មកស្គាល់កម្មវិធីទូរស័ព្ទដៃ និងគេហទំព័រ ចំនួន៤ ជួយដល់សិស្សធ្វើស្វ័យសិក្សាត្រៀមប្រឡងបាក់ឌុប

ការប្រឡងសញ្ញាបត្រមធ្យមសិក្សា​ទុតិយភូមិ ឬបាក់ឌុប កាន់តែខិតជិតមកដល់ ធ្វើឱ្យប្អូនៗសិស្សានុសិស្សមួយចំនួនកំពុងមានក្ដីបារម្ភ ឬភ័យចំពោះការប្រឡងមួយនេះ ។ ជាមួយគ្នាមានបញ្ហាមួយចំនួនដែលបេក្ខជនតែងជួបនៅពេលរៀនត្រៀមប្រឡង គឺច្រើនតែពិបាករកឯកសារ ពិបាកសួរសំណួរនៅពេលមានចម្ងល់ មិនដឹងតេស្តសមត្ថភាពតាមវិធីណាជាដើម។

ដើម្បីរួមចំណែកជួយដល់សិស្សានុសិស្សដែលជាបេក្ខជនប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប ខាងមុខនេះ AMS Education សូមបង្ហាញនូវកម្មវិធីទូរស័ព្ទដៃ (App) ក៏ដូចជាគេហទំព័រចំនួន៤ ដែលផ្ដល់ភាពងាយស្រួលក្នុងការស្វ័យសិក្សាសម្រាប់សិស្សត្រៀមប្រឡងបាក់ឌុប ៖

App MoEYS E-learning ៖ កម្មវិធីទូរស័ព្ទស្វ័យសិក្សាមួយនេះ បណ្ដុំទៅដោយវីដេអូ សៀវភៅ និងឯកសារគ្រប់មុខវិជ្ជា គ្រប់កម្រិតសិក្សាថ្នាក់ចំណេះទូទៅពីថ្នាក់ទី១ ដល់ថ្នាក់ទី១២ ។ កម្មវិធីទូរស័ព្ទដៃនេះ បង្កើតឡើងដើម្បីផ្ដល់នូវភាពកាន់តែងាយស្រួលដល់សកម្មភាពស្វ័យសិក្សាសម្រាប់សិស្សានុសិស្ស រួមមានថ្នាក់វិទ្យាសាស្រ្ត និងថ្នាក់វិទ្យាសាស្រ្តសង្គម គ្រប់មុខវិជ្ជា គ្រប់ជំពូក គ្រប់មេរៀន ដែលប្អូនៗអាចទស្សនាវីដេអូ ដោនឡូត ចូលទៅកាន់បណ្ណាល័យស្រាវជ្រាវបន្ថែម។

ជាមួយគ្នានេះ នៅក្នុងអេប MoEYS E-learning សិស្សានុសិស្សក៏អាចធ្វើលំហាត់តេស្តសមត្ថភាព ទទួលបានព័ត៌មានថ្មីៗ ព្រមទាំងអាចចេញមតិពិភាក្សា និងចែករំលែកទៅកាន់មិត្តភក្ដិផងដែរ។ តាមរយៈវីដេអូមេរៀន​នៅក្នុងអេប ប្អូនៗអាចរំលឹកមេរៀន និងពង្រឹងសមត្ថភាពបន្ថែមដើម្បីត្រៀមខ្លួនរួចរាល់សម្រាប់ការប្រឡងបាក់ឌុបបានផងដែរ។ សិស្សានុសិស្សអាចសិក្សាបានដោយខ្លួនឯងគ្រប់មុខវិជ្ជា គ្រប់ពេលវេលា និងគ្រប់ទីកន្លែង ដោយគ្រាន់តែទាញយកកម្មវិធីដោយឥតគិតថ្លៃពី App store, Play store និង App Gallery។

គេហទំព័រ Duraseksa/ទូរសិក្សា ៖ ជាគេហទំព័ររបស់មជ្ឈមណ្ឌលសម្រាប់ការអប់រំឌីជីថល និង​ការអប់រំពីចម្ងាយ នៃក្រសួងអប់រំ យុវជន និងកីឡា ដែលបានរៀបចំឡើងដើម្បីជាជំនួយក្នុងការសិក្សារបស់សិស្សានុសិស្ស។ នៅក្នុងគេហទំព័រមួយនេះ មានវីដេអូមេរៀនគ្រប់កម្រិត ចាប់ពីថ្នាក់មត្តេយ្យរហូតដល់ថ្នាក់ទី១២ គ្រប់មុខវិជ្ជា និងឯកសារស្វ័យសិក្សា។ ទន្ទឹមគ្នានេះ សិស្សានុសិស្សអាចជ្រើសរើសប្រភេទវីដេអូតាមចំណង់ចំណូលចិត្ត ដែលមានបីប្រភេទដូចជា វីដេអូការបង្រៀន ឬវីដេអូថតក្នុង STUDIO, វីដេអូសង្ខេបមេរៀន ឬវីដេអូ SCREEN RECORD និងវីដេអូសកម្មភាពក្នុងថ្នាក់។

