2024
ព័ត៌មានអាហារូបករណ៍, ព្រឹត្តិការណ៍
• 18/10/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកវិទ្យាល័យ Oxford ពីកម្មវិធីអាហារូបករណ៍ St Cross College Scholarship 2024...
ឱកាសសិក្សាអាហារូបករណ៍៧៥% នៅសាកលវិទ្យាល័យអន្តរជាតិអាល្លឺម៉ង់ ប្រទេសអាល្លឺម៉ង់ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 29/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យអន្តរជាតិនៅប្រទេសអាល្លឺម៉ង់នៃប្រទេសអាល្លឺម៉ង់ឆ្នាំសិក្សា២០២៤ ។ ......
ឱកាសសម្រាប់សិស្សនិស្សិតកម្ពុជា បន្តការសិក្សាថ្នាក់ឧត្តមសិក្សានៅប្រទេសចិន តាមរយៈអាហារូបករណ៍ China-ASEAN Digital Academy
ព័ត៌មានអាហារូបករណ៍, ព្រឹត្តិការណ៍
• 18/05/2026
សាធារណរដ្ឋប្រជាមានិតចិន កំពុុងប្រកាសផ្តល់អាហារូបករណ៍ដល់និស្សិតកម្ពុជាចំនួន ១០ រូប ដើម្បីឱ្យទៅបន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើមុខជំនាញផ្សេងៗ នៅ Harbin Institute of Technolog
ក្រសួងអប់រំផ្តល់អាហារូបករណ៍ថ្នាក់បណ្ឌិត ទៅសិក្សានៅសាកលវិទ្យាល័យមហាសារ៉ាខាម ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 24/04/2024
ក្រសួងអប់រំ យុវជន និងកីឡា បានឱ្យដឹងថា សម្រាប់ឆ្នាំ២០២៤ សាកលវិទ្យាល័យមហាសារ៉ាខាម នៃព្រះរាជាណាចក្រថៃ នឹងផ្តល់អាហារូបករណ៍ចំនួន ០១កន្លែង ដល់និស្សិតកម្ពុជា ដើម្បីបន្តការសិក្សាថ្នាក់បណ្ឌិត...
អាហារូបកណ៍សិក្សាជំនាញវិជ្ជាជីវៈនៅវិទ្យាស្ថានជាតិសហគ្រិនភាព និងនវានុវត្តន៍
ព័ត៌មានអាហារូបករណ៍, ព្រឹត្តិការណ៍
• 27/08/2024
ឱកាសសិក្សាជំនាញវិជ្ជាជីវៈវគ្គខ្លីនៅវិទ្យាស្ថានជាតិសហគ្រិនភាព និងនវានុវត្តន៍ សម្រាប់យុវជន យុវនារី ឥតគិតថ្លៃក្នុងវគ្គសិក្សាថ្មី។ អាហារូបករណ៍ផ្ដល់ជូនការសិក្សាសម្រាប់យុវជន យុវនារី មកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ច...
ឱកាសអាហារូបករណ៍ សិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ នៅសាកលវិទ្យាល័យវិទ្យាសាស្រ្ត និងបច្ចេកវិទ្យាប៉េកាំង
ព័ត៌មានអាហារូបករណ៍, ព្រឹត្តិការណ៍
• 30/01/2025
ក្រោមកិច្ចសហប្រតិបត្តិការរវាងកម្មវិធីសាបព្រោះគ្រាប់ពូជ នៃ ស.ស.យ.ក. រាជធានីភ្នំពេញ និងសាកលវិទ្យាល័យវិទ្យាសាស្រ្ត និងបច្ចេកវិទ្យាក្រុងប៉េកាំង（USTB）បានប្រកាសផ្តល់អាហារូបករណ៍ដល់និស្សិតកម្ពុជា ក្នុងការសិក្សាជំនាញជាច្រើន...
អាហារូបករណ៍ជំនាញព័ត៌មានវិទ្យា ៥០កន្លែងនៅវិទ្យាស្ថាន NTTI
ព័ត៌មានអាហារូបករណ៍, ព្រឹត្តិការណ៍
• 14/10/2025
វិទ្យាស្ថានជាតិបណ្តុះបណ្តាលបច្ចេកទេស ហៅកាត់ថា NTTI បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់សញ្ញាបត្រជាន់ខ្ពស់បច្ចេកទេស (បរិញ្ញាបត្ររង) ក្នុងឆ្នាំសិក្សា២០២៥-២០២៦
ឱកាសអាហារូបករណ៍១០០% និង៥០% ជាច្រើនកន្លែងនៅវិទ្យាស្ថានតេជោសែន សាធារណការ និងដឹកជញ្ជូន
ព័ត៌មានអាហារូបករណ៍, ព្រឹត្តិការណ៍
• 27/12/2023
វិទ្យាស្ថានតេជោសែន សាធារណការ និងដឹកជញ្ជូន ប្រកាសផ្តល់អាហារូបករណ៍ ១០០% ចំនួន ៥០ កន្លែង និង ៥០% (បេក្ខជននារី) ជាច្រើនកន្លែងទៀត រហូតដល់បញ្ចប់ការសិក្សា តាមរយៈការប្រឡងចូលរៀនជំនាន់ទី៤។
កម្មវិធីពិសេសរបស់ AMS EDUCATION
ព័ត៌មានសង្ខេប
