ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សង្គមខ្មែរកិរិយាលើកដៃប្រណម្យសំពះជម្រាបសួរ ឬការដោះមួក និងដោះស្បែកជើងចូលផ្ទះអ្នកដទៃជាដើម គឺបង្ហាញពីការគោរពទៅកាន់បុគ្គល ឬម្ចាស់ផ្ទះ ។ ទន្ទឹមគ្នានោះ គេសង្កេតឃើញថា សកម្មភាពទាំងនោះជះឥទ្ធិពលវិជ្ជមានយ៉ាងច្រើនមកកាន់បុគ្គលផ្ទាល់ខ្លួន និងជាគំរូល្អដល់កុមារ ។
លោក ឡាក់ ច័ន្ទដារ៉ា ជានិស្សិតបញ្ចប់ការសិក្សាផ្នែកទេសចរណ៍ បាននិយាយថា ការសំពះពេលទៅលេងផ្ទះអ្នកដទៃ ជាការគោរពដល់ម្ចាស់ផ្ទះ និងជាការគួរសមមួយបែបមនុស្សជួបគ្នាដំបូង ។ ការសំពះជាសុជីវធម៌មួយដែលបង្ហាញពីអត្តសញ្ញាណនៃជាតិសាសន៍ផងដែរ ហើយខ្មែរបានប្រកាន់យកយកការសំពះជាការគោរពនិងគារវកិច្ចចំពោះគ្នាទៅវិញទៅមក ។ ការសំពះទៀតសោតខ្មែរតែងធ្វើអមដោយប្រយោគជម្រាបសួរ បានន័យថា ពាក្យសម្តីនិងកាយវិការធ្វើឡើងព្រមគ្នាដោយការគោរព ។
លោក ឡាក់ ច័ន្ទដារ៉ា បានបញ្ជាក់បន្ថែមថា ៖
“រាល់ដងសកម្មភាពបែបនេះ ខ្ញុំតែងតែធ្វើ មិនថាទៅដល់ផ្ទះគេ ឬផ្ទះខ្លួនឯងទេ ។ សកម្មភាពទាំងនេះវាបានផ្ដល់ឥទ្ធិពលដល់ក្មេងៗ ដែលបានឃើញទង្វើទាំងអស់នេះ យកទៅអនុវត្តពេលគាត់ធំឡើង ឬទៅផ្ទះអ្នកដទៃ និងបន្ដរូបភាពដល់ក្មេងៗក្រោយៗទៀត”
ចំណែកលោក សុខ កែវរតនា និស្សិតបញ្ជាប់ការសិក្សាផ្នែកចិត្តវិទ្យា ក៏យល់ឃើញដែរថា រូបភាពលើកដៃសំពះគ្នាបានបង្កើនទំនាក់ទំនងយ៉ាងជិតស្និត នៅពេលជួបនរណាម្នាក់ ។ ស្របគ្នានេះ ប្រសិនបើទៅផ្ទះអ្នកដទៃកិរិយាមិនសមរម្យ ដូចជា មិនដោះមួក និងមិនសំពះ អាចធ្វើឱ្យម្ចាស់ផ្ទះមានអារម្មណ៍ទើសទាល់ និងមិនអាចបង្កើតភាពជិតស្និតបានឡើយ ។
លោក សុខ កែវរតនា បាននិយាយថា ៖ “កាលណាយើងផ្តល់តម្លៃឱ្យគេ នោះគេនឹងផ្តល់តម្លៃឱ្យយើងវិញ ! ពេលខ្លះទោះជាយើងធ្វើទាំងចិត្តមិនចង់ក៏ដោយ ប៉ុន្តែជាទូទៅវាតែងតែផ្តល់គុណតម្លៃ និងផលប្រយោជន៍ជានិច្ច ។