ជាមួយគ្នានេះ គេហទំព័រទូរសិក្សាក៏មានមាតិកាពិសេសៗដូចជា ការអប់រំក្រៅប្រព័ន្ធ ការអភិវឌ្ឍន៍យុវជន ការបណ្ដុះបណ្ដាលគ្រូ ការអប់រំបច្ចេកទេស កុមារតូច មាតិកាឌីជីថលពិសេស និងសេចក្ដីប្រកាសផ្សេងៗរបស់ក្រសួងអប់រំ យុវជន និងកីឡា ។ ម៉្យាងវិញទៀត នៅក្នុងគេហទំព័រទូរសិក្សាសិស្សានុសិស្សក៏អាចទាញយកវីដេអូ ឬមេរៀនទុកសម្រាប់សិក្សាដោយឥតគិតថ្លៃផងដែរ មានដូចជា សៀវភៅពុម្ពឌីជីថល ឯកសារសំណួរ ចម្លើយ ឯកសារស្វ័យសិក្សាផ្សេងៗទៀត។ ជាពិសេស ប្អូនៗអាចចូលទស្សនាគេហទំព័រ ដោយមិនចាំបាច់មានការចុះឈ្មោះនោះទេ លុះត្រាតែប្អូនៗចូលទស្សនាមេរៀន ទើបតម្រូវឱ្យចុះឈ្មោះ ដោយវិធីចុះឈ្មោះមានពីររបៀប ទី១. ត្រូវបំពេញព័ត៌មានផ្ទាល់ខ្លួន តាមទម្រង់វេបសាយកំណត់ ទី២. តភ្ជាប់ទៅកាន់បណ្ដាញសង្គមផ្ទាល់ខ្លួនដូចជា Fecebok ឬ Google ជាដើម ។

Tesdopi តេស្ត១២៖ ជាកម្មវិធីទូរស័ព្ទបង្កើតឡើងដើម្បីឱ្យសិស្សអនុវត្តបន្ថែមលើមេរៀន​ និងលំហាត់មុខវិជ្ជាភាសាខ្មែរ គណិតវិទ្យា វិទ្យាសាស្ត្រថ្នាក់ទី៧ដល់ទី១២ ក្នុងកម្មវិធីសិក្សាគោល។ នៅក្នុង TESDOPI មានកម្មវិធីរបៀបរៀនបែបថ្មី, មេរៀនខ្លីៗងាយយល់, ធ្វើលំហាត់ជាង ២ម៉ឺនលំហាត់, តាមដានរបាយការណ៍ និងធ្វើវិញ្ញាសាត្រៀមប្រឡង។ លើសពីនេះ សិស្សានុសិស្សអាចទាញយកកម្មវិធីនេះទៅប្រើប្រាស់បានដោយគ្រាន់តែ log in ចូលទៅក្នុង កម្មវិធី TESDOPI ហើយបំពេញព័ត៌មានផ្ទាល់ខ្លួនជាការស្រេច។

E-School Cambodia ៖ ជាកម្មវិធីទូរស័ព្ទនិងកុំព្យូទ័រ (Online) បង្កើតឡើងដើម្បីឱ្យសិស្សអនុវត្តបន្ថែមលើមេរៀន​ និងលំហាត់គ្រប់មុខវិជ្ជាថ្នាក់ទី៩និងទី១២ ក្នុងកម្មវិធីសិក្សាគោល នៅ​ក្នុងគោលបំណងត្រៀមប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប។ លើសពីនេះ App E-School Cambodia ក៏មានមុខងារជាច្រើនទៀតដើម្បីគាំទ្រដល់ការសិក្សាឱ្យកាន់តែមានប្រសិទ្ធភាព រួមមាន របាយការណ៍សិក្សា, ឯកសារមេរៀនជា PDF, មុខងារសួរសំនយរទៅលើវីដេអូមេរៀន, ការធ្វើតេស្តតាមមេរៀន, បណ្ណាល័យដែលមានសៀវភៅច្រើនប្រភេទ ក្រុមពិភាក្សា ព្រមទាំងការដោនឡូតវីដេអូទុកសិក្សាពេលគ្មានអ៊ីនធឺណិត។

សូមបញ្ជាក់ថា ក្នុងចំណោមកម្មវិធីទូរស័ព្ទ និងគេហទំព័រ បានណែនាំខាងលើនេះ សម្រាប់ App MoEYS E-learning និងគេហទំព័រ Duraseksa/ទូរសិក្សា គឺត្រូវបានបង្កើតឡើងដោយក្រសួងអប់រំ យុវជន និង​កីឡា ដោយសិស្សអាចចូលទៅប្រើប្រាស់ដោយមិនគិតថ្លៃ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

វេសឡាញសហការជាមួយសាកលវិទ្យាល័យ DPU ប្រទេសថៃ ផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា

ព័ត៌មានអាហារូបករណ៍, ព្រឹត្តិការណ៍

• 29/11/2024

បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងសាកលវិទ្យាល័យ Dhurakij Pundit (DPU) ប្រទេសថៃ កាលពីពេលថ្មីៗនេះ បានចុះ MoU ជាមួយគ្នា ក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា ដែលមានបំណង...