ដោយឡែក កញ្ញា គង់ ស្រីរ័ត្ន និស្សិតកំពុងសិក្សាជំនាញទំនាក់ទំនងអន្តរជាតិ បាននិយាយថា គារវកិច្ចគ្នាដោយលើកដៃសំពះ បានបញ្ជាក់ពីបុគ្គលិកលក្ខណៈប្រពៃណីរបស់បុគ្គល តាមរយៈសកម្មភាពឱនលំទោននិងឱ្យតម្លៃអ្នកដទៃ ។ បន្ថែមលើនេះ វាជាការយល់ដឹងអំពីសីលធម៌រស់នៅក្នុងសង្គម ដើម្បីផ្តល់តម្លៃដល់ ខ្លួនឯង សមាជិកគ្រួសារ និងមនុស្សជុំវិញខ្លួន ។
យុវជនម្នាក់ទៀត លោក ឈ្មោះ ហ៊ន់ កុងហូយ ជានិសិ្សតកំពុងសិក្សាជំនាញវេជ្ជសាស្ត្រ បាននិយាយថា ការសំពះជម្រាបសួរដល់ចាស់ព្រឹទ្ធាចារ្យ លោកគ្រូអ្នកគ្រូ មិត្តភក្តិ និងមនុស្សជុំវិញខ្លួន ជាកាយវិការគោរពដ៏សាមញ្ញបំផុត ជាពិសេសពេលដែលទៅលេងស្រុកកំណើត ឬចូលរួមជួបជុំសាច់ញាតិ ។
លោក ឈ្មោះ ហ៊ន់ កុងហូយ ៖
“អ្វីដែលខ្ញុំទទួលបានមកវិញតាមរយៈសកម្មភាពលើកដៃសំពះ គឺ ផ្លូវចិត្តកាន់តែសប្បាយរីករាយ និងជ្រះថ្លាបានច្រើន ព្រោះខ្ញុំបានបង្ហាញការគោរពនិងក្តីស្រឡាញ់ដោយសុទ្ធចិត្ត”
សូមជម្រាបថា នៅក្នុងសង្គមខ្មែររបៀបសំពះមានច្រើនបែប ហើយកន្លងទៅប្រជាពលរដ្ឋខ្មែរ យុវជន ព្រមទាំងសិស្សនិស្សិតមួយចំនួនតែងតែមានការយល់ច្រឡំអំពីរបៀបសំពះ តែងប្រតិបត្តិឆ្គងពីរបៀបសំពះរបស់ខ្មែរ ។ សំពះកម្ពស់ត្រឹមដើមទ្រូង សម្រាប់វ័យ ឬឋានៈស្មើគ្នា ឬមិត្តភក្តិ, សំពះកម្ពស់ត្រឹមមាត់ សម្រាប់វ័យចាស់ជាង ឬឋានៈធំជាង ឬចៅហ្វាយនាយ, សំពះកម្ពស់ត្រឹមចុងច្រមុះ សម្រាប់សំពះមាតាបិតា ជីដូន ជីតា គ្រូបាអាចារ្យ, កម្ពស់ត្រឹមចិញ្ចើម សម្រាប់សំពះ ព្រះសង្ឃ ព្រះមហាក្សត្រ ឬវត្ថុស័ក្តិសិទ្ធិ, និងសំពះកម្ពស់ត្រឹមចិញ្ចើមឡើងទៅ សម្រាប់សំពះទេវតា ព្រះឥន្ទ ព្រះព្រហ្ម ឬបួងសួង ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 14/03/2023
កម្មវិធីអាហារូបករណ៍ Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...
ក្រសួងការបរទេសកូរ៉េ ជ្រើសរើសយុវជនអាស៊ាន ចូលរួមកម្មវិធីបោះជំរំ YCAFE 2026
ព័ត៌មានអាហារូបករណ៍, ព្រឹត្តិការណ៍
• 01/07/2026
ក្នុងគោលដៅដើម្បីពង្រឹងកិច្ចសហប្រតិបត្តិការក្នុងតំបន់ ការយល់ដឹងអន្តរវប្បធម៌ និងភាពជាអ្នកដឹកនាំរវាងយុវជន និងយុវជន ក្រសួងការបរទេសនៃសាធារណរដ្ឋកូរ៉េ បានកំពុងប្រកាសជ្រើសរើសយុវជនពីបណ្តាប្រទេសអាស៊ាន...
ឱកាសអាហារូបករណ៍សិក្សាឥតគិតថ្លៃនៅអាល្លឺម៉ង់ ពីកម្មវិធី DAAD MIDE 2026
ព័ត៌មានអាហារូបករណ៍, ព្រឹត្តិការណ៍
• 19/06/2025
កម្មវិធីអាហារូបករណ៍ DAAD MIDE 2026 បានប្រកាសផ្តល់អាហារូបករណ៍សម្រាប់និស្សិតអន្តរជាតិពីប្រទេសកំពុងអភិវឌ្ឍ ដើម្បីទៅសិក្សាថ្នាក់បរិញ្ញាបត្រជាន់ខ្ពស់សេដ្ឋកិច្ចអន្តរជាតិ និងការអភិវឌ្ឍ (Master)
ឱកាសអាហារូបករណ៍ពេញលេញនៅសាកលវិទ្យាល័យ Monash ប្រទេសអូស្រ្តាលី
ព័ត៌មានអាហារូបករណ៍, ព្រឹត្តិការណ៍
• 23/05/2025
កម្មវិធីអាហារូបករណ៍ K.C Kuok Scholarship ប្រកាសផ្ដល់អាហារូបករណ៍ដល់និស្សិតអន្តរជាតិ សិក្សានៅសាកលវិទ្យាល័យ Monash នៃប្រទេសអូស្ត្រាលី។ អាហារូបករណ៍ផ្ដល់ជូនដោយអតីតនិស្សិតនៃសាកលវិទ្យាល័យ Monash
ឱកាសសិក្សាអាហារូបករណ៍៥០% សម្រាប់វគ្គបណ្ដុះបណ្ដាលជំនាញវិជ្ជាជីវៈពន្ធដារជំនាន់ទី១៨
ព័ត៌មានអាហារូបករណ៍, ព្រឹត្តិការណ៍
• 26/10/2023
អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុប្រកាសផ្ដល់អាហារូបករណ៍៥០% ចំនួន១០០កន្លែងនៅសាលាជាតិពន្ធដារ។ អាហារូបករណ៍ផ្ដល់ជូនសម្រាប់សិស្ស-និស្សិត ....
វគ្គបណ្តុះបណ្តាលខ្លីតាមប្រព័ន្ធអនឡាញ “Good Governance” របស់ប្រទេសនូវែលសេឡង់ ដល់មន្រ្តីកម្ពុជា ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 22/12/2025
រដ្ឋាភិបាលនូវែលសេឡង់ នឹងរៀបចំវគ្គបណ្តុះបណ្តាលរយៈពេលខ្លី ក្រោមប្រធានបទ "Good Governance" តាមប្រព័ន្ធអនឡាញ រយៈពេលសិក្សាចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់មន្រ្តីរាជការកម្ពុជា។
សហភាពអឺរ៉ុបប្រកាសផ្តល់អាហារូបករណ៍ ៣០កន្លែង ដល់និស្សិត និងអ្នកជំនាញកម្ពុជា ទៅសិក្សាលើវិស័យទឹកនៅអឺរ៉ុប
ព័ត៌មានអាហារូបករណ៍, ព្រឹត្តិការណ៍
• 18/02/2026
ដើម្បីចូលរួមចំណែកក្នុងការអភិវឌ្ឍប្រកបដោយចីរភាព និងពង្រឹងសមត្ថភាពអ្នកជំនាញក្នុងវិស័យទឹកនៅកម្ពុជា សហភាពអឺរ៉ុបប្រចាំកម្ពុជាបានប្រកាសបើកទទួលពាក្យសុំអាហារូបករណ៍ក្រោមកម្មវិធី "European Global Scholarship...
ក្រសួងទេសចរណ៍ជ្រើសរើសគ្រូជំនាញសម្រាប់សាលាវិជ្ជាជីវៈទេសចរណ៍ចំនួន១០នាក់ ទៅសិក្សានៅប្រទេសបារាំង
ព័ត៌មានអាហារូបករណ៍, ព្រឹត្តិការណ៍
• 20/02/2024
ក្រសួងទេសចរណ៍ប្រកាសជ្រើសរើសគ្រូបណ្ដុះបណ្ដាលជំនាញសម្រាប់សាលាវិជ្ជាជីវៈទេសចរណ៍ចំនួន១០រូប ដើម្បីចូលរួមវគ្គបណ្ដុះបណ្ដាលគ្រូជំនាញនៅ...
ឱកាសអភិវឌ្ឍជំនាញស្រាវជ្រាវអន្តរជាតិ នៅ University of Jyväskylä ប្រទេសហ្វាំងឡង់
ព័ត៌មានអាហារូបករណ៍, ព្រឹត្តិការណ៍
• 24/06/2026
សាកលវិទ្យាល័យ University of Jyväskylä នៃប្រទេសហ្វាំងឡង់ កំពុងប្រកាសបើកទទួលពាក្យអាហារូបករណ៍សម្រាប់កម្មវិធី JYU Visiting Fellow Programme 2027 ដល់និស្សិត និងសាស្ត្រាចារ្យកម្ពុជានៅលើការ...
កម្មវិធីពិសេសរបស់ AMS EDUCATION
ព័ត៌មានសង្ខេប