ឱកាសសិក្សាជំនាញបច្ចេកទេសវិជ្ជាជីវៈចំនួន២១០០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 23/11/2023

វិទ្យាស្ថានពហុបច្ចេកទេសខេត្តបន្ទាយមានជ័យប្រកាសជ្រើសរើសយុវជន យុវនារី និងសាធារណជនសិក្សាវគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១ រយៈពេល៤ខែ ចំនួន២១០០...

អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់ត្រៀមបណ្ឌិតនៅប្រទេសសឹង្ហបុរីឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 14/07/2025

កម្មវិធីអាហារូបករណ៍ Government of Singapore Scholarship ឬ អាហារូបករណ៍រដ្ឋាភិបាលសឹង្ហបុរី ប្រកាសជ្រើសរើសនិស្សិតសិក្សាថ្នាក់បរិញ្ញាបត្រជាន់ខ្ពស់ និងថ្នាក់ត្រៀមបណ្ឌិត សម្រាប់ឆ្នាំសិក្សា២០២៦។

អាហារូបករណ៍សាច់ប្រាក់ពី Education First Cambodia សម្រាប់និស្សិតស្រីរយៈពេល៣ឆ្នាំ

ព័ត៌មានអាហារូបករណ៍, ព្រឹត្តិការណ៍

• 11/10/2023

ឱកាសទទួលបានអាហារូបករណ៍សាច់ប្រាក់រយៈពេល៣ឆ្នាំពី Education First Cambodia ផ្ដល់សម្រាប់សិស្សស្រីកំពុងសិក្សាឆ្នាំទី២នៃឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់និស្សិតកំពុងសិក្សានៅ...

អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 17/07/2023

មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។

អាហារូបករណ៍ថ្នាក់ឧត្ដមសិក្សាពីកម្មវិធី Abu Dhabi University ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 27/08/2025

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Abu Dhabi University ពីកម្មវិធី Abu Dhabi University Scholarship 2026 នៃប្រទេសអេមីរ៉ាតអារ៉ាប់រួម។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្ររយៈពេល​៤ឆ្នាំ

ឱកាសសិក្សាថ្នាក់ស្រាវជ្រាវ១២សប្ដាហ៍ពីកម្មវិធី Mitas Globalink Research Intership 2024

ព័ត៌មានអាហារូបករណ៍, ព្រឹត្តិការណ៍

• 25/08/2023

ឱកាសសិក្សាថ្នាក់ស្រាវជ្រាវចំនួន១២សប្ដាហ៍ពីកម្មវីធីMitas Globalink Research Intership 2024 នៅប្រទេសកាណាដាក្នុងឆ្នាំសិក្សា២០២៤ ។ អាហារូបករណ៍ផ្ដល់ឱ្យ...

អាហារូបករណ៍ KOICA សម្រាប់និស្សិតកម្ពុជាសិក្សាថ្នាក់បរិញ្ញាបត្រជាន់ខ្ពស់ និង​ថ្នាក់បណ្ឌិតនៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 15/06/2026

នៅក្នុងឆ្នាំសិក្សា២០២៧ ខាងមុខនេះ ការិយាល័យទីភ្នាក់ងារសហប្រតិបត្តិការអន្តរជាតិកូរ៉េ KOICA ប្រចាំកម្ពុជា តាមរយៈកម្មវិធីអាហារូបករណ៍ KOICA Scholarship Program 2027 បានប្រកាសបើក​ទទួលពាក្យ​ឱ្យចូល​សិក្សា...

អាហារូបករណ៍រយៈពេល៦ខែនៅសាកលវិទ្យាល័យ Hiroshima សម្រាប់និស្សិតមហាវិទ្យាល័យទន្តវទនសាស្ត្រ

ព័ត៌មានអាហារូបករណ៍, ព្រឹត្តិការណ៍

• 03/06/2024

ឱកាសសិក្សាអាហារូបករណ៍រយៈពេល៦ខែសម្រាប់និស្សិតមហាវិទ្យាល័យទន្តវទនសាស្ត្រនៃសាកលវិទ្យាល័យវិទ្យាសាស្ត្រសុខាភិបាល(ស.វ.ស)...